மயங்கொலிச் சொற்கள்! - தொடர் பதிவு - Page 2

First topic message reminder :

(ண, ன பொருள் வேறுபாடு)
அணல் - தாடி, கழுத்து, அனல் - நெருப்பு
அணி – அழகு, அனி - நெற்பொறி

அணு – நுண்மை, அனு - தாடை, அற்பம்
அணுக்கம் - அண்டை, அண்மை. அனுக்கம் - வருத்தம், அச்சம்

அணை - படுக்கை, அணைத்துக் கொள்ளுதல், அனை - அன்னை, மீன்
அணைய - சேர, அடைய, அனைய - அத்தகைய

அண்மை – அருகில், அன்மை - தீமை, அல்ல
அங்கண் – அவ்விடம், அங்கன் - மகன்

அண்ணம் – மேல்வாய், அன்னம் - சோறு, அன்னப்பறவை
அண்ணன் – தமையன், அன்னன் - அத்தகையவன்
அவண் – அவ்வாறு, அவன் - சேய்மைச் சுட்டு, ஆண்மகன்
.....................................................................................................................................................................
ஆணகம் – சுரை, ஆனகம் - துந்துபி
ஆணம் – பற்றுக்கோடு, ஆனம் - தெப்பம், கள்

ஆணி - எழுத்தாணி, இரும்பாணி, ஆனி - தமிழ் மாதங்களுள் ஒன்று
ஆணேறு –ஆண்மகன், ஆனேறு - காளை, எருது

ஆண் – ஆடவன், ஆன் - பசு
ஆணை - கட்டளை, ஆட்சி, ஆனை - யானை

(தொடரும் - நன்றி-தினமணி)

Dr.S.Soundarapandian wrote:மொழியியலில் CORPUS எனப்படும் மொழிக்கூறு விவரத்தொகுப்புக்குப் பேருதவியாகும் தங்களின் பணி திரு சாமி அவர்களே! தொடருங்கள்!
-முனைவர் சு .சௌந்தரபாண்டியன்
எம்.ஏ.(தமிழ்),எம்.ஏ.(ஆங்கிலம்),பி.எட்.,டிப்.(வடமொழி),பி.எச்டி

நன்றி ஐயா!
இந்த பணிக்கு உண்டான பெருமை 'தினமணி நாளிதழை' த்தான் சாரும்.
எனது வேலை 'வெட்டி ஒட்டுவது' மட்டும்தான் ஐயா.
அதாவது 'தினமணி' யில் வரும் இந்த தொடரை 'வெட்டி' ஈகரையில் 'ஒட்டுவது'.

அன்புடன்
சாமி

(ர, ற பொருள் வேறுபாடு)

காரி - கரிக்குருவி. காக்கை, வயிரவன், ஐயனார், ஒரு நதி, சனி, விஷம், ஒரு வள்ளல், வாசுதேவன்
காறி - காறிஉமிழும் கழிவு

காரு - வண்ணான், தேவதச்சன்
காறு - காறுதல் (காறி உமிழ்), அளவு

காரை - ஒரு வகை செடி, ஒரு வகை மீன், சிமெண்ட் மணல் சேர்ந்த கலவை
காறை - ஒரு கழுத்தணி

கீரி - ஓர் உயிரினம்
கீறி - பிளந்து, அரிந்து

குரங்கு - ஒரு விலங்கு
குறங்கு - தொடை, கொக்கி

குரவர் - கடவுள், குரு, பெரியோர், அரசர்
குறவர் - ஒரு ஜாதியினர்

குரவை - கூத்து வகை, ஒலி, கடல், மகளிர் மகிழ்ச்சி
குறவை - ஒருவகை மீன்

குரத்தி - தலைவி, குருவின் மனைவி
குறத்தி - குறத்தி ஜாதிப் பெண்

குருகு - பறவை, குட்டி, கொக்கு, உலைத்துருத்தி, உலைமூக்கு, குருக்கத்தி, நாரை, கோழி, கைவளை
குறுகு - அண்மைப்படுத்து

குருகினம் - பறவை இனம்
குறுகினம் - நெருங்கினோம்

குரை - சத்தம், ஒலி, குதிரை, பெருமை, ஓசை
குறை - குற்றம், காரியம், கடன், வேண்டுகோள், வறுமை

குரு - ஆசிரியர், மேன்மை, கனம், வியாழன், நிறம், தந்தை, இரசம்
குறு - குறுகு

கூரல் - ஒரு மீன், பறவை இறகு
கூறல் - சொல்லுதல், விற்றல்

கூரை - சிறிய ஓலை வீடு, வீட்டின் மேற்கூரை, சிற்றில்
கூறை - புது ஆடை, சீலை

கூரிய - கூர்மையான
கூறிய - சொன்ன

கூர - குளிர்ச்சி மிக
கூற - சொல்ல, வேண்டல்

கோரல் - கூறுதல்
கோறல் - கொல்லல்

கோரை - புல்வகை
கோறை - குவளை, பொந்து

கோரல் - சேர்தல், குளிர் காற்று, மலைப்பக்கம்
கோறல் - குளிர் காற்று, மழை

சிரை - சிரைத்தல், முடிநீக்கல்
சிறை - சிறைச்சாலை, மதில், காவல், பக்கம், நீர்க்கரை, இறகு, அடிமை, அறை, அணை

(ர, ற பொருள் வேறு​பாடு)

சீரிய -​ சினந்த,​​ சிறந்த,​​ சீராய்​
சீறிய -​ சினந்த​

சுரா​ -​ கள்​
சுறா​ -​ சுறா மீன்​

சூரல்​ -​ மூங்​கில்,​​ பிரம்பு​
சூறல்​ -​ தோண்​டல்​

சுருக்கு​ -​ வலை,​​ சுருக்​கம்,​​ கட்டு,​​ பூமாலை,​​ வகை,​​ குறைவு,​​ நெய்த்​து​டுப்பு​
சுறுக்கு​ -​ விரைவு​

செரு​ -​ போர்,​​ ஊடல்​
செறு​ -​ வயல்,​​ பாத்தி,​​ குளம்​

செரு​நர்​ -​ பகை​வர்,​​ படை​வீ​ரர்​
செறு​நர்​ -​ பகை​வர்​

சொரி​ -​ தினவு,​​ அரிப்பு,​​ பொழி​
சொறி -​ சிரங்கு,​​ சொறி​தல்​

தரித்​தல்​ -​ அணி​தல்,​​ பொறுத்​தல்,​​ தங்​கல்,​​ தாம​தித்​தல்,​​ தாங்​கு​தல்​
தறித்​தல் -​ வெட்​டு​தல்​

தரி​ -​ அணி,​​ அணிந்​து​கொள்​
தறி -​ தூண்,​​ ஆப்பு,​​ நெசவு இயந்​தி​ரம்,​​ முளைக்​கோல்​

தரு​தல் -​ கொடுத்​தல்​
தறு​தல்​ -​ இறு​கக்​கட்​டு​தல்​

தாரு​ -​ மரம்,​​ தேவ​தாரு,​​ பித்​தளை​
தாறு​ -​ குலை,​​ அங்​கு​சம்,​​ முள்,​​ இரும்பு,​​ முள்​கோல்​

திரம்​ -​ மலை,​​ உறுதி,​​ நிலை,​​ பூமி​
திறம்​ -​ உறுதி,​​ நரம்​புள்ள வீணை,​ கூறு​பாடு,​​ சுற்​றம்,​​ குலம்,​​ பக்​கம்,​​ வல்​லமை,​​ ஒழுக்​கம்,​​ மேன்மை, வர​லாறு,​​ கார​ணம்​

திரை​ -​ அலை,​​ கடல்,​​ திரைச்​சீலை​
திறை​ -​ கப்​பம்​

துரவு​ -​ கிணறு​
துறவு​ -​ துறத்​தல்,​​ துற​வ​றம்​

துரை​ -​ பெரி​யோன்,​​ தலை​வன்​
துறை​ -​ நீர்த்​துறை,​​ வழி,​​ இடம்,​​ நூல்,​​ கடற்​கரை,​​ உபா​யம்,​​ பாவி​னம்​

துரு​ -​ களிம்பு​
துறு​ -​ கூட்​டம்,​​ நெருக்​கம்​

தூரல்​ -​ தூரு​தல்,​​ வருத்​தம்​
தூறல்​ -​ மழைத்​துளி,​​ பழி சொல்​லு​தல்​

தூரன்​ -​ குலத்​தின் பெயர்​
தூறன்​ -​ மூர்க்​கன்​

துரு​ -​ வீதி​
துதறு​ -​ அழி​

தேரார்​ -​ கல்​லா​த​வர்,​​ கீழ்​மக்​கள்,​​ பகை​வர்​
தேறார்​ -​ அறி​வி​லார்,​​ பகை​வர்

(தொடரும்)

(ர, ற பொருள் வேறுபாடு)

தேரி - மணல் திட்டை, மணல் குன்று
தேறி - தேர்ச்சி பெற்று, தெளிந்து

நரை - நரைமுடி, வெண்மயிர், மூப்பு, எருது, கவரிமா, மரச்சொத்தை, பெருமை
நறை - தேன், சாதிக்காய், கள், வாசனை, நறும்புகை, பச்சிலைக்கொடி, குற்றம்

நாரி - பெண், பார்வதி, வாசனை, கள், சேனை, பன்னாடை, தேன்,
நாறி - கற்றாழை

நிருத்தம் - கூத்து, நடனம், பதம் பிரித்துப் பொருள் கூறும் நூல், பற்றின்மை
நிறுத்தம் - நிறுத்தும் இடம்

நிரை - பசு, ஒழுங்கு, வரிசை
நிறை - கற்பு, அளவு, அழிவின்மை, நீதி, வரையறை, திண்மை, நிரப்பு

நூரல் - அவிதல், பதங்கெடுதல்
நூறல் - அவித்தல்

நேரி - அமுக்கு, நசுக்கு, அழுத்து
நேறி - வழி, கோயில், கற்பு

பரட்டை - பரட்டைத்தலை
பறட்டை - செழிப்பற்றது

பரதி - கூத்தாடுபவன்
பறதி - அவசரம், பறத்தல்

பரத்தல் - அலமறுதல், மிகுதல்
பறத்தல் - பறந்துசெல்லல்

பரம்பு - வயலை சமப்படுத்தும் பலகை
பறம்பு - பாரியின் மலை

பரல் - விதை, பருக்கைக்கல்
பறல் - பறவை

பரவை - கடல், ஆடல், பரப்பு
பறவை - பறப்பவை, ஒரு நோய்

பரி- குதிரை, பெருமை, விரைவு, செலவு, சுமை, மிகுதி
பறி - பறித்தல், கொள்ளை, பொன், வலை, உடம்பு,ஓலைப்பாய்

பரித்தல் - காத்தல், ஓடுதல், தாங்குதல், சுமத்தல், சூழ்தல், தரித்தல்,
பறித்தல் - பிடுங்குதல்

பரிவு - அன்பு, துன்பம், இரக்கம்
பறிவு - கழிவு, அதிர்தல்

பருகு - குடி, அருந்து
பறுகு - பறட்டை, அன்பு, பக்குவம்

பரை - சிவசக்தி
பறை - இசைக்கருவி, இறகு, வாத்தியம், பறவை, சொல்

(தொடரும்)

(ர, ற பொருள் வேறுபாடு)

பாரை - கடப்பாரை
பாறை - கற்பாறை

பிரை - உறைமோர், பயன்
பிறை - பிறைச்சந்திரன்

பீரு - புருவம்,அச்சமுள்ளோன்
பீறு - கிழிவு

புரம் - மாடம், கோயில், இராஜதானி, ஊர், முன், மேல்மாடம், ஒரு நகரம்
புறம் - இடம், வரியில்லா நிலம், பக்கம், வெளி,பின்புறம், முதுகு

புரவு - கொடை, நிலம், செழுமை, காத்தல்,அரசர், கப்பம், ஆற்றுநீர் பாயும் நிலம்
புறவு - காடு, புறா,

பெருக்கல் - நிறைத்தல், மிகுத்தல், நிரப்புதல், அதிகப்படுத்தல்,மிகுவித்தல்
பெறுக்கல் - அரிசி, மிகுத்தல்

பொரி - நெற்பொரி, பொரிதல்
பொறி - தீப்பொறி, அறிவு, எழுந்து, வரிவண்டு

பொரித்தல் - வறுத்தல், குஞ்சு பொரித்தல்
பொறித்தல் - எழுதுதல், தீட்டுதல், பதித்தல், அடையாளமாக வைத்தல்

பொருப்பு - மலை, பக்கமலை
பொறுப்பு - பாரம், பொறுமை

பொரு - போர்
பொறு - பொறுத்திரு

மரத்தல் - விறைத்தல்
மறத்தல் - மறதி, நினைவின்மை

மரம் - தாவர வகை, மூலிகை, மரக்கலம்,பறைவகை
மறம் - வீரம், போர், சினம், மாறுபாடு, கொலை, பாவம், வலி, கொடுமை, மயக்கம்.

மரி - விலங்குகளின் குட்டி
மறி - தடை செய்

மரித்தல் - இறத்தல், சாதல்
மறித்தல் - தடுத்தல்,திரும்புதல், அழித்தல்.

மரை - மான்
மறை - வேதம் (எ.கா:- அறம் பொருள், இன்பம் வீடு என்கிற நால் வேதங்கள்)

(தொடரும்)

(ர, ற பொருள் வேறுபாடு)
மரு - மலை, பாலைநிலம், மணவிருந்து, நீரில்லா இடம், மருக்கொழுந்து.
மறு - குற்றம், மச்சம், எதிர், வேறு, அடையாளம்

மருப்பு - கொம்பு, யானைத் தந்தம், யாழ்த்தண்டு.
மறுப்பு - எதிர்ப்பு

மருகு - வாசனை தாவரம்
மறுகு - சிறியதெரு

மாரன் - மன்மதன், காமன்
மாறன் - பாண்டியன், சடகோபாழ்வார்

முரி - பாலைநிலம், நொய், சிதைவு.
முறி - ஒடி, பத்திரம், தளிர், எழுது, துண்டு

முருக்குதல் - அழித்தல், உருக்குதல்.
முறுக்குதல் - சுழற்றுதல், திரித்தல்.

வரம் - இறைவன் கொடுப்பது, வேண்டும் பொருள், தெய்வ ஈகை, மேன்மை, விருப்பம்.
வறம் - வற்றுதல், வறட்சி, பஞ்சம், நீரின்மை, வறுமை, வெம்மை.

வரவு - வருமானம், வழி
வறவு - கஞ்சி

வரப்பு - எல்லை, வரம்பு
வறப்பு - வறட்சி, வறுமை, வற்றுதல்

விரகு - விவேகம், உபாயம், உற்சாகம், புத்தி, கபடம்.
விறகு - எரிகட்டை

விரலி - மஞ்சள்
விறலி - மெய்ப்பாடு தோன்ற ஆடிப்பாடும் பெண், 16 வயதினள்.

விரல் - மனித உடலில் உள்ள உறுப்பு
விறல் - பெருமை, வீரம், வெற்றி, மிகுதி, வலி.

விராய் - விறகு
விறாய் - செருக்கு, இறுமாப்பு

வெரு - அச்சம்
வெறு - வெறுத்துவிடு

வெரல் - மூங்கில்
வெறல் - வெல்லுதல், வெற்றி கொள்ளல்

விரை - விரைந்துசெல்
விறை - மரத்துப்போ(தல்)

"மயங்கொலிச் சொற்கள்' பகுதி நிறைவடைந்தது. இப்பகுதிக்கு உதவிய (பார்வை) நூல்கள்: பாலூர் கண்ணப்ப முதலியாரின் "தமிழ் இலக்கிய அகராதி', புலவர் துரையின் "தமிழ் மலர்ப் பூஞ்சோலை', மற்றும் கிரியாவின் புதிய தமிழ் அகராதி.

(நன்றி - தினமணி நாளிதழ்)