ஆச்சர்யமான மற்றும் சுவாரஸ்யமான தகவல்கள் பகுதி - 4

ஆச்சர்யமான மற்றும் சுவாரஸ்யமான தகவல்கள் பகுதி - 4

மனதை ஒருமுகப்படுத்தினால் எதையும் சாதிக்கலாம்.




சுவாமி விவேகானந்தர் ஒரு முறை ஆற்றங்கரை ஓரம் நடந்து கொண்டிருந்தார். அப்போது அங்கே சில இளைஞர்கள் துப்பாக்கி சுடும் பயிற்சி மேற்கொண்டிருந்தனர். அதனால் விவேகானந்தர் அவர்களை வேடிக்கை பார்த்துக்கொண்டிருந்தார்.
அவர்களில் ஒரு இளைஞன் துப்பாக்கியை எடுத்து சுட ஆரம்பித்தான். சுமார் 10 முறைக்கு மேல் சுட்ட அவனால் ஒரு முறை கூட சரியாக இலக்கை சுட முடியவில்லை. இதை பார்த்த விவேகானந்தர் சிரித்தார். இதைக் கண்டு கோபம் அடைந்த அந்த இளைஞன் " என்னைப் பார்த்து சிரிக்கிறாயா ? எங்கே நீ ஒரு முறை சரியாக சுடு பார்ப்போம் " என்று துப்பாக்கியை நீட்டினான்.




சற்றும் தளராத விவேகானந்தர் அந்த துப்பாக்கியை வாங்கி இலக்கை நோக்கி சுட்டார். முதல் முறையிலேயே சரியாக சுட்டார். ஆனால் " இது குருட்டு அதிர்ஷ்டம் " என்று அந்த இளைஞன் ஏற்க மறுத்தான். மீண்டும் சுட்ட விவேகானந்தர் மறுபடியும் சரியாக சுட்டார். இதுவும் குருட்டு அதிர்ஷ்டம் தான் என்றான் அந்த இளைஞன். இதனால் இடைவிடாது சுட்டார் விவேகானந்தர், ஒரு முறை அல்ல இரு முறை அல்ல தொடர்ந்து ஆறு முறை அந்த இலக்கை சரியாக சுட்டார்.




இதைக் கண்ட அந்த இளைஞர் கூட்டமே வியந்தது. உடனே அந்த இளைஞன் " ஐயா தாங்கள் ஒரு துப்பாக்கி சுடும் வீரர் என்று தெரியாமல் தங்களை இழிவாக பேசிவிட்டேன். என்னை மன்னித்து விடுங்கள் " என்று கூறினார். அதற்கு விவேகானந்தர் " ஐயா நான் இது வரை துப்பாக்கியை தொட்டதே இல்லை. இப்பொழுது தான் முதல் முறையாக துப்பாக்கியை பிடிக்கிறேன் " என்றார்.




இதைக்கண்ட இளைஞர் கூட்டமே ஆச்சர்யத்தில் மூழ்கியது. இதை எவ்வாறு உங்களால் செய்ய முடிந்தது என்று கூட்டத்தில் இருந்தவர்கள் கேள்வி எழுப்பினர். " மனதை ஒருமுகப்படுத்தினால் எதையும் சாதிக்கலாம் " என்று விவேகானந்தர் பதில் அளித்தார்.




மனதை ஒருமுகப்படுத்தினால் எதையும் சாதிக்கலாம் என்பதற்கு இந்த சம்பவம் ஒரு மிகச்சிறந்த உதாரணம்.

http://www.atozforfun.com/2012/06/4.html

மனதை ஒருமுகப்படுத்தினால் எதையும் சாதிக்கலாம்

பகிர்விற்கு நன்றி முஹைதீன்...