ரெயில் தீ விபத்தில் காயமடைந்தவர்கள் விவரம்

by **சிவா** Tue 31 Jul 2012 - 19:33

First topic message reminder :

டெல்லியில் இருந்து புறப்பட்டு, சென்னை நோக்கி வந்துகொண்டிருந்த தமிழ்நாடு எக்ஸ்பிரஸ் ரெயிலின் எஸ்-11 பெட்டி ஆந்திரா மாநிலம் நெல்லூர் மாவட்டம் அருகே தீ விபத்திற்குள்ளானது. அந்த பெட்டியில் பயணம் செய்த ஏராளமானோர் காயம் அடைந்தனர். காயமடைந்தவர்கள் எங்கிருந்து புறப்பட்டு வந்தனர்? எந்த ஆஸ்பத்திரியில் சிகிச்சை பெற்று வருகிறார்கள் என்ற விவரம் அறிவிக்கப்பட்டு உள்ளது. அதன் விவரம் வருமாறு:-

நெல்லூர் அரசு மருத்துவமனை

1. கே.கே.சுனில்குமார், டெல்லி

2. அமர்பிரீத் சிங், டெல்லி

3. வெங்கட கோட்டீஸ்வர ராவ், விஜயவாடா

4. ராகவன், போபால்

5. சந்தீப் அக்னிஹோத்ரி, டெல்லி

6. எஸ்.எஸ்.வர்மா

7. வீணா மற்றும் அர்ஷிதா என்ற ஒரு வயது குழந்தை, டெல்லி

8. உசேன், டெல்லி

9. ரேகா, டெல்லி

10. சுக்தீப் சிங்

11. சாம்பசிவ ராவ்

நெல்லூர் பீப்புல்ஸ் பாலி கிளினிக்

1. வி.குருஷி, விஜயவாடா

2. ஷோபா சிங், ஜான்சி

3. உதயபாஸ்கர், விஜயவாடா

4. ஜி.ராமச்சந்திர சீனிவாசா, வாரங்கல்

5. குமுதுகுமார் பன்சால், ஆக்ரா

6. பிரசம்சா பன்சால், ஆக்ரா

7. எம்.சுஜன்மால் சாரதா பரேக், டெல்லி

நெல்லூர் பாலிநேனி மருத்துவமனை

1. எஸ்.மதன்லால்

2. உத்தம்குமார்

3. அனுஷா

4. திருப்பதியம்மா

5. சம்பத்குமார்

by **சிவா** Tue 31 Jul 2012 - 19:55

ம.தி.மு.க. பொதுச் செயலாளர் வைகோ வெளியிட்டுள்ள அறிக்கையில் கூறியிருப்பதாவது:-

தமிழ்நாடு எக்ஸ்பிரஸ் ரெயிலில் ஏற்பட்ட தீவிபத்தில் ஏராளமானவர்கள் கருகி உயிரிழந்தனர். தப்பிச் செல்ல முடியாமல் அவர்கள் தவித்த தவிப்பை நினைத்தாலே நெஞ்சம் வெடிக்கிறது. இதயத்தை பதைபதைக்கச் செய்யும் இந்த கொடூர விபத்துக்கு உண்மைக் காரணம் என்ன? எதனால் ஏற்பட்டது? என்பதை அறிய மத்திய அரசு நீதி விசாரணை நடத்தவேண்டும்.

கோர விபத்துகள் ரெயில்களில் நடைபெறாத வண்ணம் உரிய நடவடிக்கைகளை ரெயில்வே நிர்வாகம் மேற்கொள்ளவேண்டும். நெஞ்சை உருக்கும் இந்த ரெயில் விபத்தில் உயிரிழந்தவர்கள் குடும்பத்தினருக்கு ம.தி.மு.க. சார்பில் இரங்கலை தெரிவித்துக் கொள்கிறேன்.

இவ்வாறு வைகோ கூறியுள்ளார்.

by **சிவா** Wed 1 Aug 2012 - 10:37

தமிழ்நாடு எக்ஸ்பிரஸ் ரெயில் தீவிபத்தில் பலியான 17 பேரின் உடல்கள் அடையாளம் தெரியவில்லை. 11 பேரின் உடல்கள் உறவினர்களிடம் ஒப்படைப்பு

தமிழ்நாடு எக்ஸ்பிரஸ் ரெயில் தீ விபத்தில் பலியான 17 பேரின் உடல்கள் இன்னும் அடையாளம் தெரியவில்லை. 14 பேரின் உடல்கள் அடையாளம் காணப்பட்டு, அதில் 11 பேரின் உடல்கள் உறவினர்களிடம் ஒப்படைக்கப்பட்டுள்ளது.

ரெயிலில் தீவிபத்து

டெல்லியில் இருந்து சென்னை நோக்கி வந்து கொண்டிருந்த தமிழ்நாடு எக்ஸ்பிரஸ் ரெயில், கடந்த 30-ந் தேதி அதிகாலை 4.15 மணியளவில் ஆந்திர மாநிலம் நெல்லூரை கடந்து வந்து கொண்டிருந்தபோது தீ விபத்து ஏற்பட்டது.

இந்த தீவிபத்தில் எஸ்-11 பெட்டியில் பயணம் செய்து கொண்டிருந்த 31 பயணிகள் உடல் கருகி இறந்தனர். 31 பேர் காயம் அடைந்தனர். காயமடைந்தவர்கள் நெல்லூர் அரசு ஆஸ்பத்திரி உள்பட 5 ஆஸ்பத்திரிகளில் சிகிச்சை பெற்று வருகின்றனர். 4 பேர் சென்னை பெரம்பூரில் உள்ள ரெயில்வே ஆஸ்பத்திரியில் சேர்க்கப்பட்டுள்ளனர்.

17 பேர் அடையாளம் தெரியவில்லை

பலியான 31 பயணிகளில் இதுவரை 14 பேரின் உடல்கள் அடையாளம் காணப்பட்டுள்ளது. இதில், 6 பேர் தமிழ்நாட்டை சேர்ந்தவர்கள். இறந்தவர்களில், 17 பேரின் உடல்கள் இன்னும் அடையாளம் காணப்படவில்லை. எந்த தடயமும் இல்லாமல் உடல் கரிக்கட்டையாக கருகிப்போய் இருப்பதால் அடையாளம் காண்பதில் சிக்கல் ஏற்பட்டுள்ளது.

இதுவரை 11 பேரின் உடல்கள் அடையாளம் காணப்பட்டு உறவினர்களிடம் ஒப்படைக்கப்பட்டுள்ளது.

by Sponsored content

ரெயில் தீ விபத்தில் காயமடைந்தவர்கள் விவரம்

ரெயில் தீ விபத்தில் காயமடைந்தவர்கள் விவரம்

Re: ரெயில் தீ விபத்தில் காயமடைந்தவர்கள் விவரம்

Re: ரெயில் தீ விபத்தில் காயமடைந்தவர்கள் விவரம்

Re: ரெயில் தீ விபத்தில் காயமடைந்தவர்கள் விவரம்