அசாமில் வன்முறை நீடிப்பு; மருந்து கடைக்காரர் சுட்டுக் கொலை

by **சிவா** Sat Aug 18, 2012 7:35 am

அசாம் மாநிலத்தில் தொடர்ந்து வன்முறை நீடிக்கிறது. கோக்ரஜார் நகரில் நேற்று மருந்து கடைக்காரர் ஒருவர் சுட்டுக் கொல்லப்பட்டார்.

சுட்டுக் கொலை

அசாம் மாநிலத்தில் போடோ பழங்குடியின மக்களுக்கும், வங்காள தேசத்தில் இருந்து வந்து குடியேறிய சிறுபான்மையினருக்கும் இடையே ஏற்பட்ட மோதல் கலவரமாக வெடித்தது. சில நாட்கள் ஓய்ந்திருந்த வன்முறை சம்பவங்கள் மீண்டும் தலைதூக்கி இருப்பதால் கோக்ரஜார், சிராங், பக்சா, துப்ரி ஆகிய மாவட்டங்களில் ஊரடங்கு உத்தரவு பிறப்பிக்கப்பட்டது.

கோக்ரஜார் நகரில் பந்தர்சோவா பகுதியில் உள்ள ஒரு மருந்து கடைக்கு நேற்று இரவு 7.30 மணிக்கு ஒரு மோட்டார் சைக்கிளில் வந்த மர்ம நபர்கள், அந்த கடையின் உரிமையாளரை துப்பாக்கியால் சுட்டுவிட்டு தப்பி ஓடி விட்டனர். இதில் குண்டு பாய்ந்த அவர் பரிதாபமாக உயிர் இழந்தார்.

தாக்குதல் நடத்திய அந்த மர்ம நபர்களை போலீசார் தேடி வருகிறார்கள்.

இந்த சம்பவத்தை தொடர்ந்து கலவர சாவு எண்ணிக்கை 78 ஆக உயர்ந்துள்ளது.

ஊரடங்கு உத்தரவு தளர்வு

கிராமப்புற காமரூபம் மாவட்டத்தில் உள்ள ரங்கியா வட்டாரத்தில் நேற்று பகலில் வன்முறை சம்பவங்கள் எதுவும் நடைபெறவில்லை. இதனால் அங்கு காலை 9 மணி முதல் பிற்பகல் 3 மணி வரை ஊரடங்கு உத்தரவு தளர்த்தப்பட்டது.

அந்த நேரத்தில் கடைகள், வர்த்தக நிறுவனங்கள், மார்க்கெட்டுகள் திறந்து இருந்தன.

முழுஅடைப்பு

இதற்கிடையே, கலவரத்துக்கு எதிர்ப்பு தெரிவித்து பஜ்ரங்தளம் அமைப்பின் சார்பில் சிராங், பக்சா, கிராமப்புற காமரூபம் ஆகிய மாவட்டங்களில் இன்று (சனிக்கிழமை) முழுஅடைப்பு போராட்டம் நடத்த அழைப்பு விடுக்கப்பட்டு உள்ளது.

கலவரத்தால் பதற்றம் நிலவும் பகுதிகளில் போலீசாரும் பாதுகாப்பு படையினரும் தொடர்ந்து பாதுகாப்பு பணியில் ஈடுபட்டு உள்ளனர்.

தினத்தந்தி

by **ராஜா** Sat Aug 18, 2012 10:46 am

சிவா wrote:வங்காள தேசத்தில் இருந்து வந்து குடியேறிய சிறுபான்மையினருக்கும்

சட்டவிரோதமாக வந்து குடியேறியவர்கள் என்று அரசே சொல்கிறது , அவர்கள் இங்கு வந்து குடியேறி இந்திய குடிமக்களை கொல்கிறார்கள் இதை பார்த்து கொண்டு மாநில அரசும் மத்திய அரசும் என்னத்த புடுங்கிட்டு இருக்கிறார்கள்... என்ன கொடுமை சார் இது

ஓட்டுக்காக சொந்த மனைவி மக்களை கூட விபசாரம் பண்ண சொல்லும் கேடுகெட்ட அரசியல் ஓநாய்கள் , அட...ச்சே காலையிலேயே கெட்ட வார்த்தைகளா வருது

அசாமில் வன்முறை நீடிப்பு; மருந்து கடைக்காரர் சுட்டுக் கொலை

அசாமில் வன்முறை நீடிப்பு; மருந்து கடைக்காரர் சுட்டுக் கொலை

Re: அசாமில் வன்முறை நீடிப்பு; மருந்து கடைக்காரர் சுட்டுக் கொலை