நியூசிலாந்துக்கு எதிரான 2-வது போட்டியிலும் இந்தியா அபார வெற்றி: டெஸ்ட் தொடரை வென்றது

பெங்களூர், செப். 3-


இந்தியா-நியூசிலாந்து அணிகள் மோதும் 2-வது மற்றும் கடைசி டெஸ்ட் கிரிக்கெட்
போட்டி பெங்களூர் சின்னச்சாமி ஸ்டேடியத்தில் நடைபெற்று வருகிறது.


முதல் இன்னிங்சில் நியூசிலாந்து 365 ரன்களும், இந்தியா 353 ரன்களும்
எடுத்தன. 12 ரன்கள் முன்னிலையுடன் 2-வது இன்னிங்சை ஆடிய நியூசிலாந்து
நேற்றைய 3-வது நாள் ஆட்ட நேர முடிவில் 9 விக்கெட் இழப்புக்கு 232 ரன்
எடுத்து இருந்தது. டெய்லர் அதிகபட்சமாக 35 ரன் எடுத்தார். ஜித்தன் பட்டேல்
10 ரன்னிலும், போல்ட் ரன் எதுவும் எடுக்காமல் ஆடிக்கொண்டிருந்தனர். அஸ்வின்
5 விக்கெட் கைப்பற்றினார்.



இன்று (திங்கட்கிழமை) 4-வது நாள் ஆட்டம் நடந்தது. ஜித்தன் பட்டேலும்,
போல்ட்டும் தொடர்ந்து ஆடினார்கள். ஆட்டம் தொடங்கிய 5-வது ஓவரில்
நியூசிலாந்து அணியின் கடைசி விக்கெட் விழுந்தது. கடைசி விக்கெட்டை
ஜாகீர்கான் கைப்பற்றினார். நியூசிலாந்து அணி இன்றைய ஆட்டத்தின்போது மேலும்
16 ரன் சேர்த்து 248 ரன்னில் சுருண்டது. அஸ்வின் 5 விக்கெட்டுகளும், உமேஷ்
யாதவ், ஒஜா தலா 2 விக்கெட்டுகளும், ஜாகீர்கான் ஒரு விக்கெட்டும் எடுத்தனர்.


இதையடுத்து 261 ரன்கள் எடுத்தால் வெற்றி என்ற இலக்குடன் இந்திய அணி 2ம்
இன்னிங்கை தொடங்கியது. ஷேவாக்கும், காம்பீரும் தொடக்க வீரர்களாக களம்
இறங்கினார்கள். இருவரும் அதிரடியான ஆட்டத்துடன் போட்டியை தொடங்கினார்கள்.


38 ரன்கள் எடுத்த நிலையில் சேவாக் படேல் பந்தில் போல்டானார். அவரைத்
தொடர்ந்து காம்பீருடன் புஜாரா ஜோடி சேர்ந்தார். 34 ரன்கள் எடுத்த நிலையில்
காம்பீர் வெளியேற தெண்டுல்கர் களமிறங்கினார். உணவு இடைவேளை வரை இந்திய அணி
88 ரன்களை எடுத்திருந்தது.


உணவு இடைவேளைக்குப்பின் களமிறங்கிய தெண்டுல்கரும், புஜாராவும் பொறுமையாக
விளையாடி வந்தனர். 33 ஓவர் முடிவில் ஆட்டத்தில் மழை குறுக்கிட்டது.
தெண்டுல்கர் 23 ரன்களுடனும், புஜாரா 41 ரன்களுடனும் களத்தில் இருந்தனர்.


மழை விட்டதும் தேநீர் இடைவேளைக்குப் பிறகு மீண்டும் ஆட்டம் நடந்தது.
தொடர்ந்து ஆடிய தெண்டுல்கர், 27 ரன்களில் போல்டு ஆனார். அரை சதத்தை
நெருங்கிய புஜாரா, 48 ரன்களில் விக்கெட்டை இழந்தார். அவரையடுத்து வந்த
ரெய்னா 10 பந்துகள் வரை எதிர்கொண்டும் ரன் எதுவும் எடுக்காமல் பெவிலியன்
திரும்பினார். அப்போது அணியின் ஸ்கோர் 166.

அதன்பின்னர் கோலியும், கேப்டன் டோனியும் சிறப்பாக ஆடி அணியை வெற்றிப்
பாதைக்கு அழைத்துச் சென்றனர். இதனால் 5 விக்கெட் இழப்பிற்கு 262 ரன்கள்
எடுத்த இந்திய அணி, 5 விக்கெட் வித்தியாசத்தில் வெற்றியை ருசித்தது. கோலி
51 ரன்களும், டோனி 48 ரன்களும் எடுத்து கடைசி வரை ஆட்டமிழக்காமல்
இருந்தனர்.

இந்த வெற்றியின்மூலம் இரண்டு போட்டிகள் கொண்ட டெஸ்ட் தொடரை 2-0 என்ற இந்தியா கைப்பற்றியது.

இத்தொடரையடுத்து இந்தியா-நியூசிலாந்து அணிகள் இரண் டி20 போட்டிகளில்
விளையாடுகின்றன. முதல் போட்டி 8ம் தேதி விசாகப்பட்டினத்திலும், 2-வது
போட்டி 11ம் தேதி சென்னையிலும் பகலிரவு ஆட்டங்களாக நடக்கின்றன.


நன்றி-மாலை மலர்

ஆம் சிறப்பானதொரு போட்டி.. ஓபனிங் அருமை. அது போல புஜாரா, கோலி, தோனியின் பொறுப்பான ஆட்டம் வெற்றிக்கு உதவியது.. சச்சினின் ஆட்டம்

மகா பிரபு wrote:சச்சினின் ஆட்டம்