ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

முரளிராஜா · முரளிராஜா Tue Aug 28, 2012 5:03 pm

இன்றைய உலகில் ஃப்ரிட்ஜி இல்லாத வீடுகளை பார்க்கவே முடியாது. அதிலும் அந்த ஃப்ரிட்ஜ் வாங்கும் போது, அதனை பத்திரமாக பார்த்துக் கொள்வர். ஆனால் அதுவே சில நாட்கள் ஆனப் பின் அதன் மேல் இருந்த ஆசை போய்விடும். ஆனால் ஒரு சிலருக்கு எந்த பொருட்களை எப்படி வைத்து பயன்படுத்துவதென்பது தெரியாது. அதனால் ஃப்ரிட்ஜை திறந்தாலே ஒரே நாற்றமாக இருக்கும். மேலும் நாற்றத்தோடு, பார்க்க அசுத்தமாகவும் இருக்கும். இதனால் தினமும் ஃப்ரிட்ஜை சுத்தம் செய்ய முடியாது. வேறு என்ன செய்யலாம் என்று யோசிக்குறீங்களா? அதற்கு ஒரு சில ஈஸியான டிப்ஸ் இருக்கிறது. அது என்னவென்று படித்து தெரிந்து கொள்ளுங்களேன்...

* ஃப்ரிட்ஜில் இருந்து கெட்ட நாற்றம் வருகிறதென்றால், அதில் நீண்ட நாட்களாக ஏதோ ஒரு உணவுப் பொருளை வைத்துள்ளோம என்று அர்த்தம். ஆகவே எந்த பொருளை வைத்தாலும், அந்த பொருளை எத்தனை நாட்கள் சேமித்து வைத்திருக்க முடியும் என்பதை நன்கு தெரிந்திருக்க வேண்டும். உதாரணமாக வாழைப்பழத்தை ஃப்ரிட்ஜில் ஒரு வாரம் வைத்தால், அது கெட்டுப் போக தொடங்கிவிடும். ஆகவே எந்த பொருளையும் நீண்ட நாட்கள் வைத்திருக்க வேண்டாம்.

* உணவுப் பொருளை ஃப்ரிட்ஜில் சேமிக்கும் முன், அதனை நன்கு மூட வேண்டும். இதனால் ஃப்ரிட்ஜில் எந்த ஒரு நாற்றமும் வராமல் தடுக்கலாம். எப்போதெல்லாம் நல்ல மணமுள்ள உணவுப் பொருளை ஃப்ரிட்ஜில் வைக்கும் போதும், மறக்காமல் மூடிப் போட்டு, மூடி விடவும்.

* ஃப்ரிட்ஜில் பொருட்களை வைக்கும் போது, அதற்காக கொடுக்கப்பட்டுள்ள இடத்தில் வைக்க வேண்டும். தேவையில்லாமல் எந்த பொருட்களையும் வைக்க வேண்டாம். முக்கியமாக காய்கறிகளை, காய்கறி தொட்டியில் போட வேண்டும். அதேப்போல் முட்டை, பால் பொருட்களை அதற்கான இடத்தில் வைக்க வேண்டும். இதனால் ஃப்ரிட்ஜ் சுத்தமாக இருக்கும்.

* சமையலறையில் பயன்படும் பொருட்களில் ஒன்றான பேக்கிங் சோடா, ஒரு வகையான மேஜிக் பவுடர். ஏனெனில் அது எந்த மாதிரியான கறையையும் நீக்கிவிடும். அதேப்போல் இதனை வைத்து ஃப்ரிட்ஜையும் சுத்தம் செய்யலாம். ஆகவே ஒரு கப் பேக்கிங் சோடாவை ஃப்ரிட்ஜில் இருக்கும் நீரை வெளியேற்றும் டப்பாவில் போட்டு வைத்தால், ஃப்ரிட்ஜில் இருக்கும் துர்நாற்றங்கள் போய்விடும்.

* தினமும் நம்மால் ஃப்ரிட்ஜை சுத்தம் செய்ய முடியாது, இதற்காக எப்போதுமே சுத்தம் செய்வதில்லை என்ற அர்த்தமில்லை. குறைந்தது மாதத்திற்கு ஒரு முறையாவது, சுத்தம் செய்ய வேண்டும். உங்கள் ஃப்ரிட்ஜ் பழைய மாடல் என்றால், அது தானாகவே ஐஸ் கட்டிகளை உருக்கிவிடாது. ஆகவே அப்போது நாம் தான் ஐஸ் கட்டிகளை உருக்கச் செய்ய வேண்டும்.

இவ்வாறெல்லாம் செய்து வந்தால், ஃப்ரிட்ஜ் சுத்தமாக இருப்பதோடு, எந்த நாற்றமும் இல்லாமல் இருக்கும். மேலும் வேறு ஏதாவது ஐடியா இருந்தால் பகிர்ந்து கொள்ளலாம்.

நன்றி போல்டு ஸ்கை

**ராஜா** · **ராஜா** Tue Aug 28, 2012 5:09 pm

நல்ல யோசனைகளை .

அது போல எலுமிச்சை பழத்தின் தோலை ஃப்ரிட்ஜ் உள்ளே வைத்தாலும் அது ஃப்ரிட்ஜில் இருந்து வரும் கெட்ட வாசனைகளை நீக்கிவிடும்.

சில நேரம் கார் சர்வீஸ் கொடுத்து எடுத்தால் உள்ளே ஒரு விதமான oil நாற்றம் இருந்து கொண்டே இருக்கும் இதற்கும் ஒரு சில எலுமிச்சை பழத்தினை சாறு பிழிந்து விட்டு தோலை கார் உள்ளே வைத்தால் , வாசனை போயி விடும்.

**ஜாஹீதாபானு** · **ஜாஹீதாபானு** Tue Aug 28, 2012 5:13 pm

எனக்கு தேவையான பதிவு... புன்னகை

பகிர்வுக்கு நன்றி... அருமையிருக்கு

உடனே என் பொண்ணுகிட்ட சொல்லிடறேன் அவ தான் சுத்தம் செய்ய்யும் பொறுப்பெடுத்திருக்கா.. மகிழ்ச்சி

....

**ஜாஹீதாபானு** · **ஜாஹீதாபானு** Tue Aug 28, 2012 5:15 pm

ராஜா wrote: நல்ல யோசனைகளை .

அது போல எலுமிச்சை பழத்தின் தோலை ஃப்ரிட்ஜ் உள்ளே வைத்தாலும் அது ஃப்ரிட்ஜில் இருந்து வரும் கெட்ட வாசனைகளை நீக்கிவிடும்.

சில நேரம் கார் சர்வீஸ் கொடுத்து எடுத்தால் உள்ளே ஒரு விதமான oil நாற்றம் இருந்து கொண்டே இருக்கும் இதற்கும் ஒரு சில எலுமிச்சை பழத்தினை சாறு பிழிந்து விட்டு தோலை கார் உள்ளே வைத்தால் , வாசனை போயி விடும்.

இத முதல்லயே சொல்லக்கூடாதா... என்ன கொடுமை சார் இது

நோன்பு நேரம் எவ்ளோ எலுமிச்சை தோலை கீழே போட்டேன்... சோகம்

யினியவன் · யினியவன் Tue Aug 28, 2012 5:25 pm

ராஜா wrote:சில நேரம் கார் சர்வீஸ் கொடுத்து எடுத்தால் உள்ளே ஒரு விதமான oil நாற்றம் இருந்து கொண்டே இருக்கும் இதற்கும் ஒரு சில எலுமிச்சை பழத்தினை சாறு பிழிந்து விட்டு தோலை கார் உள்ளே வைத்தால் , வாசனை போயி விடும்.

நாங்க அதுக்கு தான் அந்த எலுமிச்சம் பழத்த காருக்கு முன்னாடி கட்டிடுவோம் - காத்து கருப்பு, துர் நாத்தம் எதுவும் அண்டவே அண்டாது... சிரிப்பு

**ராஜா** · **ராஜா** Tue Aug 28, 2012 5:37 pm

யினியவன் wrote:நாங்க அதுக்கு தான் அந்த எலுமிச்சம் பழத்த காருக்கு முன்னாடி கட்டிடுவோம் - காத்து கருப்பு, துர் நாத்தம் எதுவும் அண்டவே அண்டாது...

ஓஹோ .... நீங்க அந்த குருப்பா சிரி

மகா பிரபு · மகா பிரபு Tue Aug 28, 2012 5:44 pm

நாங்க அதுக்கு தான் அந்த எலுமிச்சம் பழத்த காருக்கு முன்னாடி கட்டிடுவோம் - காத்து கருப்பு, துர் நாத்தம் எதுவும் அண்டவே அண்டாது

ஓ இது தான் காரணமா? ஒன்னும் புரியல

யினியவன் · யினியவன் Tue Aug 28, 2012 6:17 pm

மகா பிரபு wrote:
நாங்க அதுக்கு தான் அந்த எலுமிச்சம் பழத்த காருக்கு முன்னாடி கட்டிடுவோம் - காத்து கருப்பு, துர் நாத்தம் எதுவும் அண்டவே அண்டாது
ஓ இது தான் காரணமா?

நாற்றம் அதிகமா இருந்தா அது டயர்ல இருந்து வரும் - நாலு எலுமிச்சையை டயருக்கு கீழ வெச்சு வண்டிய எடுத்தா அதுவும் போயிடும் பிரபு. புன்னகை

மகா பிரபு · மகா பிரபு Tue Aug 28, 2012 6:28 pm

இதுல இவ்வளவு விஷயம் இருக்கா? அருமையிருக்கு

**krishnaamma** · **krishnaamma** Tue Aug 28, 2012 8:00 pm

பிரிட்ஜ் ஐ துடைக்க 'லிக்விட் சோப்பு' உபயோகிக்கலாம் புன்னகை

வெது வெது பான நீரைக்கொண்டு பிரிட்ஜி ஐ துடைக்கணும். புன்னகை

Sponsored content · Sponsored content

ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

Re: ஃப்ரிட்ஜில் நாற்றம் வராமலிருக்க சில ட்ரிக்ஸ்!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக