புற்றீசலாகப் பரவிவரும் மருந்துப் பரிசோதனைக் கூடங்கள்: எச்சரிக்கை ரிப்போர்ட்

மருத்துவப் பரிசோதனைகள் நடத்துவதற்கு உகந்த நாடாக இந்தியா வேகமாக மாறிவருகிறது.

இந்தியாவில் மருத்துவ பரிசோதனை நடத்துவது மேற்குலக நாடுகளைவிட 80% மலிவானது.

அத்துடன் குறிப்பிட்ட சோதனைகளை நடத்தும் மருந்து நிறுவனங்களே ஆய்வாளரையும் நியமித்துக் கொள்ளலாம்.

மரணங்களோ, ஆரோக்கியக் குறைபாடுகளோ நேர்ந்தால் இந்த ஆய்வாளர்கள் எப்படி தகவல் அளிப்பார்கள் என்று எதிர்பார்க்க முடியும்.
இது தான் இங்கு இன்றுள்ள பரிதாப நிலைமை.

2008க்கும் 2010க்குமிடையில் பன்னாட்டு நிறுவனங்களால் நடத்தப்பட்ட மருந்து பரிசோதனைகளில் 1600 பேர் பலியாகியிருக்கும் தகவலை சுகாதார சேவை தலைமை இயக்ககம் அறிவித்து அதிர்ச்சியலைகளை ஏற்படுத்தியிருக்கிறது.

2007ல் 195ம், 2009ல் 258ம், 2010ல் 117 முறையும் நடத்தப்பட்ட பரிசோதனை மூலம் 2031 மரணங்கள் ஏற்பட்டதையொட்டி, மருத்துவ பரிசோதனைகள் நடத்துவதற்கான அனுமதி வழங்கும் முறைகளை மறுபரிசீலனை செய்வதற்கு குழு ஒன்றை ஏற்படுத்த உச்சநீதி மன்றம் உத்தரவிட்டுள்ளது.

பெண்கள், குழந்தைகள் மற்றும் மனநிலை குறைபாடுள்ளவர்கள் மீது பெரும்பாலான மருத்துவ பரிசோதனைகள் நடத்துப்படுவதாகவும், வெறுமனே 500 ரூபாய்தான் அபராதம் எனவும் கூறப்படுகிறது.

2007ல் 132ஆக இருந்த மரணங்கள் 2010ல் 668 ஆக தமிழ்நாட்டில் உயர்ந்துள்ள எண்ணிக்கையே மருத்துவ பரிசோதனைகள் தொடர்பாக இருக்கும் ஒழுங்குமுறைகள் செயலற்றவை என்பது புலனாகிறது.

2010ல் நடந்த 668 மரணங்களில் 22 குடும்பங்களுக்குத் தான் இழப்பீட்டை மருந்து நிறுவனங்கள் வழங்கியுள்ளன.

நாம் மருத்துவமனையில் தங்கி சிகிச்சை பெறும்போது உண்மையில் ஆய்வுக்கூட எலிகளாக மாறுகிறோமா என்பது நம்மில் 80% பேருக்குத் தெரிய வாய்ப்பில்லை.

அனைத்து மருந்து நிறுவனங்களுக்கும் சரியான ஒழுங்குமுறைகள் அவசியமாகிறது. அப்போதுதான் துயரங்கள் தீர்க்கப்படும்.

மருத்துவப் பரிசோதனை முறைகளைப் பொறுத்தவரை முழுமையான வெளிப்படைத்தன்மையும், தேசம் தழுவிய விழிப்புணர்வுப் பிரச்சாரமும் தேவை.

mukanul

அப்படியே இந்த அரசு மருத்துவமனை ஸ்கானிங் மிஷினும் எக்ஸ் ரே மிஷினும் ஒழுங்கா வேலை செய்யவும் ஏதாவது வழிமுறை கொண்டுவந்தா தேவலை