ஆயுள் வரை நடித்துக்கொண்டிருப்பேன்: விஜயகாந்த்

by **சிவா** Fri Oct 09, 2009 11:25 pm

ஆயுள் வரை நடித்துக்கொண்டிருப்பேன் என்று விஜயகாந்த் கூறினார்.

பிலிம் பேப்ரிகேட்டர்ஸ் தயாரிக்கும் படம் ‘ரேனிகுண்டா’. இப்படத்தின் பாடல் வெளியீட்டு விழா, சென்னையில் நடந்தது. முதல் சி.டியை வெளியிட்டு பேசிய விஜயகாந்த்,

நீண்ட இடைவெளிக்குப் பிறகு சினிமா தொடர்பான விழாவில் பங்கேற்கிறேன். அரசியல் கட்சி தொடங்கிய பிறகு நான் விழாக்களில் பங்கேற்பது குறைந்து விட்டது. எந்த விழாவிலாவது நான் பங்கேற்றால், என்னை அழைத்தவர்கள் மீது கட்சி முத்திரை விழுந்துவிடும் என்ற காரணத்தினாலேயே விழாக்களில் பங்கேற்பதை குறைத்துக்கொள்கிறேன்.

பல ஆண்டுகளுக்கு பிறகு இந்த திரையரங்கில் படத்தின் முன்னோட்டத்தைப் பார்க்கிறேன். படம் பிரமிப்பான அனுபவத்தை தருகிறது. இந்த படம் சிறப்பாக வந்திருப்பதாக கருதுகிறேன். புதியவர்களின் முயற்சி இது.

இந்த தயாரிப்பாளர் என்னை வைத்து படம் எடுக்க விரும்பியவர். ஆனால் அவரிடம் நான் அரசியல் கட்சி துவங்கி விட்டேன். இப்போது என்னை வைத்து படம் எடுக்காதீர்கள் என்று கூறினேன்.

அரசியலில் நுழைந்து விட்டதால் யாருக்கும் பாதிப்பு வரக்கூடாது என்பதற்காக என்னை வைத்து நானே படம் எடுத்துக்கொள்கிறேன்.

எனது ஆயுள் வரை நடித்துக் கொண்டிருப்பேன். அரசியலில் ஈடுபட்டாலும், தொடர்ந்து நடித்துக்கொண்டிருப்பேன்.

நடிகர்கள், தயாரிப்பாளர்களின் கஷ்டங்களை உணர்ந்து நடிக்க வேண்டும். கார்ப்பரேட் நிறுவனங்கள் இருந்போது, சம்பளம் உயர்த்தப்பட்டது.

ஆனால் தற்போதைய நிலையை உணர்ந்து நடிக்க வேண்டும். சினிமாவை யாரும் அழிக்க முடியாது. எத்தனை சோதனைகள் வந்தாலும், சினிமா தழைத்து நிற்கும். நடிகர்கள் தோல்வியைக் கண்டு அஞ்சி விடக்கூடாது என்றார்.

by mdkhan Fri Oct 09, 2009 11:28 pm

by **சிவா** Fri Oct 09, 2009 11:30 pm

நீங்க நடிச்சுகிட்டே இருங்க, ஆனா நாங்க உங்க படங்களை பார்க்க தயாராக இல்லை! கேக்குதா கேப்டன்.

by mdkhan Fri Oct 09, 2009 11:33 pm

சிவா wrote:நீங்க நடிச்சுகிட்டே இருங்க, ஆனா நாங்க உங்க படங்களை பார்க்க தயாராக இல்லை! கேக்குதா கேப்டன்.

சரியா சொன்னீங்க அண்ணே........

by மீனு Fri Oct 09, 2009 11:38 pm

மீனு பார்ப்பா விஜயகாந்த் அண்ணா..நீங்க நடியுங்க..உங்க சிவந்த கண்கள் மீனுவுக்கு பிடிக்கும்..

by **சிவா** Fri Oct 09, 2009 11:41 pm

மீனு wrote:மீனு பார்ப்பா விஜயகாந்த் அண்ணா..நீங்க நடியுங்க..உங்க சிவந்த கண்கள் மீனுவுக்கு பிடிக்கும்..

ஆயுள் வரை நடித்துக்கொண்டிருப்பேன்: விஜயகாந்த் Vijayakanth150308_1

என்ன அழகு எத்தனை அழகு
கோடிமலர்கள் கொட்டிய அழகு
மீனுவிற்கு பிடித்த
கறுப்பு அழகு! :lol!:

by மீனு Fri Oct 09, 2009 11:48 pm

நல்லாதானே இருக்கார்..அவர் தமிழ் ஒரு அழகு..முக்கியமா பெண்கள் விஷயத்தில் அவர் நல்லவர்..அதனால் மீனுவுக்கு கமலை விட.note this point.......கமலை விட விஜயகாந்த் பிடிக்கும் அண்ணா...