நரேந்திர மோடியால் ஸ்தம்பித்த கூகுள் சர்வர்

**சிவா** · **சிவா** Sat Sep 01, 2012 9:03 pm

புதுடில்லி : நாட்டு மக்களின் பல்வேறு கேள்விகளுக்கு கூகுள் பிளஸ்சின் மூலம் குஜராத் முதல்வர் நரேந்திர தாமோதர்தாஸ் மோடி பதிலளித்ததால், கூகுள் சர்வரே, சில நிமிடம் ஸ்தம்பிக்கும் நிலை ஏற்பட்டது. நாட்டின் பல்வேறு பகுதிகளில் உள்ள மக்களின் கேள்விக்ளுக்கு , குஜராத் முதல்வர் நரேந்திர மோடி கூகுள் பிளசில் நேரடியாக பதிலளித்தார்.

இந்நிகழ்‌ச்சி, யூடியூபில் நேரடியாக ஒளிபரப்பு செய்யப்பட்டது குறிப்பிடத்தக்கது. இதன்மூலம், இணையதள தொழில்நுட்பத்தின் மூலம் நாட்டு மக்களை சந்தித்த முதல் அரசியல் பிரமுகர் என்ற பெருமையை நரேந்திர மோடி பெற்றுள்ளார். சர்வதேச அளவில், இப்ட்டியலில், அமெரிக்க அதிபர் ஓபாமா, ஆஸ்திரேலிய பிரதமர் ஜூலியா கிலார்டிற்கு பிறகு நரேந்திர மோடியும் இணைந்துள்ளார்.