டுவென்டி20: இலங்கைக்கு எதிரான இந்தியாவின் வெற்றி பயணம் இன்றும் தொடருமா?

டுவென்டி20: இலங்கைக்கு எதிரான இந்தியாவின் வெற்றி பயணம் இன்றும் தொடருமா?

பல்லேகெலே: இலங்கை சுற்றுப்பயணம் சென்றுள்ள இந்திய அணி, அந்த நாட்டு அணியுடன் இன்று டுவென்டி20 போட்டியில் கலந்து கொள்ள உள்ளது. ஏற்கனவே ஒருநாள் தொடரை கைப்பற்றியுள்ள இந்தியா, இன்று சிறப்பாக செயல்பட்டு வெற்றி பெறும் என்று ரசிகர்கள் எதிர்பார்க்கின்றனர்.

இலங்கைகு சுற்றுப்பயணம் சென்றுள்ள இந்திய அணி, அந்த நாட்டு அணியுடன் 5 போட்டிகள் கொண்ட ஒருநாள் கிரிக்கெட் தொடரில் பங்கேற்றது. இதில் ஒருநாள் தொடரை 4-1 என்ற கணக்கில் கைப்பற்றியது. இந்த நிலையில் இலங்கைக்கு எதிரான ஒரு டுவென்டி20 போட்டியில் இன்று இந்தியா கலந்து கொள்ள உள்ளது.

இலங்கையின் பல்லேகெலே மைதானத்தில் மாலை 7 மணிக்கு துவங்க உள்ள இப்போட்டி, வரும் செப்டம்பர் மாதம் இலங்கையில் நடைபெற உள்ள டுவென்டி20 உலக கோப்பைக்கு பயிற்சி போட்டியாக அமையும் என்று எதிர்பார்க்கப்படுகிறது.

இந்திய அணி:

இந்திய துவக்க வீரர் கவுதம் கம்பிர் ஐபிஎல் 5 தொடரில் சிறப்பாக பேட்டிங் செய்து ரன்களை சேர்த்தார். அதேபோல இன்று இலங்கைக்கு எதிரான போட்டியில் தனது திறமையை வெளிப்படுத்த உள்ளார். ஆனால் மற்றொரு துவக்க வீரர் ஷேவாக் காயம் காரணமாக நாடு திரும்புயுள்ளார். அதனால் இன்றைய போட்டியில் அவர் பங்கேற்பதில் சந்தேகம் உள்ளது.

மிடில் ஆடரில் சுரேஷ் ரெய்னா, கேப்டன் டோணி ஆகியோர் வேகமாக ரன்களை சேர்க்க வேண்டியுள்ளது. இலங்கைக்கு எதிரான போட்டியில் தொடர்ந்து அசத்தி வரும் விராத் கோஹ்லி, இன்றும் தனது அதிரடியை தொடரலாம்.

ஒருநாள் தொடரில் 5 போட்டிகளில் 13 ரன்கள் மட்டுமே எடுத்து சொதப்பிய ரோஹித் சர்மாவுக்கு இன்று வாய்ப்பு கிடைக்குமா என்பதில் சந்தேகம் நீடிக்கிறது. கடைசி ஒருநாள் போட்டியில் வாய்ப்பு கிடைத்த மனோஜ் திவாரி, இன்று தனது திறமையை நிரூபித்து அணியில் நிரந்தர இடம் பெற முயற்சி செய்ய வேண்டியுள்ளது.

பந்துவீச்சை பொறுத்தவரை இர்பான் பதான், அசோக் டின்டா ஆகியோர் வேகப்பந்துவீச்சில் சிறப்பாக செயல்பட்டு வருகின்றனர். வேகப்பந்துவீச்சாளர் ஜாகிர்கான் காயம் காரணமாக நாடு திரும்பியுள்ளார். சுழலுக்கு ஒத்துழைக்கும் இலங்கை ஆடுகளத்தில் அஸ்வின் அசத்துவார் என்று எதிர்பார்க்கப்படுகிறது.

இலங்கை அணி:

இலங்கை அணியில் விக்கெட் கீப்பர் மற்றும் பேட்ஸ்மேன் சங்கக்காரா, வேகப்பந்துவீச்சாளர் குலேசேகரா ஆகியோர் காயம் காரணமாக இன்றைய போட்டியில் இருந்து ஓய்வு அளிக்கப்பட்டுள்ளது. இந்த நிலையில் துவக்க பேட்ஸ்மேன்களாக களமிறங்கும் தில்ஷன், தரங்கா ஜோடி ரன் சேர்ப்பில் பொறுப்பாக செயல்பட வேண்டியுள்ளது.

கேப்டன் ஜெயவர்த்தனே எதிர்பார்த்த அளவிற்கு சோபிக்க தவறுகிறார். இலங்கை அணி சொந்த மண்ணில் ஒருநாள் தொடரை இழந்த நிலையில், டுவென்டி20 போட்டியில் வெற்றி பெற வேண்டியுள்ளது.

ஆல் ரவுண்டர்களாக ஆஞ்சிலோ மேத்யூஸ், ஜூவன் மெண்டிஸ், திரிமன்னே ஆகியோர் அணியின் ஸ்கோரை உயர்த்துவதிலும், பந்துவீச்சிலும் கலக்குகின்றனர். சுழலில் ஹெராத் இந்திய அணியின் ஸ்கோர் உயர்வை தடுத்து நிறுத்துவார் என்று எதிர்பார்க்கப்படுகிறது.

வரும் செப்டம்பர் மாதம் சொந்த மண்ணில் டுவென்டி20 உலக கோப்பையில் களமிறங்க உள்ள இலங்கை அணி, இன்றைய போட்டியில் வெற்றி பெற்று தனது திறமையை நிரூபிக்க வேண்டியுள்ளது. அதேபோல நீண்டகாலமாக டுவென்டி20 போட்டிகளில் தோல்விகளை தழுவி வரும் இந்திய அணி இன்று வெற்றி பெற வேண்டிய கட்டாயத்தில் உள்ளது. எனவே இன்றைய போட்டியில் விறுவிறுப்பிற்கு குறைவிருக்காது என்று எதிர்பார்க்கப்படுகிறது.

இலங்கை டாஸ் வென்று பீல்டிங்கை தேர்ந்தெடுத்துள்ளது.

இந்திய அணி பேட் செய்ய ஆரம்பித்து ஒரு விக்கெட் இழந்துள்ளது.

2 ஓவர்கள் முடிவில் இந்தியா ஒரு விக்கெட் இழப்பிற்கு 8 ரன்கள் எடுத்துள்ளது

38 -1 இன் 4 .4 ஓவர்ஸ்

57 / 1 கோலி 41 ரகனே 15

India 63/1 (8.0/20 ov)

விராத் கொஹ்லி t20 இல் தனது முதல் அரை சதத்தை எடுத்துள்ளார்.

India 79/1 (11.0/20 ov)

77 /1 10 .4 ஓவர்ஸ் கோலி 51 ரகானே 21

ரகானே ஆட்டம் 21 ஓட்டங்களில் இழந்தார்

India 130/3 (17.0/20 ov)

Last Bat V Kohli c Thirimanne b Eranga 68 (48b 11x4 1x6) SR: 141.66

India 155/3 (20.0/20 ov)