மலேசியாவில் தமிழர் மர்மமரணம்

**சிவா** · **சிவா** Thu Aug 09, 2012 1:29 pm

நாகப்பட்டினம் : நாகப்பட்டினம் மாவட்டத்தை சேர்ந்த விஜயராகவன், மலேசியாவில் மர்மமான முறையில் மரணமடைந்த சம்பவம் அவரது குடும்பத்தை பெரும்சோகத்திற்கு உள்ளாக்கியுள்ளது. நாகப்பட்டினம் மாவட்டம் திருப்பூண்டியை சேர்ந்தவர் கணேசன் - சரோஜா தம்பதி. இவர்களுக்கு ஏழாவது குழந்தையாக பிறந்தவர் விஜயராகவன். விஜயராகவன், கடந்த 2008ம் ஆண்டு பணிநிமித்தமாக மலேசியா சென்றார். இந்நிலையில், கடந்த 5ம் தேதி, சரோஜாவை தொடர்பு கொண்ட விஜயராகவன், தனக்கு லாட்டரி மூலம் 1 கோடி 10 ஆயிரம் பரிசுத்தொகை விழுந்திருப்பதாகவும், வியாழக்கிழ‌மை (இன்று) நாடு திரும்ப உள்ளதாகவும், அதற்காக டிக்கெட்டும் எடுத்துவிட்டதாக கூறினார்.

இந்நிலையில், அதே இரவு தொலைபேசியில் மீண்டும் சரோஜாவை தொடர்பு கொண்ட விஜயராகவனின் நண்பர்கள், விபத்தில் அவனுக்கு காயம் ஏற்பட்டுள்ளதாக கூறிய அவர்கள், சிறிதுநேரம் கழித்து அவன் இறந்துவிட்டதாக கூறினர். கணேசன், திருப்பூண்டியை சேர்ந்த மற்‌‌றொருவரிடம் விசாரணை செய்ய கூறினார். அவன் சென்று விசாரித்ததி்ல், விஜயராகவனுக்கு உடலில் எவ்வித அடியும் இல்லை என்றும், கை, கால் மற்றும் வாய்ப்பகுதிகளில் ரத்தம் உள்ளதாகவும், யாரோ கொலை செய்திருப்பதாக தெரிகிறது என்று அவர் கூறியுள்ளான்.

இதனையடுத்து, மகனின் மர்ம மரணம் குறித்து விசாரணை நடத்தப்பட வேண்டும் மற்றும் அவனது உடலை, ஊருக்கு கொண்டு வருவதற்கான நடவடிக்கைகள் எடுக்க வேண்டும் என்பதை வலியுறுத்தி விஜயராகவனின் பெற்றோர்கள் மாவட்ட ‌கலெக்டர் முனுசாமியிடம் மனு அளித்துள்ளனர்.

தினமலர்

**கே. பாலா** · **கே. பாலா** Thu Aug 09, 2012 1:33 pm

என்னமோ நடந்திருக்கு ! சோகம்

**ராஜா** · **ராஜா** Thu Aug 09, 2012 1:41 pm

அடகடவுளே .

Sponsored content · Sponsored content

மலேசியாவில் தமிழர் மர்மமரணம்

மலேசியாவில் தமிழர் மர்மமரணம்

Re: மலேசியாவில் தமிழர் மர்மமரணம்

Re: மலேசியாவில் தமிழர் மர்மமரணம்

Re: மலேசியாவில் தமிழர் மர்மமரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக