சாதாரண மக்களுக்கு 21 நாட்களுக்கு 1 - வி.ஐ.பி க்களுக்கு தினமும் 1!

விநாயகாசெந்தில் · 09/05/2012

சாதாரண மக்களுக்கு 21 நாட்களுக்கு 1 -
வி.ஐ.பி க்களுக்கு தினமும் 1!

******************************************
சமையல் எரிவாயுவுக்கு பதிவு செய்யப் பட்ட என்ன நிலையில் உள்ளது என்பதை அறிந்து கொள்ளும் இணைய தளத்தை மத்திய பெட்ரோலியத் துறை அமைசர் ஜெய்ப்பால் ரெட்டி துவக்கி வைத்தார்.

இதன் மூலம் அரசியல்வாதிகள் மற்றும் வி.ஐ.பி கள் பயன்படுத்திய சமையல் எரிவாயு சிலிண்டர்களின் எண்ணிக்கை பற்றிய தகவல்கள் வெளிவந்துள்ளன.

துணை குடியரசுத் தலைவர் ஹமீது அன்சாரி வீட்டுக்கு 171 சிலிண்டர்களும், அமைச்சர் பிரினித் கவுர் வீட்டுக்கு 161 சிலிண்டர்களும், உத்தரகாண்ட் முதல்வர் விஜய் பகுகுணா வீட்டுக்கு 83 சிலிண்டர்களும், ராஜ்நாத் சிங் வீட்டுக்கு 80 சிலிண்டர்களும், முன்னாள் மத்திய அமைச்சர் எம்.எஸ்.கில் வீட்டுக்கு 79 சிலிண்டர்களும் சப்ளை செய்யப் பட்டுள்ளன.

மாயாவதி 91 சிலிண்டர்களும், முன்னாள் அமைச்சர் ராசா 89 சிலிண்டர்களையும் ,மேனகா காந்தி சுரேஷ் கல்மாடி தலா 69 பெற்றுள்ளனர்.பிரபலத் தொழில் அதிபர் நவீன் ஜிண்டால் 369 சிலிண்டர்கள் பெற்றுள்ளார். பார்தி குழுமத்தின் சுனில் மிட்டல் 27 சிலிண்டர்களையும், சமீர் ஜெயின் 39 சிலிண்டர்களையும் பெற்றுள்ளனர்.

சாதாரண நடுத்தர மக்களுக்கு 21 நாட்களுக்கு மட்டுமே ஒரு சிலிண்டர் என்ற விதி இருக்க அரசியல்வாதிகளும் தொழில் அதிபர்களும் வரைமுறையே இல்லாமல் அரசின் மானியத்தில் சுகபோகம் அனுபவித்த தகவல்கள் தற்போது வெளிவந்துள்ளன.