நல்லவனாக இருப்பதை விட நல்லவனாக நடி

by ராஜ்.ரமேஷ் Thu Aug 23, 2012 2:48 pm

First topic message reminder :

நல்லவனாக இருப்பதை விட நல்லவனாக நடி

ஒருவர் எப்படிப்பட்டவர் என்பதை எதை வைத்து முடிவு செய்கிறோம்? அவர் எப்படி நம்மிடம் நடந்து கொள்கிறார் என்பதை வைத்துத்தான் அவரை நாம் மதிப்பிடுகிறோம். நமக்கு அதிகம் தொடர்பில்லாதவர்களை அவர்கள் மற்றவர்களிடம் எப்படி நடந்து கொள்கிறார்கள் என்பதை வைத்து ஒரு மதிப்பீடு செய்து கொள்கிறோம். உண்மையில் அவர் எப்படிப்பட்டவர் அவரின் மனோநிலை என்ன என்பதை நாம் பார்ப்பதில்லை. கிட்டத்தட்ட அது முடியாத காரியமும் கூட.

நடிப்பது என்பது என்ன?
நமக்கு உண்மையில் பிடிக்காத ஒன்றை பிறருக்காக செய்ய முற்படுவது தான் நடிப்பு. எனக்கு இதெல்லாம் பிடிக்காது ஏதோ உனக்காக செய்கிறேன் என்று கூறுவது தான் நடிப்பு.

நடிப்பதினால் என்ன பயன்?
மற்றவர்களுக்காக நீ வாழ்கிறாய். உன்னுடைய சுய விருப்பு வெறுப்புகளுக்கு அப்பாற்பட்டு செயல்படுகிறாய் அது நல்லவிதமாக இருக்கும் போது நீ நல்லவனாக மற்றவர்கள் மத்தியில் வாழலாம்.

நடிக்காமல் இருக்க முடியாதா?
முடியாது. காரணம் நாம் என்பது தனி மனிதர் அல்ல. ஒரு சமூகம் அடுத்தவருக்காக வாழ வேண்டிய கட்டாயம். இதனால் நம்முடைய இயல்பான வாழ்க்கையை மறைத்து நடிக்க வேண்டிய அவசியம் ஏற்படுகிறது. பெற்றோருக்கு மகனாகவும், மனைவிக்கு கணவனாகவும், பிள்ளைகளுக்கு பெற்றோராகவும் இருக்க வேண்டிய நிலை.

நடிப்பதைத்தான் அனைவரும் விரும்பும் பட்சத்தில் உண்மையாக இருப்பனுக்கு மதிப்பில்லையா? ஆம். இந்த புவியில் அவருக்கு மதிப்பில்லை தான். ஆனால் இவ்வுலகை விட்டு வேறொரு உலகம் செல்லும் போது நடிப்பது உடன் வராது. இருப்பது மட்டுமே கூட வரும்.

ஜோதிடத்தில் இருப்பதும் நடிப்பதும் எப்படி காண்பது?

இலக்கிணம் ஒருவர் எப்படி இருப்பார் என்பதை காட்டும். ஆருட இலக்கிணம் அல்லது இலக்கிண பாதம் அவர் எப்படி நடிப்பார் என்பதை காட்டும். பாவத் பாவம் எனப்படும் இந்த ஆருட இலக்கிண பாவத்தைக் காண இலக்கிணம் முதல் இலக்கிணாதிபதி இருக்கும் பாவம் வரை எண்ணி வரும் தொகையை இலக்கிணாதிபதி முதல் எண்ண வரும் பாவமே ஆருட இலக்கிணமாகும்.

ஒவ்வொரு பாவத்திற்கும் ஒரு ஆருட பாதம் அமையும். ஒவ்வொரு பாவத்திற்குரிய காரகங்கள் எப்படி ஜாதகரால் அனுபவிக்கப் படுகின்றன என்று இதன் மூலம் காண முடியும். உதாரணமாக ஏழாம் பாவம் நன்றாக இருந்தால் அவருக்கு நல்ல மனைவி அமையும் அதே சமயம் அந்த நல்ல மனைவியினால் அவர் அனுபவிக்கும் சந்தோசம் ஆருட பாதத்தை வைத்துத்தான் கூற முடியும்.

நாம் உண்மையில் எந்த வாழ்க்கை வாழப் போகிறோம் என்பதை உணர்த்துவது ஜோதிடம்.

உணருதல் தொடரும்.

by **கோவிந்தராஜ்** Fri Jan 25, 2013 11:31 am

இல்லை அண்ணா முதல் வருடம் நிறைவு பெற இன்னும் ஆறு மாதங்கள் உள்ளன .. புன்னகை

by **ராஜா** Fri Jan 25, 2013 11:38 am

கோவிந்தராஜ் wrote:இல்லை அண்ணா முதல் வருடம் நிறைவு பெற இன்னும் ஆறு மாதங்கள் உள்ளன ..

இப்போ முதல் semester முடிந்துள்ளதா ?!! வாழ்த்துக்கள் நன்றாக படித்து university rank எடுக்க வாழ்த்துக்கள்

by **கோவிந்தராஜ்** Fri Jan 25, 2013 11:41 am

நன்றிகள்

by **சிவா** Fri Jan 25, 2013 12:35 pm

இப்பொழுது சமுதாயத்தில் இருக்கும் நல்லவர்கள் அனைவருமே இப்படித்தானே நடிக்கிறார்கள்!

இதில் விதிவிலக்கு நம் ஈகரை உறவுகள்! நல்லவர்களாக இருக்கிறார்கள், இல்லையேல் நேரடியாகவே திட்டிவிடுகிறார்கள்! (I Like It)

by **Aathira** Fri Jan 25, 2013 12:49 pm

THIYAAGOOHOOL wrote:{நடிப்பது என்பது என்ன?
நமக்கு உண்மையில் பிடிக்காத ஒன்றை பிறருக்காக செய்ய முற்படுவது தான் நடிப்பு. எனக்கு இதெல்லாம் பிடிக்காது ஏதோ உனக்காக செய்கிறேன் என்று கூறுவது தான் நடிப்பு}

அப்படின்னா சினிமாக்காரிங்க எல்லாம் புடிக்காமத்தான் அவுத்து போட்டு ஆடுறாங்களா.

நாகரிகமற்ற இது போன்ற பதிவுகள் (வார்த்தைகள்)இடுவது இதுவே இறுதியாக இருக்கட்டும் தோழரே.

by Mohan Pandiyan Wed Aug 21, 2013 3:41 am

சிவா wrote:இப்பொழுது சமுதாயத்தில் இருக்கும் நல்லவர்கள் அனைவருமே இப்படித்தானே நடிக்கிறார்கள்!

இதில் விதிவிலக்கு நம் ஈகரை உறவுகள்! நல்லவர்களாக இருக்கிறார்கள், இல்லையேல் நேரடியாகவே திட்டிவிடுகிறார்கள்! (I Like It)

ஈகரை உறவுகள் நல்லவர்கள்தான்!
ஆனால், ஈகரையில் நிர்வாகத்தில் இருந்த "சிலர்" நல்லவர்கள் இல்லையாமே... அதைப் பற்றியும் கொஞ்சம் சொல்லுங்கள்...

ஈகரை உறவுகளிடம் சொல்லி "அவர்களையும்" நேரடியாக திட்ட சொல்லுங்கள் சிவா...

by ராஜு சரவணன் Wed Aug 21, 2013 7:22 am

Mohan Pandiyan wrote:
சிவா wrote:இப்பொழுது சமுதாயத்தில் இருக்கும் நல்லவர்கள் அனைவருமே இப்படித்தானே நடிக்கிறார்கள்!

இதில் விதிவிலக்கு நம் ஈகரை உறவுகள்! நல்லவர்களாக இருக்கிறார்கள், இல்லையேல் நேரடியாகவே திட்டிவிடுகிறார்கள்! (I Like It)
ஈகரை உறவுகள் நல்லவர்கள்தான்!
ஆனால், ஈகரையில் நிர்வாகத்தில் இருந்த "சிலர்" நல்லவர்கள் இல்லையாமே... அதைப் பற்றியும் கொஞ்சம் சொல்லுங்கள்...

ஈகரை உறவுகளிடம் சொல்லி "அவர்களையும்" நேரடியாக திட்ட சொல்லுங்கள் சிவா...

பதிவுக்கு கருத்து சொல்ல முடிந்தால் சொல்லுங்கள்... தேவை இல்லாமல் கண்டதையும் பேச வேண்டாம்.

யார் நீங்கள்?

by **பார்த்திபன்** Wed Aug 21, 2013 11:57 am

சொந்த வாழ்க்கையில் நடிப்பதென்பது தவிர்க்கவே முடியாத ஒன்றாகிவிட்டது. அப்படி நடிக்கத் தவறும் பட்சத்தில் நிம்மதி என்பது நிற்காமல் ஓடிவிடுகிறது. நல்லவர்களாக மட்டுமில்லை சில சமயங்களில் கெட்டவர்களாகவும் பல சமயங்களில் பைத்தியக்காரர்களாகவும் நடிக்க வேண்டியிருக்கிறது.

by Alavandhan Wed Aug 21, 2013 7:20 pm

நண்பர் ராஜ் ரமேஷ் அவர்களே

ஒரு சந்தேகம்...

ராஜ் ரமேஷ் wrote:இந்த ஆருட இலக்கிண பாதத்தைக் காண இலக்கிணம் முதல் இலக்கிணாதிபதி இருக்கும் பாவம் வரை எண்ணி வரும் தொகையை இலக்கிணாதிபதி முதல் எண்ண வரும் பாவமே ஆருட இலக்கிணமாகும்.

பாவமா? பாதமா?

நன்றி....

by ராஜ்.ரமேஷ் Thu Aug 22, 2013 9:23 am

Alavandhan wrote:நண்பர் ராஜ் ரமேஷ் அவர்களே

ஒரு சந்தேகம்...

ராஜ் ரமேஷ் wrote:இந்த ஆருட இலக்கிண பாதத்தைக் காண இலக்கிணம் முதல் இலக்கிணாதிபதி இருக்கும் பாவம் வரை எண்ணி வரும் தொகையை இலக்கிணாதிபதி முதல் எண்ண வரும் பாவமே ஆருட இலக்கிணமாகும்.
பாவமா? பாதமா?

நன்றி....

பாவம் என்பது தான் சரியான சொல்லாகும். ”ஆருட இலக்கிணம் அமைந்த பாவத்தைக் காண ”
மிக்க நன்றி.