சர்பிங் எனப்படும் நீர் சறுக்கு

**சிவா** · **சிவா** Tue Jul 31, 2012 11:35 pm

வரலாறு

`சர்பிங்' என்பது ஒரு வகையான நீர் விளையாட்டு ஆகும். கடல் அலை வேகமாக வரும் போது அதில் ஒரு பலகையில் நின்றபடி சறுக்கி வருவது தான் `சர்பிங்' எனப்படுகிறது. 1700- ம் ஆண்டுகளில் இருந்தே ஹவாய் தீவுகளில் இந்த விளையாட்டு இருந்துள்ளது. ஹவாய் தீவில் வசித்த பல்வேறு பழங்குடி இன மக்களிடையே இந்த சர்பிங் போட்டி நடந்துள்ளது. தங்களின் ஆதிக்கத்தையும், தங்கள் இனத்தின் சிறப்பை உணர்த்தவும் பழங்குடி இன தலைவர்கள் இடையே சர்பிங் போட்டிகள் நடந்துள்ளது. தலைவர்கள் சர்பிங் செய்ய தனி கடற்கரையும், மற்றவர்களுக்கு தனி இடமும் ஒதுக்கி உள்ளனர்.

சாதாரண மக்கள் 3.6 மீட்டர் நீளமுள்ள சறுக்குப்பலகையையும், தலைவர்கள் 7.2 மீட்டர் நீளமுள்ள சறுக்குப்பலகையும் பயன்படுத்தி சர்பிங் செய்துள்ளனர். ஐரோப்பியர்கள் ஹவாய் தீவில் குடியேறியபோது இந்த விளையாட்டு தனது முக்கியத்துவத்தை இழந்தது. பின்னர் 1900-ம் ஆண்டுகளில் இந்த விளையாட்டு புத்துயிர் பெற்றது.

சாதனையாளர்கள்

`நவீன சர்பிங் விளையாட்டின் தந்தை' என்று அமெரிக்காவின் டியூக் காஹனாமாகோ கருதப்படுகிறார். இவர் ஒரு ஒலிம்பிக் நீச்சல் வீரரும் கூட. பழம்பெரும் திரைப்பட நடிகர்கள் ஜான் வெயின், அனிதா ஸ்டீவர்ட் ஆகியோர் உள்பட பல்வேறு நடிகர், நடிகைகளுடன் இவர் சில திரைப்படங்களில் `சர்பிங்' காட்சிகளில் நடித்துள்ளார்.

விதிமுறைகள்

*சர்பிங் செல்பவர்கள் தங்கள் காலுடன் சறுக்குப்பலகையை இணைத்துக்கட்டி இருப்பார்கள். இதனால் ஒருவர் தவறி தண்ணீரில் விழுந்தாலும் அவரது கட்டுப்பாட்டில் இருந்து சறுக்குப்பலகை விலகிச்செல்லாது.

* பொங்கி வரும் அலையின் வளைவுப்பகுதியை ஒட்டியே சர்பிங் செய்ய வேண்டும்.

*சக வீரருக்கு பாதிப்பு ஏற்படுத்தும் வகையில் கடல் அலையை மறித்துக்கொண்டு நிற்பதும், பாம்பு போல வளைந்து நெளிந்து சென்று சக வீரருக்கு இடைஞ்சல் செய்வதையும் `ஸ்னேக்கிங்' என்று அழைப்பார்கள். இது விதிமுறைகளுக்கு முரண்பட்டதாகும்.

*போட்டியின் போது தனது கட்டுப்பாட்டில் இருந்து சறுக்குப்பலகையை கழற்றிவிடுவதும் தவறான செயல் ஆகும். இதனால் கட்டுப்பாடு இல்லாமல் செல்லும் சறுக்குப்பலகை பிற வீரர்களுடன் மோதி பாதிப்பை ஏற்படுத்தும் என்பதால் இப்படி செய்வது தடுக்கப்பட்டுள்ளது.

மனிதர்களைப்போல சர்பிங் விளையாட்டில் நாய்களும் ஈடுபடுத்தப்படுகின்றன. உலகிலேயே முதன்முதலாக சர்பிங் செய்தது சோயி என்ற நாய். அமெரிக்காவைச் சேர்ந்தது. 2006- ம் ஆண்டு கலிபோர்னியா நகரில் முதலாவது உலக நாய்கள் சர்பிங் சாம்பியன் போட்டிகள் நடைபெற்றது. இதில் 50-க்கும் மேற்பட்ட நாய்கள் கலந்து கொண்டன. இந்த போட்டிகளின் மூலம் கிடைக்கும் வருமானம் மிருகங்களுக்கான நலச்சங்கமான `பாவ்ஸ்' என்ற அமைப்பிற்கு அளிக்கப்படுகிறது.

அசுரன் · அசுரன் Tue Jul 31, 2012 11:38 pm

எனக்கு மிகவும் பிடித்த நான் விரும்பி பார்க்கும் (டீவியில தாங்க) விளையாட்டு. நல்ல தகவல் இது...சேமித்துக்கொண்டேன் என் மானவர்களுக்காக

இந்த பதிவைத் துவங்கியவர் நன்றி கூறியுள்ளார் அசுரன்

யினியவன் · யினியவன் Tue Jul 31, 2012 11:40 pm

பகிர்வுக்கு நன்றி சிவா.

நமக்கெல்லாம் குப்பிய தொறந்து தொண்டைக்குள் காட்டமா நீர் சர்ருன்னு இறங்குவதப் பத்தி தான் தெரியும்ன்னு சிவா நீங்க சொல்றது இங்க கேக்குது.

அசுரன் · அசுரன் Tue Jul 31, 2012 11:45 pm

யினியவன் wrote:பகிர்வுக்கு நன்றி சிவா.

நமக்கெல்லாம் குப்பிய தொறந்து தொண்டைக்குள் காட்டமா நீர் சர்ருன்னு இறங்குவதப் பத்தி தான் தெரியும்ன்னு சிவா நீங்க சொல்றது இங்க கேக்குது.

அவரு என்ன சொல்றாரு.... சர்ருன்னு.... கேக்குமா? டேப்புல வாய வச்சி குடிப்பீங்களா? சர்பிங் எனப்படும் நீர் சறுக்கு 745155