இவர்களின் உரையாடலின் பொருளைச் சொல்ல உங்களால் முடியுமா?

by இரா.பகவதி Tue Jul 31, 2012 11:43 pm

கம்பர்:- ஒரு காலடி நாலிலைப் பந்தலடி?
ஔவையார்:-
எட்டேகால் லட்சணமே எமனேறும் பரியே
மட்டில் பெரியம்மை வாகனமே – முட்டமேல்
கூரையில்லா வீடே குலராமன் தூதுவனே
... ஆரையடா சொன்னாய் அது

இவர்களின் உரையாடலின் பொருளைச் சொல்ல உங்களால் முடியுமா? 557195_387636281303797_86901125_n

இவர்களின் உரையாடலின் பொருளைச் சொல்ல உங்களால் முடியுமா? 557195_387636281303797_86901125_n

by அசுரன் Tue Jul 31, 2012 11:59 pm

இரா.பகவதி wrote:கம்பர்:- ஒரு காலடி நாலிலைப் பந்தலடி?
ஔவையார்:-
எட்டேகால் லட்சணமே எமனேறும் பரியே
மட்டில் பெரியம்மை வாகனமே – முட்டமேல்
கூரையில்லா வீடே குலராமன் தூதுவனே
... ஆரையடா சொன்னாய் அது

ஒளவையின் பதிலடி

ஒளவையின் காலத்தில் வாழ்ந்த போட்டிப் புலவர், ஒட்டக்கூத்தர். இவருக்கு நெடுநாளாக ஒளவையை அவமானப்படுத்த வேண்டும் என்பது ஒரு வித்துவ அவா. அதை நிறைவேற்று முகமாக, அரச சபையில் வைத்து ஒரு விடுகதை போன்ற கேள்வியைக் கேட்டார், "ஒரு காலடி, நாலிலைப் பந்தலடி, அது யாது?" என்று. இந்தக் கேள்வியால் வந்த வினைதான் இந்தப் பாடல்:

எட்டேகால் லட்சணமே எமனேவும் பரியே
மட்டில் பெரியம்மை வாகனமே - முட்டமுட்டக்
கூரையில்லா வீடே குலராமன் தூதுவனே
ஆரையடா சொன்னாய் அது.

தமிழில் 'அ' என்ற எழுத்து 'எட்டு' என்ற எண்ணை குறிக்கும். அதேபோல் 'வ' என்பது '1/4'ஐ குறிக்கும். ஆகவே 'எட்டேகால்' என்பது 'அவ' என்றாகிறது. ஆக, முதல் சொற்றொடர் 'அவ லட்சணமே' என்று பொருள் தருகிறது.

எமன் ஏவும் பரி என்பது 'எருமை'.

பெரியம்மை என்பது லட்சுமியின் தமக்கையான 'மூதேவி'.

மூதேவியின் வாகனம் கழுதை.

முட்டமுட்ட கூரையில்லா வீடு என்பது 'குட்டிச்சுவர்'.

குலராமன் தூதுவன் 'குரங்கு'.

ஆரை என்ற பூண்டிற்கு ஒரு தண்டும்(கால்), நான்கு இலையுமுண்டு.

நன்றி மணியின்பக்கம்

by அசுரன் Wed Aug 01, 2012 12:03 am

இது குறித்து நமது ஈகரையிலேயே விளக்கமும் உள்ளது பகவதி அண்ணா!

http://www.eegarai.net/t26261-topic#237948

by இரா.பகவதி Wed Aug 01, 2012 12:48 am

நன்றி அசுரன் பெரியப்பா சிரி

, நிங்க அண்ணான்னு சொன்னது பிளசிக்கு தானே மகிழ்ச்சி

by யினியவன் Wed Aug 01, 2012 1:33 am

வாத்தியார் வாத்தியார் தான் - விரும்பினேன் உங்கள் பதிவை அசுரன் பெரியப்பா.

by சார்லஸ் mc Wed Aug 01, 2012 6:09 am

யினியவன் wrote:வாத்தியார் வாத்தியார் தான் - விரும்பினேன் உங்கள் பதிவை அசுரன் பெரியப்பா.

அவர் நமக்கெல்லாம் என்னவாகத்தான் மாறி மாறி காட்சி தருகிறார்? அழுகை

(

:bball: )

ஒருதடவை 'மாமா'

மறு தடவை 'தாத்தா'

அடுத்து 'அண்ணன்'

அதற்கடுத்து 'பெரியப்பா'

அப்புறம் 'வாத்தியார்'

அதற்கு அப்புறமா ... ... ... ஒரே குழப்பமா இருக்கே...

சரி...சரி... அவர் 'வாத்தியார் மாமா' வாகவே இருக்கட்டும்.