”ரஜினி,அர்ஜூனை அனுப்பியது மாதிரி தண்ணீரையும் அனுப்புங்கள்” - கர்நாடக எம்.பிக்கள் முன்பு அமீர் பேச்சு!

நடிகர் ஸ்ரீகாந்த நடிப்பில் இயக்குனர் அஸ்லம் இயக்கியுள்ள பாகன் திரைப்படத்தின் இசைவெளியீட்டு விழா இன்று(01.09.12) காலை சத்யம் திரையரங்கில் நடந்தது. இசை வெளியீட்டு விழாவில் இயக்குனர்கள் அமீர், கரு.பழனியப்பன், பிரபு சாலமன், சுசீந்தரன், விஜய், ஜெயம் ரவி, நமீதா ஆகியோர் கலந்துகொண்டனர்.









பாகன் படத்தின் தயாரிப்பாளர்கள் விஷ்வாஸ் U லாட், புருஷோத்தமா ஆகியோர் கர்நாடகத்தை சேர்ந்தவர்கள். பாகன் படத்தின் இசை வெளியீட்டு விழாவிற்கு கர்நாடக மாநில எம்.பிக்கள், எம்.எல்.ஏக்கள் வந்து வாழ்த்தினர். அவர்கள் பேசும்போது ”தமிழ் படங்களுக்கு கர்நாடகாவில் நல்ல வரவேற்பு இருக்கிறது.



ரஜினி, அர்ஜூன் நடிக்கும் தமிழ் படங்களுக்கு நல்ல வரவேற்பு உள்ளது” என்று தெரிவித்தனர். அதற்கு பின் இயக்குனர் அமீர் பேசும் போது “வந்தாரை வாழ வைக்கும் பண்பு தமிழன்கிட்ட மட்டும் தான் இருக்கு. எந்த மொழியை சேர்ந்தவங்களா இருந்தாலும் இங்க வந்து சினிமாவில் பெரிய ஆள் ஆகலாம். அவர்களுக்கு அன்பும் ஆதரவும் கொடுத்து அவர்களை உயர்த்திவிடுவோம்.




கர்நாடகா மாநிலத்தை சேர்ந்தமுக்கிய பிரமுகர்கள் வந்திருக்காங்க. அவர்களிடம் ஒரு கோரிக்கை வைக்கிறேன். ரஜினியை அனுப்புங்க, அர்ஜூனை அனுப்புங்க நீங்க யாரை வேணும்னாலும் அனுப்புங்க, அவங்கள நாங்க பெரிய ஆள் ஆக்குவோம். அதே மாதிரி கொஞ்சம் தண்ணியையும் அனுப்புங்க. அது எங்களுக்கு வசதியா இருக்கும்” என்று பஞ்ச் வைத்து பேசினார்.

நக்கீரன்

நாகரீகமான முறையில் தமிழகத்தின் குறையை எடுத்துக்கூறிய அமீர் பாராட்டப்பட வேண்டியவர்

ஜெ.வை மறந்துட்டாரே அமீர்.