சிறுவயதிலேயே நரைமுடி தோன்றி விடுகிறதா!

1. பலருக்கு சிறுவயதிலேயே நரைமுடி தோன்றி விடுகிறது. சிலருக்கு வம்சா வளியாகவும் நரை வருவதுண்டு.

2. காபி, டீ குடிக்கும் பழக்கம் இருந்தால், படிப்படியாக குறைத்து அறவே நிறுத்தி விடவேண்டும்.

3. கவலை, மனச்சோர்வு, டீ, காபி அதிகம் குடித்தல் போன்றவற்றால் பித்த நரை உண்டாகும். வைட்டமின் பி12 நரையை போக்கவல்லது.

4. ஒரு லிட்டர் நல்லெண்ணெய் அல்லது தேங்காய் எண்ணெயில் நெல்லிக்காய் பொடி, தான்றிக்காய் பொடி, மருதாணி பொடி, கறிவேப்பிலை பொடி, கரிசலாங்கண்ணி பொடி, வெட்டிவேர், ரோஜா இதழ்கள், சந்தன பொடி ஆகியவை தலா 10 கிராம் சேர்த்து, எண்ணெயில் போட்டு கொதிக்க வைக்கவும். இந்த கலவையை நாலு நாள் வெயிலில் வைக்க வேண்டும். சூரிய கதிர்கள் பட்டு எண்ணெயில் எசன்ஸ் இறங்கும். பின் வெள்ளைத் துணியில், அதை வடிகட்டவும். குளிக்கும் முன் இதை தலையில், தேய்த்து வந்தால், முடி உதிர்தல், நரைமுடி குறையும், செம்பட்டை முடி கருமையாகும், பொடுகு நீங்கும்.

5. மருதாணி இலையை நன்கு மைபோல் அரைத்து, அதில் எலுமிச்சம் பழச்சாறையும், வெந்தயம் பவுடர் இரண்டு ஸ்பூன் கலந்து கொள்ள வேண்டும். இக்கலவையை முதல் நாள் இரவே செய்து கொள்ள வேண்டும். காலையில் எழுந்ததும், இக்கலவையை அனைத்து முடிகளிலும் படும்படி நன்றாக தேய்த்து இரண்டு அல்லது மூன்று மணிநேரம் ஊறவைத்து பிறகு சிகைக்காய்த்தூள் தேய்த்து நல்ல தண்ணீரில் கழுவ வேண்டும். குறிப்பாக மருதாணியை போடுவதற்கு முன், தலையில் எண்ணெய் பசை இல்லாதவாறு பார்த்து கொள்ள வேண்டும்.

ஓ இதனால்தான் உங்க நரை முடியெல்லாம் கருப்பா தெரியுதா
பகிர்வுக்கு நன்றி சசி

முரளிராஜா wrote:ஓ இதனால்தான் உங்க நரை முடியெல்லாம் கருப்பா தெரியுதா
பகிர்வுக்கு நன்றி சசி

என்ன அண்ணா செய்றது நீங்க செய்றத பாத்து தான் இப்ப நான் செய்றன்.., இந்த நன்றி உங்களுக்கு தான் அண்ணா....

இரண்டு மூன்று மணி நேரம் ஊற வெச்சு நித்தமும் குளிச்சா நரை முடி போகும் - அதோட இருக்கற வேலையும் போயிடுமே சசி - ஆபீசுக்கு போகணுமே.

பகிர்வுக்கு நன்றி.

யினியவன் wrote:இரண்டு மூன்று மணி நேரம் ஊற வெச்சு நித்தமும் குளிச்சா நரை முடி போகும் - அதோட இருக்கற வேலையும் போயிடுமே சசி - ஆபீசுக்கு போகணுமே.

பகிர்வுக்கு நன்றி.

நன்றி அண்ணா....,

எனக்கு பிறந்தவுடனே நரை முடி இருந்தது. அப்பவே புடுங்கி போட்டுட்டேன், இது வரைக்கும் இந்த புடுங்கள் நடந்துக் கிட்டு இருக்கு.

மாணிக்கம் நடேசன் wrote:எனக்கு பிறந்தவுடனே நரை முடி இருந்தது. அப்பவே புடுங்கி போட்டுட்டேன், இது வரைக்கும் இந்த புடுங்கள் நடந்துக் கிட்டு இருக்கு.

மிச்சமீதி இருக்கா இல்லையா?

முரளிராஜா wrote:

மாணிக்கம் நடேசன் wrote:எனக்கு பிறந்தவுடனே நரை முடி இருந்தது. அப்பவே புடுங்கி போட்டுட்டேன், இது வரைக்கும் இந்த புடுங்கள் நடந்துக் கிட்டு இருக்கு.

மிச்சமீதி இருக்கா இல்லையா?

என்ன அண்ணா இது கூட புரியாலய..........,

நண்பரே பொதுக்கட்டுரைகள் மருத்துவக்கட்டுரைகள் பதியும்போது நீங்கள் எங்கிருந்து எடுத்து வருகிறீர்களோ அந்த இணைய தளத்திற்கு நன்றி தெரிவியுங்கள். அது விதிமுறைகளில் ஒன்று..

இளநரையை போக்க கறிவேப்பிலையை கூட அதிகம் பயன்படுத்தலாம்.

கருவேப்பிலையை வீட்டில் வளர்த்தா இள நரை வராதா அசுரன்?