த்ரிஷாக்களை ஓரங்கட்டும் தமன்னா...

மீனு · மீனு Wed Oct 07, 2009 10:19 am

ஹீரோயின்களின் சமபளம் இப்போதெல்லாம் முன்னைப்போல இல்லை. முன்பெல்லாம் கொசுறு அளவுக்குச் சம்பளம் வாங்கிக்கொண்டிருந்த நடிகைகள் இப்போது உஷாராகிவிட்டார்கள். ஒரு படத்துக்கு ஐஸ்வர்யா ராய் வாங்கும் சம்பளம் 6 கோடி ரூபாய். இது இன்னமும் பல முன்னணி நடிகர்களால் எட்டப்படாத உயரம்.

ஐஸ் இருக்கட்டும். தென்னிந்தியாவில் த்ரிஷா, அனுஷ்கா, நயன்தாரா, இலியானா, ஸ்ரேயா ஆகியோரும் ஒரு கோடி சம்பளத்தை எட்டிவிட்டதாகத் தகவல்கள் வருகின்றன. இவர்கள் தமிழில் 60 லட்சத்துக்கு மேல் வாங்குவதில்லை என்றாலும் தமிழை விடப் பெரிய சந்தையான தெலுங்குப் பட உலகில் 80 லட்சம் முதல் ஒரு கோடி வரை வாங்குவதாகக் கேள்வி. விரைவிலேயே தமிழிலும் இவர்கள் கோடி கேட்டுக் கொடி பிடித்தாலும் ஆச்சரியப்படுவதற்கில்லை.

உதாரணத்துக்குத் தமன்னாவை எடுத்துக்கொள்ளுங்கள். 20 வயதுகூட நிரம்பாத இந்தக் குட்டிப் பெண் 90 லட்சம் சம்பளத்தைத் தொட்டுவிட்டார். த்ரிஷா, நயன்தாரா ஆகியோருக்கு ஒன்று அதிகப் படங்கள் கைவசம் இல்லை அல்லது அவர்களது படங்கள் சரியாகப் போகவில்லை. இந்த கேப்பில் புகுந்து பட்டையைக் கிளப்பும் தமன்னா மிக விரைவாக வளர்ந்துவருகிறார். விஜயின் 50வது படமான சுறாவில் நடிக்க இவருக்குப் பேசப்பட்டுள்ள 90 லட்சம் சம்பளம் த்ரிஷா வகையறாக்கள் இதுவரை தமிழில் வாங்காதது.

தமன்னா விஷயத்தில் இன்னொரு செய்தியையும் கிசுகிசுக்கிறது கோடம்பாக்கம் பட்சி. மிஷ்கின் இயக்கத்தில் கமல் ஹாசன் நடிக்கவிருக்கும் படத்தில் நடிக்க இவருக்கு சான்ஸ் அடிக்கலாம் என்கிறது பட்சி. அதில் இவருக்கு ஒரு கோடி சம்பளம் தரப்படுமாம்.