சுகாதாரத்தை விட அழகுக்கே பெண்கள் முக்கியதுவம் அளிக்கின்றனர் - மோடி

by Guest Fri Aug 31, 2012 8:01 am

குஜராத் முதல்வர் நரேந்திர மோடி ஆங்கில நாளிதழ் ஒன்றுக்கு அளித்த பேட்டியில் பெண்கள் சுகாதாரத்தை விட அழகுக்கே முக்கியதுவம் அளிப்பதாக தெரிவித்துள்ளார்.

நியூயார்க்கில் வெளிவரும் தி வால் ஸ்ட்ரீட் ஜர்னல் என்ற ஆங்கில் பத்திரிக்கைக்கு மோடி பேட்டி அளித்தார். அப்போது குஜராத்தில் உள்ள ஊட்டச்சத்து குறைபாடு குறித்து கேட்கப்பட்ட கேள்விக்கு,

“குஜரா‌த் பெண்கள் எப்போதும் சுகாதாரத்தை விட அழகுக்கே முக்கியதுவம் அளித்துவருவதாக" மோடி தெரிவித்தார்.

அவரது பேட்டியில், ”குஜராத் மாநிலம் தான் இந்தியாவில் முதல் முதலாக ஊட்டச்சத்து குறைபாடு பிரச்சனை எழுப்பியது. முதலில் பூர்வீகமாகவே குஜராத் ஒரு சைவ மாநிலம், இரண்டாவதாக நடுத்தர மக்கள் நிறைந்த மாநிலம்.

பொதுவாக நடு‌த்தர மக்கள் சுகாதாரத்தை விட அழகுக்கே முக்கியதுவம் அளிக்கின்றனர்.
ஒரு தாய் மகளை பால் குடிக்க சொன்னால், குண்டாகி விடுவேன் என்று அவள் குடிக்க மறுக்கிறா‌ள். இந்த நிலையில் பணம் இருந்தாலும் உடல் நலம் மீது அக்கறை இல்லை.

குஜராத்தின் நடுத்தர மக்களோ சைவ பிரியர்களாக இருப்பது அடுத்த கட்ட பிரச்சணை. இது குறித்து மக்களுக்கு பெரிய அளவில் விழிப்புணர்வை ஏற்படுத்த வேண்டும்.

இந்திய தேசிய குடும்ப சுகாதார ஆய்வின்படி குஜராத்தில் குழந்தைகள் தங்களது வயதுக்கு இருக்க வேண்டிய உயரத்தை விட குள்ளமாக இருக்கினறனர்.

55% குஜராத்திய பெண்கள் இரத்த சோகையால் (இரத்த சிவப்பணுக்களின் எண்ணிக்கை குறைபாடு) பதிக்கப்பட்டுள்ளனர்

ஊட்டச்சத்தை மேம்படுத்த பல நடவடிக்கைகள், ஆய்வுகள் எடுக்கப்பட்டு வந்தாலும். பொது மக்களுக்கு இந்த உணர்வு இருக்கு வேண்டும். ஆனால் இந்த விஷயத்தில் எனக்கு நம்பிக்கை இருக்கிறது.

நாங்கள் ஒரு கடுமையான மாற்றம் பெற முயற்சிப்போம். இவ்வாறு அவர் அந்த பேட்டியில் தெரிவித்தார்.
--
வெப் துனியா