அவன் குரல்

**மு.வித்யாசன்** · 19/03/2010

ஒன்னே ஒன்னு சொல்லு புல்ல
ஏ... உசுரு அதுக்குள்ள
இல்லையின்னு நீ சொன்னாக்கா
அப்பவே நா மண்ணுக்குள்ள..!!

கண்ணுக்குள்ள தூசியாக, நீயும் விழுந்த ஈசியாக
நெஞ்சுக்குள்ள ஆசையாக, நீயும் வந்த அலையாக;
புள்ளியாக இருந்த என்ன, பூமியாக மாத்திப்புட்ட
தள்ளி நீயும் நின்னுக்கிட்டே காதல் கொல்லி வச்சுப்புட்ட;

அட... தன்னந்தனியா நிக்கும் நிலவா
தினம் உன்னத் தேடுறேன் ஒவ்வொரு இரவா;

கண் மூடி நீயும் தூங்க, நா கண் விழிச்சு கனவ வாங்க;
எந்த வழி நானும் போக, உன் பாதச் சுவடே பாதையாக;
கடல் நீரா இருந்த என்ன, மழை நீரா மாத்திப்புட்ட
கண்ணீர துடச்சுக்கிட்டே புன்னகைய நீ வச்சுக்கிட்ட;

அட... வில்லு இல்லா அம்பு போல
தெம்புயில்லா ஆளா நிக்குறேனே ஒத்தையிலே...!!

ஒன்னே ஒன்னு சொல்லு புல்ல
ஏ... உசுரு அதுக்குள்ள
இல்லையின்னு நீ சொன்னாக்கா
அப்பவே நா மண்ணுக்குள்ள..!!
அவன் குரல் Alone_Boy