வெட்டியான்

by **தமிழ்நேசன்1981** Sat Aug 04, 2012 11:35 pm

First topic message reminder :

வெட்டியான் - Page 2 Vettiyan

எரிப்பதா
புதைப்பதா
வெட்டியானின்
குல வழக்கம்?

எரிப்பதும் வழக்கமில்லை
புதைப்பதும் வழக்கமில்லை
எந்த குலத்திற்கும்;
செத்தவன்
எந்த உறவாய் இருந்தாலும்
வெட்டியானை தவிர..!

எரியூட்ட விறகையும்,
புதைக்க மண்ணையும்
மட்டுமே
வெட்டிப்போட்டுப்
பழகியதால்
வெட்டியானாகிப்போனவன்!

லாபம் ஏதும்
இல்லாத வேலை
என்பதால்தான்
இவன் செய்யும் வேலை
வெட்டிவேலை
என்றானதோ!

துண்டிலே விழும்
சில்லரைகளில்
தொடங்குவதால்
அவன் வரவு செலவு திட்டம்
முழுவதும்
துண்டுகளாலேயே
நிரப்பப்படுகிறது!

அவன் மீது
இரக்கம் வந்துவிடக்கூடாது
என்பதற்காகவும்தான்
கண்கள் மூடப்படுகிறதோ
பிணங்களுக்கு!

‘திரும்பிப்பார்க்காமல்
செல்லுங்கள்’
அரைஞாண்கயிறின்
வெள்ளி வரை
அறுத்துப்பெற்ற பிறகு
திரும்பிப்பார்க்க
என்ன இருக்கிறது?

சாதிக்கொரு
சுடுகாடு வைத்தவன்
ஏன்
எல்லா சுடுகாட்டுக்கும்
ஒரே சாதியில்
வெட்டியானை மட்டும்
வைத்தான்?

இந்த தீண்டத்தகாதவனின்
தீண்டலில்தான்
மோட்சம் பெறுகின்றன
பிணங்கள்!

சந்து பொந்தெல்லாம்
மின்விளக்குகள் கட்டி
மனைவியை
துணைக்கழைத்துக்கொண்டு
சிறுநீர் கழிக்க சென்றவனிடம்
இரவெல்லாம்
பிணத்தோடு பிணமாக
பயமின்றி படுத்துறங்கியவன்
எப்படி அடிமையானான்?

‘கருப்பன் வந்திருக்கின்றான்’
என இருந்த இடத்திலிருந்தே
கத்தி தெரிவிக்கின்றன
செத்துப்போனவனின்
பேரக்குழந்தைகள்!
‘இந்த வருசம்
எதுவும் கிடையாது
எனத் தெரிந்தும்
வந்து நிற்கிறான் பாரு’
முறுக்கிக்கொள்கிறாள்
கிழவி!

தீபாவளிக்கும்
பொங்கலுக்கும்
தப்பை தட்டி
பிச்சையெடுத்துக்
கொண்டிருக்கிறான்
வெட்டியான்
தான் செய்த
வேலைகளுக்கான
கூலியை!

வெட்டியானின் உயிரை
எடுத்துத் தொலைக்கிற
எந்த ஒரு பிணமும்
அவன் உடலுக்கு கூட
அவன் வேலைப் பார்த்த
சுடுகாட்டில்
சாதிப் பார்க்காமல்,
எடுத்துத் தருவதேயில்லை
தன் அருகாமையை..!
-யோவ்

by balakarthik Sat Sep 29, 2012 2:15 pm

யினியவன் wrote:கட்டேல போன உசிரு வந்து பில்லு கட்டவா போவுது?

அதுக்காக கரண்ட கட்பண்ணி வச்சா கப்படிக்குமே காத்து போன பை

by யினியவன் Sat Sep 29, 2012 2:19 pm

காத்து காத்து வசந்த காத்து வராம
இத்துப் போன காத்துப் போன பையா ஆன
உடல் கப்படிக்கத்தான் செய்யும் அதை கண்டு
வேதனை தாளாமல் ரெண்டு கல்ப்படிக்கத் தோணும்...

by **மாணிக்கம் நடேசன்** Sat Sep 29, 2012 2:22 pm

புனிதமான பணியை புன்னகையுடன் செய்யும் புண்ணியவான்.

by பூவன் Sat Sep 29, 2012 2:24 pm

யினியவன் wrote:காத்து காத்து வசந்த காத்து வராம
இத்துப் போன காத்துப் போன பையா ஆன
உடல் கப்படிக்கத்தான் செய்யும் அதை கண்டு
வேதனை தாளாமல் ரெண்டு கல்ப்படிக்கத் தோணும்...

பார்த்து பார்த்து குடித்து
பாதை பார்த்து போகாமல் போன
வரும் வாகனங்களில் வதை பட்டு
காத்து போன பையா தான் போகணும்
திரும்பவும் தோர்த்து ....

by balakarthik Sat Sep 29, 2012 2:25 pm

மாணிக்கம் நடேசன் wrote:புனிதமான பணியை புன்னகையுடன் செய்யும் புண்ணியவான்.

எது புன்னகையுடனா அண்ணே இடுகாட்டுபக்கமே போனதில்லை போலிருக்கு

by யினியவன் Sat Sep 29, 2012 2:28 pm

பாவியென செயல் புரிந்து திரிந்தால்
செல்லரித்து செல்லாக் காசாகி
ஆவியென அலைய கடவாய்...

by பூவன் Sat Sep 29, 2012 2:31 pm

யினியவன் wrote:பாவியென செயல் புரிந்து திரிந்தால்
செல்லரித்து செல்லாக் காசாகி
ஆவியென அலைய கடவாய்...

ஆவினென அலைந்தால்
பார்ப்பவர் எல்லாம்
எவரோ பாவி என
பதறி ஓடுவார்கள் ....

by **மாணிக்கம் நடேசன்** Sat Sep 29, 2012 2:32 pm

அப்போ என்னா அழுதுகிட்டேவா தனது பணிய செய்யுராங்க.

எங்க ஊருள புன்னகையுடனேதான் செய்யுராங்க

ஏன்னா காசு சார் காசு, நிறைய காசு.

அதுவும் சீனர் செத்தால் எங்க ஊரு சீன வெட்டியானுக்கு

நிறைய காசு சார். அதனால அவுங்க புன்னகையோட தான் தனது பணிய செய்யுராங்க.

by balakarthik Sat Sep 29, 2012 2:34 pm

மாணிக்கம் நடேசன் wrote:அப்போ என்னா அழுதுகிட்டேவா தனது பணிய செய்யுராங்க.
எங்க ஊருள புன்னகையுடனேதான் செய்யுராங்க
ஏன்னா காசு சார் காசு, நிறைய காசு.
அதுவும் சீனர் செத்தால் எங்க ஊரு சீன வெட்டியானுக்கு
நிறைய காசு சார். அதனால அவுங்க புன்னகையோட தான் தனது பணிய செய்யுராங்க.

தமிழ்நாட்டுல காசு கொடுத்தாலும் திட்டுத்தான் இல்லேனாலும் திட்டுத்தான் சில பாவப்பட்ட பிணங்கள் அடிகூட வாங்க வேண்டி இருக்கும்