ஆறுமணிநேரம் டிவி பார்த்தா 5 வருஷம் ஆயுள் குறையும்!

by முஹைதீன் Tue Sep 11, 2012 1:33 am

ஆறுமணிநேரம் டிவி பார்த்தா 5 வருஷம் ஆயுள் குறையும்! ஆய்வில் எச்சரிக்கை

ஆறுமணிநேரம் டிவி பார்த்தா 5 வருஷம் ஆயுள் குறையும்! 10watchingtv300

தினமும், ஒரு மணி நேரம் தொடர்ந்து, "டிவி' பார்த்தால், ஒருவரது ஆயுளில், 22 நிமிடங்கள் குறைந்து விடும் என்று ஆய்வாளர்கள் எச்சரித்துள்ளனர். தினசரி 6 மணிநேரம் டிவி பார்ப்பவர்களின் ஆயுட்காலம் 5 ஆண்டுகள் குறைகிறது. எனவும் ஆய்வாளர்கள் தெரிவித்துள்ளனர்.

இன்றைக்கு தொலைக்காட்சி பெட்டி இல்லாத வீடுகளே இல்லை. நடைபாதையில் வசிப்பவர்கள் கூட ஏதாவது ஒரு வகையில் தொலைக்காட்சியை பார்த்து பொழுதை கழிக்கின்றனர். இந்த தொலைக்காட்சி மனிதர்களின் நேரத்தை கொல்வதோடு உடல் நலத்திற்கும் வேட்டு வைக்கிறது. இது குறித்து ஆஸ்திரேலியாவில் உள்ள புகழ்பெற்ற குயின்ஸ்லேண்ட் பல்கலைக் கழகத்தில் மக்கள் தொகை நலன் குறித்தான பள்ளி ஆய்வு மாணவர்கள், 25 வயதுக்கு மேற்பட்ட 11 ஆயிரம் பேரிடம், தொலைக்காட்சி பார்ப்பது குறித்த ஆய்வு நடத்தினர். இந்த ஆய்வின் தொடர்ச்சியாக, எட்டு ஆண்டுகளுக்குப் பின் மீண்டும் ஆய்வு மேற்கொண்டனர்.

ஆய்வின் முடிவில் அவர்கள் எட்டு ஆண்டுகளில், 9.8 பில்லியன் மணி நேரம், டிவி பார்த்துள்ளதும், அதன் மூலம், இரண்டு லட்சத்து, 86 ஆயிரம் மணி நேரம் அவர்களது ஆயுள் குறைந்து விட்டதும் தெரிந்தது. இதன் மூலம் ஒரு மணி நேரம், "டிவி' பார்த்ததால், 22 நிமிடங்கள் ஆயுள் குறைந்துள்ளது கண்டறியப்பட்டது. இது ஒரு மணி நேரத்தில், இரண்டு சிகரெட்டுக்கள் புகைத்தால் ஏற்படும் பின் விளைவிற்கு ஒப்பானது என்கின்றனர் ஆய்வாளர்கள்.

தொடர்ந்து டிவி பார்த்த காரணத்தினால் அவர்களுக்கு இதயநோய், நீரிழிவு, உடல் எடை அதிகரித்தல் போன்ற பல்வேறு உடல் பாதிப்புக்கள் ஏற்பட்டிருப்பதும் தெரிந்தது. இது தவிர, உரிய காலத்திற்கு முன்பாகவே இறப்பதற்கான வாய்ப்பு, 8 சதவீதம் அதிகரிப்பதும் தெரிய வந்தது.

ஆய்வு நடத்தப்பட்ட ஆண்டுகளுக்கு இடையே, புகை பிடிப்பவர்கள் எண்ணிக்கை சரிவு அடைந்துள்ளதும், "டிவி' பார்ப்பவர்களின் எண்ணிக்கை குறையவே இல்லை என்பதும் தெரிய வந்தது.எனவே டிவி பார்த்து நேரத்தையும், ஆயுளையும் கொல்வதை விட உடற்பயிற்சி மேற்கொண்டு ஆயுளை அதிகரிக்கலாம் என்கின்றனர் நிபுணர்கள்.

http://tamil.boldsky.com/health/wellness/2012/six-hours-tv-day-can-cut-life-expectancy-five-years-001967.html

by **அருண்** Tue Sep 11, 2012 1:51 am

புதுசு புதுசா பீதியை கிளப்புறாங்கப்பா ..! ஒன்னும் புரியல

by யினியவன் Tue Sep 11, 2012 2:19 am

இந்த கணக்கு உண்மையா இருந்தா இந்நேரம் முக்கால்வாசி இந்தியர்கள் இறந்து போயிருப்பாங்களே?????

by அசுரன் Tue Sep 11, 2012 2:48 am

யினியவன் wrote:இந்த கணக்கு உண்மையா இருந்தா இந்நேரம் முக்கால்வாசி இந்தியர்கள் இறந்து போயிருப்பாங்களே?????

அண்ணே ! கேக்குறவங்க கேனா பானாவா இருந்தா... டீவியில கிரிக்கெட் மட்டும் பாக்குறவங்க ஹார்ட் அட்டாக்கில செத்துடுவாங்கன்னு சொல்லுவாங்க சிப்பு வருது

by balakarthik Tue Sep 11, 2012 3:32 am

பாஸ் டிவி பாகுரவங்களுக்கே இப்படினா அந்த டிவில நடிக்குரான்களே அவுங்கெல்லாம் எத்தனை ஆண்டுகள் இருப்பாங்க

by யினியவன் Tue Sep 11, 2012 3:52 am

அவங்கெல்லாம் ஆவிங்களா ஆயி நடிச்சு நம்மள பயமுறுத்தறாங்க பாலா.

by balakarthik Tue Sep 11, 2012 3:55 am

யினியவன் wrote:அவங்கெல்லாம் ஆவிங்களா ஆயி நடிச்சு நம்மள பயமுறுத்தறாங்க பாலா.

செத்தாலும் சனி விடாதுங்கறது இதுத்தானோ

by யினியவன் Tue Sep 11, 2012 3:56 am

balakarthik wrote:செத்தாலும் சனி விடாதுங்கறது இதுத்தானோ

அதே அதே சபாபதே...

என் கடன் நடிப்பு பனி செய்து கொல்வதே கொள்கையாய் கொண்டவங்க அவங்க.

by balakarthik Tue Sep 11, 2012 4:11 am

யினியவன் wrote:என் கடன் நடிப்பு பனி செய்து கொல்வதே கொள்கையாய் கொண்டவங்க அவங்க.

ஆமாமாம் எங்கும் அழுகை மயம் பொதுவா யாரவது செத்தாத்தான் அழுவாங்க இவுங்க அழுதழுதே சாவடிக்கிறாங்க முதலில் மெகா சீரியல்களில் ஆரம்பித்தது அழுகை. அழுகாச்சிக்கு இருக்கும் மார்க்கெட் வால்யூவைப் பார்த்துவிட்டு அழுகாச்சி ஸ்பெஷலாக நடிகை லட்சுமி ‘கதையல்ல நிஜம்’ ஆரம்பித்தார்.அம்மாமார்களும் வீட்டில் வேறே வேலை இல்லாமல் இருக்கிறவர்களும் பிசியாக அழ ஆரம்பிச்சாங்க .அப்புறம் விசுவின் டாக் ஷோவில் அழுதாங்க .அதற்கப்புறம் சூப்பர் சிங்கர் உள்ளிட்ட பாட்டுப் போட்டில அழுதாங்க , நீயா நானாவில் அழுகை இப்படியே போச்சுனா அப்புறம் செய்திகள், ராசிப்பலன் நிகழ்ச்சியில் கூட அழுவாங்க போலிருக்கு