தூக்க மாத்திரை விளைவு, புறப்பட்ட இடத்திற்கே திரும்பி வந்த விமான பயணி

by **சிவா** Fri Aug 24, 2012 11:24 am

பஸ், ரெயில் பயணத்தை மேற்கொள்ளும் போது சிலர் இருக்கையில் அமர்ந்த சில நிமிடத்திலேயே அயர்ந்து தூங்கி விடுகிறார்கள். இந்த நடைமுறையை நாம் நேரில் காண முடியும். இதன் விளைவு போய் சேரவேண்டிய இடத்தை கைநழுவ விட்டு தவிப்பார்கள். இதே போன்ற ஒரு சம்பவம் பாகிஸ்தானை சேர்ந்த பாட்ரிசியா கிறிஸ்டினா அகமது என்ற பெண்ணுக்கும் விமான பயணத்தின் போது ஏற்பட்டது.

இந்த பெண் கடந்த சில நாட்களுக்கு முன்பு லாகூரில் இருந்து பாரீஸ் நகருக்கு சர்வதேச விமானத்தில் சென்றார். விமானம் புறப்பட்ட சற்று நேரத்தில் தூங்கிய அவர் பாரீஸ் போய் சேர்ந்த பிறகும் கண் விழிக்கவில்லை. இதனால் அவர் கீழே இறங்கவில்லை. 2 மணி நேரத்திற்கு பிறகு விமானம் மீண்டும் லாகூர் நோக்கி புறப்பட்ட பிறகே அலறியடித்து விழித்துக் கொண்ட அவர் பாரீசில் இறக்கி விடும்படி கூறினார். ஆனால் விமானம் லாகூருக்கே போய் சேர்ந்தது. அங்கிருந்து அவரை வேறு விமானத்தில் மீண்டும் பாரீசுக்கே அனுப்பி வைத்தனர். தூக்க மாத்திரை சாப்பிட்டதன் விளைவாகவே அவர் தூங்கியதாக கூறப்படுகிறது.

ஆனால் இது சாத்தியமில்லை என்று சில அதிகாரிகள் கூறுகிறார்கள். பாரீஸ் நகரில் 2 மணி நேரம் விமானம் நின்ற போதும் அவர் தூங்கிக் கொண்டிருப்பதை கண்டுபிடிக்காதது அங்கு பணியில் இருந்த ஊழியர்களின் கவனக்குறைவேயாகும் என சொல்லப்படுகிறது. இந்த குளறுபடி எப்படி ஏற்பட்டது என்பது குறித்து விசாரணை நடத்துகிறார்கள்.