ஈகரையின் சிறுகதை சின்னத்திருவிழா - நடத்துனர் அசுரன் (updated on 16-9-2012)

by அசுரன் Thu Sep 13, 2012 8:33 pm

First topic message reminder :

ஈகரையின் சிறுகதை சின்னத்திருவிழா

நண்பர்களே! வணக்கம்

நமது ஈகரையில் கவிதைப்போட்டிகள் நடைபெற்றுள்ளது. பரிசுகளும் கொடுக்கப்படுகின்றன... இதை பார்க்கும்போது திறமையான கவிஞர்கள் நமது ஈகரையில் அதிகம் பேர் இருக்கிறார்கள் இருந்துக்கொண்டிருக்கிறார்கள்... அதேபோல் கதை எழுதுவதும் என்பது அதைவிட சுவாரஸ்யமான ஒன்று. ஆதிரா அக்கா குமுதத்தில் எழுதிய கதையை படித்து எவ்வளவு ஆனந்தம் அடைந்தோம். அதுபோல நமது ஈகரையில் உள்ள நண்பர்கள் சேர்ந்து ஒரு சிறுகதைப்போட்டி நடத்தினால் மிகச்சிறந்த கதை எழுத்தாளர்களை நம்மால் உருவாக்க முடியும் என்பது எனது எண்ணம்.

இதோ போட்டிக்கான விதிமுறைகள்:

1. கதையின் வரிகளின் அளவு 50 முதல் 100 வரை இருக்க வேன்டு்ம்.

2. கதையின் கரு - இது உங்கள் விருப்பம். இதில் எந்த கட்டுப்பாட்டையும் வைத்து சிறு வட்டத்திற்குள் படைப்பாளியை நிறுத்த நான் விரும்பவில்லை.

3. உங்கள் சொந்த கற்பனையில் உதித்த கதையாக தான் போட்டிக்கதை இருக்கவேன்டும். வேறு இடங்களில் இருந்தோ அல்லது பத்திரிக்கைகளில் வந்த கதையையோ இங்கு பதிவிடக்கூடாது. கண்டுப்பிடிக்கப்பட்டால் உங்கள் கதை போட்டியில் இருந்து நீக்கப்படும்

4. போட்டிக்கான கதைகள் எனது தனிமடலுக்கு தான் அனுப்ப வேன்டும். நீங்கள் பதிந்த கதையை பற்றி மற்றவர்களுக்கு தெரிவிக்கக்கூடாது.

5. பரிசுக்கான சிறந்த கதையை தேர்ந்தெடுக்க நடுவர் குழு ஒன்று அமைக்கப்பட்டுள்ளது. நடுவர் குழு தேர்ந்தெடுக்கும் சிறந்த கதைக்கே பரிசு வழங்கப்படும். நடுவர் குழுவின் முடிவே இறுதியானது. அவர்களை பற்றிய விவரங்களை போட்டி முடிவின் போது தெரியப்படுத்துகிறேன்.

6. உங்கள் கதையை நான் எனது பயனர் பெயரில் கதைக்கான போட்டி எண்ணை கொடுத்து நான் வெளியிடுவேன்.

7. எழுதியவர் யார் என்று தெரியாத நிலையில் உங்கள் கதை விமர்சனங்களை பின்னூட்டங்களாக பெறும்.. அதை நீங்கள் கண்டு ரசிக்கலாம் (நிறையோ? குறையோ?)

8. கதை எழுதி அனுப்ப கால அவகாசம் சரியாக ஒரு மாதம் (இன்றிலிருந்து அடுத்த மாதம் 13 அக்டோபர் இரவு 12.00 மணிக்குள்).

9. பரிசுத்தொகை உயர்த்தப்பட்டுள்ள.
முதல் பரிசு : ரூ 3000
இரண்டாம் பரிசு : ரூ 1500
மூன்றாம் பரிசு : ரூ 500

10 ஆறுதல் பரிசாக ஐந்து கதைகளுக்கு தலா 100 வழங்கப்படும். [color=darkred]

போட்டியில் கலந்துக்கொள்ள விருப்பம் உள்ளவர்கள் இங்கும் எங்கும் உங்கள் பெயர் கதைப்போட்டியில் இருக்கிறது என்பதை தெரிவிக்கக்கூடாது. எனக்கு கதையை தனிமடலில் தான் அனுப்ப வேன்டும் அது தான் போட்டியின் விதி. சரியாக 30 நாட்கள் உங்கள் கதைகள் பெரில்லாமலேயே வலம் வரும்.

இந்த திரியில் போட்டி அறிவிப்புப் பகுதியில் அரட்டைகள் வேண்டாம். வாழ்த்துச் செய்தி, சந்தேகக் கேள்விகள் மட்டுமே இடம் பெற வேண்டும்.

ஈகரையின் சிறுகதை சின்னத்திருவிழாவிற்கு அனைவரையும் அன்போடு அழைக்கிறேன்.

இன்று இரவு வரை மாற்றங்கள் இருக்கும். திரி நாளை இறுதி செய்யப்படும்.

அன்புடன்
அசுரன்

-----------------------------------------------------------------------------------------------------------------------------------------------------------

போட்டியின் புதிய விதிமுறை :
போட்டியில் பங்கெடுப்பவர்கள் அறிமுகப்பகுதியில் தங்களை அறிமுகப்படுத்தியிருக்கவேன்டும்.
போட்டியில் பங்கெடுப்பவர்கள் ஈகரையில் குறைந்தது 25 பதிவுகளாவது பதிந்திருக்கவேன்டும்.
மேலே குறிப்பிட்ட இரண்டையும் கடைபிடித்தால் தான் போட்டியில் பங்கேற்கும் தகுதியை தக்கவைக்க முடியும்.
புதியவர்கள் வெறும் கதையை மட்டும் அனுப்பிவிட்டு மற்ற பதிவுகள் ஏதும் பதியாமல் இருப்பதால் இந்த விதிமுறை மாற்றம் கொண்டுவரப்பட்டுள்ளது.

by **ரா.ரா3275** Sat Sep 15, 2012 8:23 pm

அட அட அட அட அடடா ... சூப்பருங்க

by யினியவன் Sat Sep 15, 2012 8:29 pm

அட அட அட அட அடடா ன்னு சொல்ற மாதிரி கதை எழுதி அனுப்பனும் ராரா.

by **ரா.ரா3275** Sat Sep 15, 2012 8:31 pm

யினியவன் wrote:அட அட அட அட அடடா ன்னு சொல்ற மாதிரி கதை எழுதி அனுப்பனும் ராரா.

ம்ம்ம்...முயற்சி திருவினையாக்கும்...வாழ்த்துகள் அண்ணா...

by யினியவன் Sat Sep 15, 2012 8:57 pm

உங்கள சொன்னேன் - என்னை இல்ல.

by varikudhirai Sun Sep 16, 2012 5:18 am

பக்க அளவு 50 - 75 என்பது புரியல சார்...
முழுக் கதை அதனை வரிகளில் அடங்க வேண்டுமா?

by **Aathira** Sun Sep 16, 2012 8:12 am

varikudhirai wrote:பக்க அளவு 50 - 75 என்பது புரியல சார்...
முழுக் கதை அதனை வரிகளில் அடங்க வேண்டுமா?

எனக்கும் இந்த ஐயம் இருக்கு.. அசுரன்

by **சிவா** Sun Sep 16, 2012 8:36 am

சிறுகதை என்பதற்கான வரைமுறையாக குறைந்தது 50 வரிகள் அதிகபட்சம் 75 வரிகளுக்குள் இருக்க வேண்டும் எனக் குறிப்பிட்டுள்ளார்.

by varikudhirai Sun Sep 16, 2012 9:00 am

சிவா wrote:சிறுகதை என்பதற்கான வரைமுறையாக குறைந்தது 50 வரிகள் அதிகபட்சம் 75 வரிகளுக்குள் இருக்க வேண்டும் எனக் குறிப்பிட்டுள்ளார்.

குட்டிக் கதையாக இருக்க வேண்டுமா? நன்றி அண்ணா...

by **சிவா** Sun Sep 16, 2012 9:06 am

varikudhirai wrote:
சிவா wrote:சிறுகதை என்பதற்கான வரைமுறையாக குறைந்தது 50 வரிகள் அதிகபட்சம் 75 வரிகளுக்குள் இருக்க வேண்டும் எனக் குறிப்பிட்டுள்ளார்.
குட்டிக் கதையாக இருக்க வேண்டுமா? நன்றி அண்ணா...

குட்டிக்கதையாக இருந்தாலும் சரி, குட்டி கதையாக இருந்தாலும் சரி! அசுரன் படித்துவிட்டு பள்ளிக்குச் சென்று பாடம் நடத்தும் அளவிற்கு இருக்கட்டும்.