ஃபேஸ்புக் புகைப்படங்களை பாதுகாக்க புதிய மென்பொருள் அறிமுகம்

by Guest Fri Aug 31, 2012 8:08 am

சமூக இணையதளங்களை கட்டுப்படுத்துவதா, இல்லையா என்ற விவாதம் முடிவு இல்லாமல் தொடரும் நிலையில், முன்னணி சமூக இணையதளமான ஃபேஸ்புக்கில் இடம்பெறும் புகைப்படங்களை பாதுகாக்க புதிய மென்பொருள் அறிமுகமாகியுள்ளது.

கோடிக்கணக்கான உறுப்பினர்கள் உள்ள ஃபேஸ்புக்கில், உலக நடப்புகள் குறித்த செய்தி உள்பட தனிப்பட்ட கருத்துகள் என பல விஷயங்கள் குறித்து கருத்துகள் பரிமாறிக் கொள்ளப்படுகிறது. பெண்களும் அதிகளவில் பங்கேற்றுள்ள ஃபேஸ்புக்கில் தற்போது புகைப்படங்களை பதிவு செய்ய பலரும் அச்சம் கொண்டுள்ளனர். இந்த படங்களை யார் வேண்டுமானாலும் பார்க்கவோ, பிரதி எடுக்கவோ, பதிவு செய்து தவறாக பயன்படுத்தவோ வழி இருப்பதுதான் அச்சத்துக்கு காரணம்.

இப்போது அதற்கு தீர்வு கிடைத்துள்ளது. ஃபேஸ்புக்கில் இடம்பெறும் படங்களை நண்பர்கள் மட்டும் காணவும், மற்றவர்கள் தொடர்பு கொள்வதைத் தடுக்கவும் உதவும் மென்பொருளை மெக்அஃபே நிறுவனம் அறிமுகம் செய்துள்ளது.

இலவச மென்பொருளான இதைப் பயன்படுத்தினால், விரும்பும் நண்பர்கள் தவிர, மற்றவர்கள் படத்தை க்ளிக் செய்தால் மங்கலாகவே திரையில் தெரியும். இது ஃபேஸ்புக் உறுப்பினர்களாக பெண்களுக்கு பாதுகாப்பு அளிக்கும் என்பதால், அதிக வரவேற்பை பெறும் என எதிர்பார்க்கப்படுகிறது.

--
புதிய தலைமுறை

by **மாணிக்கம் நடேசன்** Fri Aug 31, 2012 8:24 am

என் படத்தை மத்தவங்க தவறா இனி பயன்படுத்த முடியாதே.
அது சரி அந்த மென்பொருள் எப்ப வரும்.

by **தமிழ்நேசன்1981** Fri Aug 31, 2012 8:30 am

இந்த மென்பொருளை எங்கு சென்று பெறுவது புரட்சி..

by Guest Fri Aug 31, 2012 9:46 am

https://www.facebook.com/McAfee?v=app_216371893645

இங்கு செல்லுங்கள்

by **தமிழ்நேசன்1981** Fri Aug 31, 2012 11:09 am

மிக்க நன்றிகள்:
பதிவிறக்கி நிறுவிவிட்டேன். எப்படி வேலை செய்கிறது என்று இனிமேல்தான் பார்க்கவேண்டும்
இது என் முகநூல் பக்கம்:
https://www.facebook.com/thamizhthenee