சிங்கள உள்ளங்கள்

by yarlpavanan Mon Aug 06, 2012 10:22 am

இலங்கையில்
தமிழர்-சிங்களவர் மோதலைத் தணித்து
அமைதியை நிலைநாட்ட
ஆண்டவரே வந்து பார்த்த பின்னர்
முயற்சி செய்யாமலே
முன்கூட்டியே
ஒதுங்கி ஓடிவிட்டார்!
ஒவ்வொரு சிங்களவர் உள்ளத்திலும்
தமிழரை ஒரு பொருட்டுக்கும்
மதிக்கும் எண்ணம் இல்லையாம்...
ஒவ்வொரு சிங்களவர் உள்ளத்திலும்
தமிழர் நிலங்களைச் சுருட்டி
தமிழரை
வெளிநாடுகளுக்கு விரட்டும் எண்ணமாம்...
ஒவ்வொரு சிங்களவர் உள்ளத்திலும்
தமிழரை அடக்கி, ஒடுக்கிப் பணியவைத்து
அடிமைகளாகப் பிழிந்தெடுத்து
வருவாய் ஈட்டி வாழும் எண்ணமாம்...
ஒவ்வொரு சிங்களவர் உள்ளத்திலும்
தமிழர் தவறைச் சுட்டிக்காட்டினால்
செவ்விழநீர் வெட்டும் கத்தியால
தமிழர் தலைகளை
வெட்டி வீழ்த்தும் எண்ணமாம்...
ஒவ்வொரு சிங்களவர் உள்ளத்திலும்
தமிழர் - சிங்களவர்களுக்கிடையே
சிறிய மோதல் தோன்றினாலும் கூட
தமிழர் உடைமைகளைத் தீயிற்கு இரையாக்கி
அந்தத் தீயிற்குள்ளே தமிழர் உடல்களை
போட்டு எரிக்கும் எண்ணமாம்...
ஒவ்வொரு சிங்களவர் உள்ளத்திலும்
தமிழரை
மாற்றான் தாய் வயிற்றுப் பிள்ளையென்ற
எண்ணத்தில் அணுகும் வரை
தமிழருக்காக
எதையும் விட்டுக்கொடுக்கும் எண்ணம்
அவர்களுக்கு இருக்காதென
ஆண்டவரே உணர்ந்து கொண்டார் போலும்
அதுதான் பாருங்கோ
இலங்கையில் அமைதியை ஏற்படுத்தாமல்
வந்த வழியைப் பார்த்தே
திரும்பி ஓட்டம் பிடித்து விட்டார் போலும்!
உண்மையிலேயே
ஒவ்வொரு சிங்களவர் உள்ளத்திலும்
இலங்கை எம் தாய் நாடு
எல்லா இனங்களும்
எல்லா மதங்களும்
எல்லா இடத்தாரும்
சம உரிமையோடு வாழும்
ஒரு தாய் வயிற்றுப் பிள்ளையென்ற
எண்ணம் தோன்றாதவரை
'அமைதி' என்ற பேச்சுக்கே
இடமிருக்காதே!