ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

**சிவா** · **சிவா** Sat Sep 08, 2012 10:36 am

ஐகோர்ட்டில் தமிழை அலுவல் மொழியாக அறிவிக்க வேண்டும் என்று வலியுறுத்தி வக்கீல்கள் ஆர்ப்பாட்டம் நடத்தினர். தொடர்ந்து சாலை மறியலிலும் அவர்கள் ஈடுபட்டனர்.

அலுவல் மொழி

சென்னை ஐகோர்ட்டின் 150-ம் ஆண்டு விழா இன்று நடைபெற உள்ளது. இந்தநிலையில் சென்னை மற்றும் மதுரை ஐகோர்ட்டுகளில் தமிழை அலுவல் மொழியாக அறிவிக்க வேண்டும் என்று கோரிக்கை விடுத்து கடந்த சில நாட்களாக மதுரையில் வக்கீல்கள் போராட்டம் நடத்தி வருகிறார்கள். மதுரை ஐகோர்ட்டு கிளையில் இந்த கோரிக்கையை வலியுறுத்தி வக்கீல்கள் சிலர் உண்ணாவிரதம் இருந்தனர்.

மதுரை வக்கீல் சங்கம் சார்பில் கடந்த 2 நாட்களாக கோர்ட்டுகள் புறக்கணிக்கப்பட்டன. நேற்று முன்தினம் கோரிக்கை குறித்த விளக்க கூட்டத்தினை நடத்திய வக்கீல்கள் நேற்று ஆர்ப்பாட்டத்தில் ஈடுபட்டனர். வக்கீல் சங்க தலைவர் தர்மராஜ் தலைமை தாங்கினார். செயலாளர் ஏ.கே.ராமசாமி முன்னிலை வகித்தார். துணைத்தலைவர்கள் நெடுஞ்செழியன், செந்திவேல், உதவி செயலாளர்கள் கருணாநிதி, நந்தகோபன், பொருளாளர் கண்ணன் மற்றும் பொதுக்குழு உறுப்பினர்கள் உள்பட ஏராளமான வக்கீல்கள் ஆர்ப்பாட்டத்தில் கலந்து கொண்டனர்.

சாலை மறியல்

பின்னர் அவர்கள் அனைவரும் திடீரென்று மேலூர் சாலையில் மறியல் போராட்டத்தில் ஈடுபட்டனர். இதனால் அந்த வழியாக சென்ற வாகனங்கள் மாற்றுப்பாதையில் திருப்பி விடப்பட்டன. வக்கீல்களின் சாலை மறியல் போராட்டம் சுமார் ஒரு மணி நேரம் வரை நீடித்தது.

அப்போது நமது நாட்டின் சில மாநிலங்களில் உள்ள ஐகோர்ட்டுகளில் அந்த மாநில மொழியே அலுவல் மொழியாக உள்ளது. அதுபோல தமிழையும் அலுவல் மொழியாக அறிவிக்க வேண்டும் என்று அவர்கள் கோஷம் எழுப்பினர். கோர்ட்டு புறக்கணிப்பு காரணமாக வழக்கு விசாரணையில் பாதிப்பு ஏற்பட்டது.

தினத்தந்தி

balakarthik · balakarthik Sat Sep 08, 2012 10:37 am

அப்படியே இந்த வாய்தாவுக்கும் தமிழில் என்னான்னு சொல்லிடிங்கனா கொஞ்சம் நல்லா இருக்கும்

**சிவா** · **சிவா** Sat Sep 08, 2012 10:39 am

balakarthik wrote:அப்படியே இந்த வாய்தாவுக்கும் தமிழில் என்னான்னு சொல்லிடிங்கனா கொஞ்சம் நல்லா இருக்கும்

வாய் + தா

balakarthik · balakarthik Sat Sep 08, 2012 10:45 am

சிவா wrote:வாய் + தா

ஏன் இந்த கொலவெறி அப்புறம் திஸ் மவுத் இஸ் பிளாங்க்ஸ் டு பிரைவேட் ப்ரோபர்டினு எமேல கேஸ் போடபோறாங்க

அசுரன் · அசுரன் Sat Sep 08, 2012 2:43 pm

இது மிகவும் முக்கியமான கோரிக்கை தான், ஆனால் பெயரளவில் தி.மு.க வும் இப்ப திரு.வளவனும் சும்மானாங்காட்டியும் ஒரு மனுவை கொடுக்கிறார்கள். இவர்களுக்கு நல்லாவே தெரியும் இது நடக்காதுன்னு. புன்னகை

Guest · Guest Sat Sep 08, 2012 6:21 pm

Sponsored content · Sponsored content

ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

Re: ஐகோர்ட்டில் தமிழ் அலுவல் மொழியாக வேண்டும்: வக்கீல்கள் சாலை மறியல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக