மதுரையில் நான்கு காவலர்கள் இடமாற்றம் ...

Guest · Guest Mon 13 Aug 2012 - 11:47

மதுரையில் நான்கு காவலர்களை இடமாற்றம் செய்து மாவட்ட காவல் கண்காணிப்பாளர் பாலகிருஷ்ணன் உத்தரவிட்டுள்ளார்.

இடமாற்றம் செய்யப்பட்ட மேலூர் காவல்நிலைய தனிப்பிரிவு தலைமைக் காவலர் ரவி, கீழவளவு காவல்நிலைய எழுத்தர் அசோக் குமார் மற்றும் பிச்சை, அறிவுக்கரசு ஆகிய நான்கு பேரும் ஆயுதப் படை பிரிவுக்கு மாற்றப்பட்டுள்ளனர். மதுரையில் சட்டவிரோதமாக செயல்பட்ட் கிரானைட் குவாரி உரிமையாளர்களுடன், இந்த நான்கு பேருக்கும் தொடர்பு இருந்ததாகவும், அதன் அடிப்படையில் இந்த நடவடிக்கை எடுக்கப்பட்டுள்ளதாகவும் கூறப்படுகிறது.

இதனிடையே, கிரானைட் உரிமையாளர்களுடன் தொடர்புடைய அரசு அதிகாரிகள் குறித்து தகவல் தெரிந்தால், உடனடியாக தமக்கு தெரிவிக்கும்படி, பொதுமக்களுக்கு மாவட்ட காவல் கண்காணிப்பாளர் வேண்டுகோள் விடுத்துள்ளார். இந்நிலையில், கிரானைட் குவாரி முறைகேடுகளில் சிக்கிய பி.ஆர்.பி எக்ஸ்போர்ட்ஸ் நிறுவன உரிமையாளர் பழனிச்சாமி, சிந்து கிரானைட் நிறுவன உரிமையாளர் செல்வராஜ் ஆகியோர் உயர்நீதிமன்ற மதுரை கிளையில் தாக்கல் செய்த முன் ஜாமீன் மனுக்கள், இன்று மீண்டும் விசாரணைக்கு வருகின்றன.
--
புதிய தலைமுறை