அமெரிக்காவில் மசூதிக்கு தீவைப்பு

by **சிவா** Thu Aug 09, 2012 12:45 pm

அமெரிக்காவில் சீக்கியர்களின் வழிபாட்டு தலத்தில் 6 பேர் சுட்டுக்கொன்ற சம்பவத்தின் சுவடு மறைவதற்குள், அங்கு ஒரு மசூதிக்கு தீ வைத்துள்ள சம்பவம் பரபரப்பை ஏற்படுத்தி உள்ளது.

மிஸ்சவுரி மாகாணத்தில் உள்ள ஜாப்லினில் உள்ள மசூதிதான் தீயிட்டு கொளுத்தப்பட்டுள்ளது. மசூதியில் வைக்கப்பட்டிருந்த கண்காணிப்பு காமிராவும் தீயில் நாசமாகி விட்டது. இதுகுறித்து இஸ்லாமிய சமூகத்தை சேர்ந்த ஒருவர் கூறுகையில், "இந்த சம்பவத்தால், நாங்கள் அல்லாவை வழிபடுவதை யாரும் தடுத்து நிறுத்தி விட முடியாது'' என்றார். மற்றொருவர் கூறுகையில், "தீயை அணைத்த பின்னரும் கட்டிடத்தின் செங்கற்கள் பல மணி நேரம் கனன்று கொண்டிருக்கிற அளவில் தீயின் வீரியம் அதிகமாக இருந்துள்ளது'' என்றார்.

எனினும் இந்த சம்பவத்தால் உயிர்ச்சேதம் எதுவும் ஏற்படவில்லை. மசூதி தீயிட்டு கொளுத்தப்பட்ட சம்பவம் குறித்து போலீசார் விசாரணை நடத்தி வருகின்றனர்.