புனேவில் 5 இடங்களில் அடுத்தடுத்து குண்டுவெடிப்பு: ஒருவர் காயம்

**சிவா** · **சிவா** Wed Aug 01, 2012 9:20 pm

புனே: மகாராஷ்டிர மாநிலம் புனேவில் இன்று இரவு 5 இடங்களில் அடுத்தடுத்து குண்டுவெடித்தது. இதனால் அங்கு பரபரப்பு நிலவுகிறது. இதனிடையே 6வது குண்டு செயலிழக்கச் செய்யப்பட்டது. இச்சம்பங்களில் ஒருவர் காயமடைந்திருப்பதாக அம்மாநில டி.ஜி.பி., தெரிவித்தார்.

மகாராஷ்டிர மாநிலம் புனேவில் இன்று இரவு தொடர்ச்சியாக 5 இடங்களில் அடுத்தடுத்து குண்டுகள் வெடித்தன. இரவு 7.30 மணிக்கு பால் காந்தர்வா தியேட்டர் அருகே முதல் குண்டு வெடித்ததாக அங்கிருந்து வரும் தகவல்கள் தெரிவிக்கின்றன. தொடர்ந்து ஜே.எம். ரோடு, டெக்கான் ரோடு மற்றும் கார்வார் கல்லூரி ஆகிய பகுதிகளில் அடுத்தடுத்து குண்டுகள் வெடித்தன. குண்டுவெடிப்பைத் தொடர்ந்து அங்கு பயங்கரவாத தடுப்பு பிரிவு போலீசார் விரைந்துள்ளனர். இதனிடையே, மத்திய உள்துறை அமைச்சராக பொறுப்பேற்ற சுஷில் குமார் ஷிண்டே புனே வரவுள்ளதாக தகவல்கள் வெளியாகியுள்ளன. சம்பவ இடத்தை ஆராய்ந்த போலீசார் மிகவும் சக்தி குறைந்த குண்டுகள் வெடித்திருப்பதாக தெரிவித்தனர். சம்பவம் குறித்து பேசிய மகாராஷ்டிர மாநில டி.ஜி.பி., குண்டுவெடிப்பு சம்பவத்தில் ஒருவர் காயமடைந்திருப்பதாக தெரிவித்தார். இதனிடையே 6வது குண்டு செயலிழக்கச்செய்யப்பட்டுள்ளதாக போலீஸ் தரப்பில் தெரிவிக்கப்பட்டுள்ளது.

கடந்த 2010ம் ஆண்டு பிப்ரவரியில் புனே ஜெர்மன் பேக்கரியில் நடந்த குண்டுவெடிப்பு சம்பவத்தில் 15 பேர் கொல்லப்பட்டனர் என்பது குறிப்பிடத்தக்கது.

தினமலர்

பாலாஜி · பாலாஜி Wed Aug 01, 2012 11:23 pm

வருத்தமான செய்தி சோகம்

மகா பிரபு · மகா பிரபு Thu Aug 02, 2012 9:51 am

தீபாவளிக்கு பட்டாசு வெடிப்பதை போல நாட்டில் குண்டு வெடிக்க ஆரம்பித்துவிட்டது.

சிங்கம் · சிங்கம் Thu Aug 02, 2012 10:17 am

சோகமான செய்தி

**பிளேடு பக்கிரி** · 01/03/2010

முட்டாள் பசங்க கோபம்

**ராஜா** · **ராஜா** Thu Aug 02, 2012 12:12 pm

குண்டு வைத்த தேசபக்தர்கள் யார் என்று கண்டுபிடித்தார்களா இல்லையா ??

இரா.பகவதி · இரா.பகவதி Thu Aug 02, 2012 12:18 pm

அங்கு வைக்க பட்டது கேக் வேடிகுண்டாம் சோகம்

யினியவன் · யினியவன் Thu Aug 02, 2012 12:32 pm

ராஜா wrote:குண்டு வைத்த தேசபக்தர்கள் யார் என்று கண்டுபிடித்தார்களா இல்லையா ??

இந்த வருஷம் முதல் குண்டு வைக்கும் சிறந்த தேச பக்தர்களுக்கு ஜனாதிபதி விருது குடுத்து சிறப்பிக்க போவுது காங்கிரஸ் அரசு.

**பிளேடு பக்கிரி** · 01/03/2010

யினியவன் wrote:
ராஜா wrote:குண்டு வைத்த தேசபக்தர்கள் யார் என்று கண்டுபிடித்தார்களா இல்லையா ??
இந்த வருஷம் முதல் குண்டு வைக்கும் சிறந்த தேச பக்தர்களுக்கு ஜனாதிபதி விருது குடுத்து சிறப்பிக்க போவுது காங்கிரஸ் அரசு.