அரை குறை ஆடையில் ஆட்டம் போட்ட பெண்களை அடித்து உதைத்த 20 இந்து அமைப்பினர் கைது.

eelamaran · eelamaran Sun Jul 29, 2012 8:05 pm

மங்களூர் புறநகர் பகுதியான படில் என்ற இடத்தில் தனியார் ரிசார்ட் ஓட்டல் உள்ளது. இங்குள்ள இரவு விடுதியில் நேற்று மது விருந்தும் நடன நிகழ்ச்சியும் நடந்தது.

இதில் பல இளம் பெண்களும் வாலிபர்களும் கலந்து கொண்டனர். மது போதையில் அவர்கள் அரை குறை ஆடையில் ஆட்டம்-பாட்டம் என கும்மாளம் போட்டனர்.

இதுபற்றி அறிந்ததும் இந்து அமைப்பைச் சேர்ந்த 50க்கும் மேற்பட்டவர்கள் அந்த ஓட்டலுக்குள் புகுந்தனர். அங்கு மது போதையில் அரை குறை ஆடையில் ஆட்டம் போட்ட இளம்பெண்களைப் பிடித்து அடித்து உதைத்தனர். சில பெண்கள் பயந்து போய் அலறியடித்தபடி அறைகளுக்குள் ஓடினார்கள். அவர்களை அந்த கும்பல் விடாமல் துரத்திச் சென்று தாக்கியது.

உடனே ஓட்டல் ஊழியர்களும், போலீசாரும் விரைந்து சென்று அந்த கும்பலிடம் இருந்து இளம் பெண்களை மீட்டனர். போலீசைப் பார்த்ததும் தாக்குதல்காரர்கள் தப்பி ஓடிவிட்டனர். அவர்களில் 4 பேரை போலீசார் பிடித்துக் கொண்டனர்.

அவர்களிடம் விசாரணை நடத்தியதில் தாக்குதலில் ஈடுபட்டது இந்து ஜகரன் வேதிகே அமைப்பைச் சேர்ந்தவர்கள் என்று தெரியவந்தது. தப்பி ஓடியவர்கள் விவரத்தையும் தெரிவித்தனர்.

இதையடுத்து போலீசார் இரவோடு இரவாக சென்று மேலும் 16 பேரை கைது செய்தனர். இந்த சம்பவம் கர்நாடகத்தில் பரபரப்பை ஏற்படுத்தியது. இதுபற்றி முதல்-மந்திரி ஜெகதீஷ் ஷெட்டர் விசாரணைக்கு உத்தரவிட்டுள்ளார். அவர் கூறியதாவது:-

மங்களூர் ஓட்டலில் நடந்த தாக்குதல் சம்பவம் பற்றி விசாரணை நடத்த உள்துறை மந்திரி அசோகாவுக்கு உத்தரவிட்டுள்ளேன். விசாரணை அறிக்கை கிடைத்ததும் மேல் நடவடிக்கை எடுக்கப்படும்.

இவ்வாறு அவர் கூறினார்.

இளம் பெண்கள் தாக்கப்பட்டதற்கு மாநில பெண்கள் நல கமிஷன் தலைவர் மனுளா கண்டனம் தெரிவித்துள்ளார். தாக்கு தலில் ஈடுபட்டவர்கள் மீது அரசு கடும் நடவடிக்கை எடுக்க வேண்டும் என்றார்.

கர்நாடக அரசு சட்டம் ஒழுங்கை காக்க தவறி விட்டதாக காங்கிரஸ் தலைவர் உக்ரப்பா குற்றம் சாட்டினார். இந்த தாக்குதலில் ஈடுபட்டது தங்கள் அமைப்பைச் சேர்ந்தவர்கள் அல்ல என்று இந்து ஜகரன் வேதிகே அமைப்பின் தலைவர் ஜெகதீஷ் கரந்த் மறுப்பு தெரிவித்துள்ளார்.

எங்கள் இயக்கத்தினர் இதுபோன்ற செயல்களில் ஈடுபட மாட்டார்கள் என்றும் கூறினார். 3 வருடங்களுக்கு முன்பு மங்களூரில் இதே போல் ஒரு ஓட்டலில் இரவு விருந்து நடந்த போது ஸ்ரீராம் சேனா அமைப்பினர் புகுந்து தாக்குதல் நடத்தினார்கள் என்பது குறிப்பிடத்தக்கது.

http://thaaitamil.com/%E0%AE%85%E0%AE%B0%E0%AF%88-%E0%AE%95%E0%AF%81%E0%AE%B1%E0%AF%88-%E0%AE%86%E0%AE%9F%E0%AF%88%E0%AE%AF%E0%AE%BF%E0%AE%B2%E0%AF%8D-%E0%AE%86%E0%AE%9F%E0%AF%8D%E0%AE%9F%E0%AE%AE%E0%AF%8D-%E0%AE%AA/

அரை குறை ஆடையில் ஆட்டம் போட்ட பெண்களை அடித்து உதைத்த 20 இந்து அமைப்பினர் கைது.

அரை குறை ஆடையில் ஆட்டம் போட்ட பெண்களை அடித்து உதைத்த 20 இந்து அமைப்பினர் கைது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக