மருத்துவமனை மருந்தகங்கள் அகற்ற எம்.எல்.ஏ., கோரிக்கை

by **சிவா** Sun Aug 05, 2012 5:35 pm

தர்மபுரி: "மருத்துவமனைகளுடன் உள்ள மெடிக்கல் ஸ்டோர்களை அகற்ற வேண்டும்' என்று தர்மபுரி தொகுதி தே.மு.தி.க., எம்.எல்.ஏ., பாஸ்கர் கோரிக்கை விடுத்துள்ளார்.இது குறித்து சபாநாயகரிடம் கொடுத்துள்ள மனுவில் கூறியிருப்பதாவது:தமிழகத்தில் உள்ள தனியார் மருத்துவமனைகளில் உள்ள மெடிக்கல் ஸ்டோர்களை உடனடியாக அகற்ற நடவடிக்கை எடுக்க வேண்டும். பொது மக்கள் உடல் நலம் பாதிக்கப்பட்டு தனியார் மருத்துவமனைகளுக்கு சென்றால், அங்கு மருத்துவ பரிசோதனை செய்து, உடனடியாக ஒரு பெரிய பட்டியல் போட்டு மாத்திரை, மருந்துகள் தங்கள் மருத்துவமனை வளாகத்தில் உள்ள மெடிக்கல் ஸ்டோரில் கொடுத்து விடுகின்றனர்.மருந்து, மாத்திரைகளை வெளியில் சென்று வாங்க அனுமதிப்பதில்லை.

இந்த மருந்துகள் என்ன என்பதும், எவ்வளவு ரூபாய் ஆகும் என்ற விபரமும் நோயாளிகளுக்கு தெரிவிப்பதில்லை. உயிர்காக்கும் டாக்டர்கள் சேவை மனப்பான்மையுடன் செயல்படுவதில்லை. லாபத்துக்காக மருத்துவமனைக்குள் மெடிக்கல் ஸ்டோர்களை துவக்கி, வியாபார நோக்கத்தோடு செயல்பட்டு வருவதை உடனடியாக தடுத்து எல்லா ஊர்களிலும் அரசு சார்பில் மருத்துவமனைகள் திறக்க வேண்டும்.

தெருவுக்கு, தெரு டாஸ்மாக் கடைகளை அரசு திறப்பதை போல் மெடிக்கல் ஸ்டோர்களை எல்லா ஊர்களிலும் துவங்கி நியாயமான விலையில் மருந்துகள் ஏழை மக்களுக்கு கிடைக்க உரிய நடவடிக்கை எடுக்க வேண்டும்.இவ்வாறு மனுவில் கூறப்பட்டுள்ளது.

தினமலர்!

by **கே. பாலா** Sun Aug 05, 2012 5:39 pm

:

நல்ல செயல் பராட்டுக்கள்,

by முரளிராஜா Sun Aug 05, 2012 5:43 pm

நல்ல ஆலோசனை சூப்பருங்க

by யினியவன் Sun Aug 05, 2012 5:44 pm

நல்ல கருத்து.

ஆனா வட்டம் மாவட்டம் இவங்க ஏல முறை வைத்து கட்டப் பஞ்சாயத்துல கடை எடுத்து காசு பண்ணாம இருந்தா சரி.

by பாலாஜி Sun Aug 05, 2012 6:09 pm

நல்ல ஆலோசனை , அனால் இனியவன் சொல்லுவது போல நடந்தால் என்ன செய்வது.

மருத்துவர்கள் மட்டுமே காசு பார்க்கின்றனர் , நாமளும் பார்ப்போம் என்று நினைத்தால் என்ன செய்வது

by இரா.பகவதி Sun Aug 05, 2012 9:27 pm

நல்ல திட்டம் நடைமுறைக்கு வரட்டும் பாக்கலாம( திட்டம் போடுறதுக்கு முன்னாடியே நம்ம ஆளுங்க அதுல ஒட்டிய போட்டுருவான்களே நன்றி

by ஹர்ஷித் Mon Aug 06, 2012 10:45 am

சிறிய அளவில் நடக்கும் மோசடி பெரிய அளவில் நடக்க மனு கொடுத்துள்ளார்.நல்லது நடந்தால் நிச்சயம் பாராட்டி வாவேற்க்கலாம் ஆனால் ஊழலில் முதல்நாடு என்ற பெருமையை வெகு காலமாக தக்கவைத்துள்ள நம் நாட்டில் நல்லது என்ற வார்த்தயே நம் அரசியல் வியாதிகளுக்கு தெரியாதே?