9-வது வெற்றிக்கு டோனி சாதனை படைப்பாரா?

**சிவா** · **சிவா** Thu Feb 05, 2009 3:22 am

கொழும்பு, பிப். 4-

இரு அணிகள் இடையேயான 5 ஒருநாள் போட்டித்தொடரில் நேற்று நடந்த 3-வது ஆட்டத்தில் இந்திய அணி 147 ரன் வித்தி யாசத்தில்அபார வெற்றி பெற்றது. ஏற்கனவே முதல் 2 ஒருநாள் போட்டியில் இந்தியா வெற்றி பெற்று இருந்தது. இதனால் தொடரை கைப்பற்றியது.

டோனி தலைமையில் இந்திய அணி தொடர்ந்து 8-வது வெற்றியை பெற்றுள்ளது. இங்கிலாந்துக்கு எதிராக தொடர்ந்து 5 போட்டியிலும், தற்போது இலங்கைக்கு எதிராக 3 போட்டியிலும் வெற்றி கிடைத்தது.

இதன் மூலம் டோனி சாதனையை சமன் செய்தார். இதற்கு முன்பு கவாஸ்கர், கபில்தேவ் தலைமையில் தொடர்ந்து 8 வெற்றி கிடைத்து இருந்தது. இந்தியா-இலங்கை அணிகள் மோதும் 4-வது ஒருநாள் போட்டி கொழும்பில் இன்று (5-ந்தேதி) நடக்கிறது. இதில் வென்றால் தொடர்ந்து 9-வது வெற்றியை பெற்று சாதனை படைப்பார்.

இந்திய அணி தொடர்ந்து சிறப்பாக விளையாடுவதால் டோனி இந்த சாதனையை படைக்க வாய்ப்பு உள்ளது. டோனி கேப்டனாக பொறுப் பேற்ற பிறகு 4 முறை ஒருநாள் தொடரை கைப்பற்றி உள்ளார். இலங்கைக்கு எதராக மட்டுமே 2 முறை வென்றுள்ளார். ஆஸ்திரேலியாவை அதன் சொந்த மண்ணில் வீழ்த்தி 3 நாடுகள் போட்டியில் கடந்த ஆண்டு இந்தியா சாம்பியன் பட்டம் பெற்றது.

இந்திய அணி தொடரை வென்று விட்டதால் நாளைய ஆட்டத்தில் முன்னணி வீரர்களுக்கு ஓய்வு கொடுக் கப்படலாம். ரோகித் சார்மா, இர்பான் பதான், புதுமுக வீரர் ரவிந்திர ஜடேஜா, தமிழக வீரர் எல்.பாலாஜி ஆகியோருக்கு வாயப்பு கிடைக்கலாம்.

பகல்-இரவாக நடைபெறும் இந்த போட்டி இந்திய நேரப்படி பிற்பகல் 2.30 மணிக்கு தொடங்குகிறது. தூர்தர்சன், நியோ ஸ்போர்ட்ஸ் சேனலில் இந்த போட்டி நேரடியாக ஒளிபரப்பு செய்யப்படுகிறது.

9-வது வெற்றிக்கு டோனி சாதனை படைப்பாரா?

9-வது வெற்றிக்கு டோனி சாதனை படைப்பாரா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக