எங்கும் இருக்கும் இறைவனே

by dhilipdsp Fri 17 Aug 2012 - 15:55

எங்கும் இருக்கும் இறைவனே - நீ
எதிலும் இருப்பது உண்மையா ?
ஏழையின் குடிசையில் நீ இருந்தும்
ஏன் தான் ஏழ்மையை அகற்றலையோ
பாட புத்தகத்தில் நீ இருந்தும்
படிக்காத பிள்ளையை படைத்ததேனோ
மனிதரின் மனதில் நீ இருந்தும்
மத மாற்றத்தை ஏன் தான் வளர்த்தாயோ
வண்ணத்தின் வடிவத்தில் நீ இருந்தும்
வெண்மைக்கும் , கருமைக்கும் விளகமென்ன
உடலின் உருவத்தில் நீ இருந்தும்
உள்ளத்தில் ஊனத்தை ஏன் படைத்தாய்
ஒரே உருவத்தில் நீ இருந்தும்
ஒவ்வொரு மதத்துக்கும் சண்டை ஏனோ
------------------------------------------------------------------------------

by dhilipdsp Sat 18 Aug 2012 - 10:22

உண்மைய சொன்ன உலகம் நம்பாது ? உணர்ந்து விட்டே ன் ஜொள்ளு

by venugobal Sat 18 Aug 2012 - 11:27

சிலர் பேசும்போது இறைமறுப்புக்கொள்கையினர் போல் தொனிக்கலாம். ஆனால், உண்மையில் அவர்கள் இறைவிருப்புக் கொண்டவர்களே. 'இறைவன் இல்லை என்று சொல்லவில்லை! இருந்தால் நல்லாயிருக்குமே! என்றுதான் சொல்கிறேன்!' இது என்னைச் சிந்திக்க வைத்த தொடர்.

by dhilipdsp Sat 18 Aug 2012 - 11:44

venugobal wrote:சிலர் பேசும்போது இறைமறுப்புக்கொள்கையினர் போல் தொனிக்கலாம். ஆனால், உண்மையில் அவர்கள் இறைவிருப்புக் கொண்டவர்களே. 'இறைவன் இல்லை என்று சொல்லவில்லை! இருந்தால் நல்லாயிருக்குமே! என்றுதான் சொல்கிறேன்!' இது என்னைச் சிந்திக்க வைத்த தொடர்.

நன்றி அண்ணா

by ராம்ஜி Sat 18 Aug 2012 - 13:41

கவிதை ரொம்ப அருமை திலீப். எல்லாவற்றுக்கும் ஒரு காரணம் உண்டு. இறைவன் இருப்பதுப்போல் முற்பிறவியும் உண்டுதானே. அவரவர் செய்த நல்லது கெட்டதுக்கு தகுந்தார் போல் இப்பிறவியில் வாழ்ந்தே ஆகவேண்டும் என்பது காலத்தின் கட்டாயம். என்ன திலீப் நான் சொல்றது சரியா?

by **ஜாஹீதாபானு** Sat 18 Aug 2012 - 13:58

கஷ்டமென்றால் நாம் இறைவனைத் தான் கேள்வி கேட்க்கிறோம்.....

ஆண்டவன் காரணமின்றி எதையும் செய்யமாட்டான் என்று நம்புங்க......

கவிதை அருமை அருமையிருக்கு

by **பிஜிராமன்** Sat 18 Aug 2012 - 14:24

சண்டை வருவதற்கு சாக்கு பலவுண்டு
பண்டைய சாக்குதான் இஃது

எனக்கு கடவுளைப் பிடிக்கும், கோவம் வந்தா திட்டிக்கலாம், கஷ்டம் வந்தா பகிர்ந்து நிம்மதி பெறலாம், சந்தோசமா இருந்தா தேங்க்ஸ் பாஸ் என்று தைரியமாக சொல்லலாம். நமக்கு வர எல்லாத்தையும், அவரு மேல தூக்கி போட்டு நாம மனதளவுல ரிலாக்ஸ் ஆகிக்கலாம். அதுனால அவர எனக்கு ரொம்ப பிடிக்கும்.

அப்பாவியான இவரோட பேர வச்சு, மத்தவங்க பண்ற கூத்து தான் இங்க தாங்க முடியறது இல்ல.....

அருமை கவிதை திலிப் நன்றிகள்