இந்தியாவுடன் போட்டி நடக்கலைனா நாங்க திவாலாகியிருப்போம்-பாக். கிரிக்கெட் வாரியம்

கராச்சி: பாகிஸ்தானுடன் கிரிக்கெட் போட்டியை நடத்த இந்தியா ஒப்புக் கொள்ளாமல் இருந்திருந்தால் பாகிஸ்தான் கிரிக்கெட் வாரியம் கடும் நிதி நெருக்கடியை சந்திக்க நேரிட்டிருக்கும் என்று அந்நாட்டு கிரிக்கெட் வாரியத்தின் முன்னாள் தலைவர் இஜாஜ் பட் கூறியுள்ளார்.

இந்தியா- பாகிஸ்தான் இடையே ஒருநாள் போட்டிகளை இந்த ஆண்டின் டிசம்பர் மற்றும் அடுத்த ஆண்டு ஜனவரியில் நடத்த இந்திய கிரிக்கெட் வாரியம் அண்மையில் ஒப்புதல் தெரிவித்திருந்தது.

இது தொடர்பாக கருத்துத் தெரிவித்துள்ள இஜாஜ் பட், இந்தியாவில்தான் என்றில்லை.. இருநாடுகளுக்கும் பொதுவான ஒரு நாட்டில் இரண்டு நாட்டு அணிகளுக்கு இடையே அடுத்த ஆண்டு போட்டி மட்டும் நடைபெறாமல் இருந்தால் நிச்சயம் பாகிஸ்தான் கிரிக்கெட் வாரியத்தின் நிதிநிலைமை படுமோசமாக இருந்திருக்கும் என்றும் கூறிய்ள்ளார்.

"2006-ம் ஆண்டில் இருந்து இந்தியாவுடன் பாகிஸ்தான் கிரிக்கெட் விளையாடவில்லை. 2009-க்குப் பிறகு வெளிநாட்டுப் போட்டிகளையும் பாகிஸ்தான் மேற்கொள்ளவில்லை. இதனால் இந்தியாவில் நடைபெறக் கூடிய இந்த ஒருநாள் தொடர் பாகிஸ்தானுக்கு மிகவும் முக்கியமானது" என்றும் பட் சுட்டிக்காட்டியுள்ளார்.

இந்தியாவுடன் விளையாடும்போது ஒளிபரப்பு உரிமத்தின் மூலம் 40 முதல் 45 மில்லியன் அமெரிக்க டாலர் பாகிஸ்தானுக்குக் கிடைக்கும். இதே இந்தியா போட்டிகளை நடத்தினால் அந்நாட்டுக்கு மீட்டியா உரிமங்கள் மூலம் 100 மில்லியன் டாலர் கிடைக்கும் என்றும் அவர் தெரிவித்துள்ளார்.

மேலும் பாகிஸ்தானுடனான கிரிக்கெட் போட்டி மூலம் கிடைக்கும் வருவாயில் பாகிஸ்தானும் பங்கு கோர வேண்டும். அப்படி இந்திய கிரிக்கெட் வாரியம் ஒப்புக் கொள்ளாத நிலையில் பாகிஸ்தான் அந்நாட்டு அணி விளையாடுவதற்கான உத்தரவாதத்தைப் பெற வேண்டும் என்றும் இஜாஜ் பட் கூறியிருக்கிறார்.

நன்றி ஒன் இந்தியா

இதுல வருகிற பணத்த விளையாட்டுக்கு மட்டும் பாகிஸ்தான் பயன்படுத்தினால் சந்தோஷம்.

எத்தனை தடவை பட்டாலும் நம்ம ஆளுங்களுக்கு புத்தி வராது.
அன்று , மும்பயில் உயிரிழந்த அப்பாவி இந்திய குடிமகன்களுக்கும் அவர்களை காப்பாற்ற இன்னுயிரை தந்த காவல்துறை,ராணுவ வீரர்களின் உயிர்களுக்கும் இந்தியா தருகிற கவுரவம் தான் இது.

வாழ்க இந்தியா கடைசி இந்தியன் உயிரோடு இருக்கும் வரைக்கும்.

சென்ற முறை 2008 இல் இந்தியா-பாகிஸ்தான் விளையாட இருந்த தொடரை இந்திய உள்துறை அமைச்சகம் பாதுகாப்பு கருதி ரத்து செய்தது. அப்போது இந்தியாவிற்கு பதிலாக விளையாடிய இலங்கை அணி வீரர்கள் மீது தீவிரவாதிகள் தாக்குதல் நடத்தினர்.

அதுபோல் மீண்டும் நிகழாமல் இருக்க இத்தொடரையும் இந்திய அரசு ரத்து செய்ய வேண்டும்..

என்ன நடக்குதுன்னே புரியமாட்டுதே