கடி சிரிப்பு - 4

ஆரூரன் · ஆரூரன் Sat 4 Aug 2012 - 8:38

ஆசிரியர்: நெல் வயலில் மாடு மேயுது - இது எந்தக் காலம்?
மாணவன்: விவசாயிக்குப் போதாத காலம் சார்!

மனைவி: என்னங்க இன்னைக்கு ஞாயிற்றுக்கிழமை காலை மார்க்கெட் போயிட்டு, ஒரு கழுதையப் பிடிச்சு இழுத்துக்கிட்டு வர்றீங்க?
கணவன்: சிக்கன், மட்டன், மீன், காய்கறி, கீரை எது வாங்கிட்டு வரணும்னு கேட்டதுக்கு நீதானே ஏதாவது ஒரு கழுதையை வாங்கிட்டு வாங்கன்னு சொன்னே..

தொண்டர் 1: மண்டை ஒடைஞ்சு ரத்தம் வர்றதுக்குத் தலைவர் சொல்ற காரணம் நம்பும்படியா இல்லையே!
தொண்டர் 2: என்ன சொல்றாரு?
தொண்டர் 1: வெயில் மண்டையைப் பிளந்துடுச்சுங்கிறாரே!

ரத்தினம்: கோயில் விசேஷத்துக்குப் போயிட்டு இப்ப திடீர்ன்னு உங்க நண்பர் அருளை வரச் சொல்லி போன் பண்றீங்களே... ஏன்?
சுப்பு: அருள் வந்தாத்தான் ஆடுவாங்கன்னு சொன்னாங்களே..!

வங்கி அதிகாரி: எதுக்கு எங்களை உங்க வீட்டு மாடிக்குக் கூப்பிடுறீங்க?
வாடிக்கையாளர்: நீங்கதானே சொன்னீங்க... வீட்டு மேலதான் லோன் தருவேன்னு!

ராமு: நீங்க எப்போதும் என்ன சோப் உபயோகிக்கிறீங்க?
சோமு: நான் எப்போதும் சோப் உபயோகிக்கிறதில்லீங்க! குளிக்கும்போது மட்டும்தான்!

(நன்றி - சிறுவர் மணி )