மீண்டும் ஓட்டுச்சீட்டு முறை: சு.சாமி மனு ஏற்பு !

தேர்தலில் மின்னனு ஓட்டுப்பதிவு இயந்திரத்தில் வாக்களித்தற்கான ரசீது, அல்லது மீண்டும் ஓட்டுச்சீட்டு முறையை கெண்டுவருவது தொடர்பாக சுப்ரீம் கோர்ட்டில் தொடரப்பட்ட வழக்கில் , ஜனதா கட்சி தலைவர் சுப்ரமணியசுவாமி தாக்கல் செய்த மனுவை முன்னுரிமை அடிப்படையில் விசாரணைக்கு ஏற்றுக்கொள்ளப்பட்டது.

தேர்தலின் போது மின்னணு ஓட்டுப்பதிவு இயந்திரத்தில் முறைகேடுகள் நடப்பதாக புகார் எழுந்தது. இது தொடர்பாக யாருக்கு வாக்களித்தனர் என எந்த உத்தரவாதமும் இல்லை. இது குறித்து அரசியல் பிரமுகர்கள் கேள்வி எழுப்பி வருகின்றனர்.

சிதம்பரம் வெற்றியில் சந்தேகம்:

இந்நிலையில் ஜனதா கட்சி தலைவர் சுப்ரமணியசுவாமி, சுப்ரீம் கோர்ட்டில் வழக்கு தொடர்ந்தார். அதில் மின்னணு ஓட்டுப்பதிவு இயந்திரத்தில் முறைகேடுகள் நடக்க வாய்ப்புள்ளது. இதில் யாருக்கு வாக்களித்தோம் என்பதற்கான ஆதாரமும் தெரியவில்லை. மேலும் இது போன்ற முறை அமெரிக்கா, ஜப்பானில் கைவிடப்பட்டுள்ளன. எனவே பழைய முறையான ஓட்டுச்சீட்டு முறையினையோ அல்லது மின்னணு வாக்குப்பதிவு இயந்திரத்தில் வாக்களித்தற்கான அத்தாட்சி ரசீது முறையினை கொண்டுவர வேண்டும். மின்னணு வாக்குப்பதிவு இயந்திரங்கள் தனியார் நிறுவனம் தயாரிப்பதால் அதில் முறைகேடுகள் நடக்க வாய்ப்புள்ளது. மேலும் கடந்த 2009-ம் ஆண்டு சிவகங்கை தொகுதி லோக்சபா தேர்தலில் போது முறைகேடுகள் நடந்துள்ளது. அதனால் மத்திய அமைச்சர் ப.சிதம்பர் வெற்றி குறித்து கோர்ட்டில் வழக்கு உள்ளது. இவ்வாறு அவர் கூறியிருந்தார்.

இவரது மனுவை விசாரித்த நீதிபதிகள் பி.வி. சதாசிவம்,ரஞ்சன் கோகெய் ஆகியோர் அடங்கிய டிவிசன் பெஞ்ச், முன்னுரிமை அடிப்படையில் விசாரரணைக்கு ஏற்றுக்கொண்டனர். இது தொடர்பாக தேர்தல் கமிஷன் தனது அறிக்கையினை தாக்கல் செய்ய காலஅவகாசம் கோரியிருந்ததால், வழக்கினை ஏற்றுக்கொள்வதுடன் வரும் 27-ம் தேதிக்கு நீதிபதிகள் ஒத்தி வைத்தனர்.

தினமலர்!

இந்த ஜோக்கரை முதலில் ஒழிச்சா தான் நாடு உருப்படும்.

யினியவன் wrote:இந்த ஜோக்கரை முதலில் ஒழிச்சா தான் நாடு உருப்படும்.

மஞ்சள் பத்திரிக்கை தினமலரையும் சேர்த்து ஒழிக்கணும்

புரட்சி wrote:மஞ்சள் பத்திரிக்கை தினமலரையும் சேர்த்து ஒழிக்கணும்