இலங்கைக்கு எதிரான 4வது ஒருநாள் போட்டி

இலங்கைக்கு எதிரான 4வது ஒருநாள்: இன்று இந்தியா வெற்றி பெற்று ஒருநாள் தொடரை கைப்பற்றுமா?


கொழும்பு: இலங்கைக்கு சுற்றுப்பயணம் சென்றுள்ள இந்திய அணி, இன்று 4வது ஒருநாள் போட்டியில் பங்கேற்க உள்ளது. ஏற்கனவே 2-1 என்ற புள்ளி கணக்கில் முன்னிலை உள்ள இந்திய அணி இன்று வெற்றி பெற்று, தொடரை கைப்பற்றும் என்று இந்திய ரசிகர்கள் எதிர்பார்க்கின்றனர்.

இலங்கைக்கு சுற்றுப்பயணம் சென்றுள்ள இந்திய அணி, அந்நாட்டு அணியுடன் 5 போட்டிகள் கொண்ட ஒருநாள் தொடரில் பங்கேற்று வருகிறது. இதில் இதுவரை முடிந்துள்ள 3 ஒருநாள் போட்டிகளில், இந்தியா 2 போட்டிகளிலும், இலங்கை ஒரு போட்டியிலும் வெற்றி பெற்றுள்ளது.

இந்த நிலையில் இன்று இரு அணிகளுக்கு இடையிலான 4வது ஒருநாள் போட்டி கொழும்பு மைதானத்தில் நடைபெற உள்ளது. இன்றைய போட்டியில் வெற்றி பெற்றால் ஒருநாள் தொடரை கைப்பற்றலாம் என்பதால் இந்திய அணி சிறப்பான ஆட்டத்தை வெளிப்படுத்தம் என்று எதிர்பார்க்கப்படுகிறது.

இந்திய அணி:

இந்திய அணியி்ல் சிறந்த பேட்ஸ்மேன்கள் உள்ளனர். துவக்க வீரர்களான களமிறங்கும் ஷேவாக், கம்பிர் ஜோடி அணிக்கு சிறப்பான துவக்கத்தை அளிக்கிறது. கடந்த 3 போட்டிகளில் இருவரும் சிறப்பாக ஆடியுள்ளனர். அடுத்து வரும் சுரேஷ் ரெய்னா, டோணி ஆகியோரும் ரன் குவிப்பில் ஈடுபடுகின்றனர்.

ஆனால் மிடில் ஆடரில் வரும் ரோஹித் சர்மா மட்டும் தொடர்ந்து சொதப்பி வருகிறார். கடந்த 3 போட்டிகளில் அவர் 5,0,0 என்ற ஒற்றை இலக்க ரன்களில் வெளியேறி உள்ளார். எனவே பார்மில் இல்லாத அவருக்கு பதிலாக மனேஜ் திவாரிக்கு அணியில் வாய்ப்பு அளிக்கப்படலாம் என்று எதிர்பார்க்கப்படுகிறது.

பந்துவீச்சை பொறுத்த வரை துவக்கத்தில் சிறப்பாக பந்துவீசும் இந்திய வீரர்கள், கடைசிக் கட்டத்தில் ரன்களை கொடுக்கின்றனர். கடைசி கட்டத்தில் ரன்களை கொடுப்பதை கட்டுப்படுத்தினால், இந்தியாவின் வெற்றி எளிதாக அமையும். அஸ்வின், ராகுல் சர்மா ஆகியோர் சுழல்பந்துவீச்சில் அணிக்கு நம்பிக்கை அளிக்கின்றனர்.

இலங்கை அணி:

இலங்கை அணியை பொறுத்த வரை வீரர்களின் காயம் காரணமாக திணறி வருகிறது. ஏற்கனவே காயம் காரணமாக வேகப்பந்துவீச்சாளர் குலசேகரா தொடரில் இருந்து விலகி உள்ளார். இந்த நிலையில் வலுவான பேட்டிங் வரிசையை கொண்ட இலங்கை அணியில், சங்கக்காரா காயம் அடைந்துள்ளார். இதனால் இன்றைய போட்டியில் அவருக்கு பதிலாக சன்டிமால் விக்கெட் கீப்பிங் செய்ய உள்ளார்.மேலும் துவக்க வீரர்கள் தில்ஷன், தரங்கா சொற்ப ரன்களில் அவுட்டாகி வருகின்றனர். இதனால் கேப்டன் ஜெயவர்த்தனேயின் பொறுப்பு அதிகரிக்கிறது. வேகப்பந்துவீச்சில் மலிங்கா நம்பிக்கை அளிக்கிறார். வேகப்பந்து வீச்சாளர் உதனாவுக்கு பதிலாக நுவான் பிரதீப் இடம் பெறலாம் என்று எதிர்பார்க்கப்படுகிறது.

இந்தியாவுக்கு எதிரான ஒருநாள் தொடரை சமன் செய்யும் முயற்சியில் இன்று இலங்கை அணியினர் ஈடுபட உள்ளனர். ஆனால் நீண்ட இடைவெளிக்கு பிறகு வெளிநாட்டு மண்ணில் ஒருநாள் தொடரை கைப்பற்ற இந்தியாவுக்கு வாய்ப்பு கிடைத்துள்ளது. எனவே இன்று பொறுப்பாக ஆடி ஒருநாள் தொடரை இந்தியா கைப்பற்றும் என்று ரசிகர்கள் எதிர்பார்க்கின்றனர்.

இலங்கை மீண்டும் துடுப்பாட்டத்தை தொடங்குகிறது.

நீ...ண்ட போராட்டத்திற்கு பின் இந்தியா முதலாவது விக்கெட்டை கைபற்றியுள்ளது.

18.2 ஓவரின் முடிவில் இலங்கை ஒரு விக்கெட் இழப்பிற்கு 91 ரன்கள் எடுத்துள்ளது.

தில்சான் 42 ரன்னில் அவுட்

Sri Lanka 155/3 (32.0 ov)

Sri Lanka 155/4 (32.1 ov)

End of over 40 (6 runs) Sri Lanka 185/4 (RR: 4.62) AD Mathews 12* (30b 1x4) MK Tiwary 5-1-23-1
HDRL Thirimanne 36* (54b) RG Sharma 1-0-1-0

Mathews, OUT

இலங்கை 50 ஓவர் முடிவில் 8 விக்கெட்களை இழந்து 251 ரன்கள் எடுத்துள்ளது.


இந்திய வெற்றிபெற 252 ரன்கள் தேவை.


பொறுத்திருந்து பார்ப்போம்.

காம்பீர் ரன் எதுவும் எடுக்காமல் அவுட் ஆகி விட்டார்.

இந்தியா முதல் ஓவரில் ரன் எதுவும் எடுக்காமல் ஒரு விக்கெட்டை இழந்துள்ளது.

சேவாக் 29 பந்துகளில் 34 ரன்கள் எடுத்து அவுட் ஆகிவிட்டார்.

இந்தியா 9 .2 ஓவர் முடிவில் 2 விக்கெட்களை இழந்து 52 ரன்கள் எடுத்துள்ளது.