அம்மாவின் பழைய சேலை

**ரா.ரா3275** · **ரா.ரா3275** Tue Jul 31, 2012 7:58 pm

மெல்ல மெல்ல முயன்று
மீண்டும் எழுந்துவிட்டேன்
கையூன்றி நானே

உக்கிரமும் மூர்க்கமும்
ஒரே அடியில் வீழ்த்தும்
வியூகம்-உத்தி
மனசெங்கும் பொங்கிப் பிரவகித்து

பதுங்கிப் பதுங்கி
செத்துச் செத்து நிதம்
ரத்தமும் சித்தமும் ஒருசேர
நிமிர்ந்து எழுந்து

அர்ஜுனனின் குருவித்தலை மட்டுமே
கண்மணிச் சிறையில்

இம்முறைக் குருவியுடன் சேர்ந்து
பருந்தும் விழலாம்

உன் தாய்ப்பால் பலம் அப்படி

இருந்தும் அவ்வப்போது
மனம்-மூளை ரெண்டும்
உன் மடிவாசம் நாடியபடியே
சக்தி சேகரிக்க

உன் பழைய சேலை ஒன்றை
எனக்கு அனுப்பி வைப்பாயா அம்மா?

இரா.பகவதி · இரா.பகவதி Tue Jul 31, 2012 8:00 pm

அண்ணே அருமை , கொஞ்ச நாள் உங்க மழை பொழியாமல் ஈகரை வறண்டு கிடக்குது கொஞ்சம் செழிப்பேத்துங்க சூப்பருங்க

இந்த பதிவைத் துவங்கியவர் நன்றி கூறியுள்ளார் இரா.பகவதி

**ரா.ரா3275** · **ரா.ரா3275** Tue Jul 31, 2012 8:04 pm

இரா.பகவதி wrote:அண்ணே அருமை , கொஞ்ச நாள் உங்க மழை பொழியாமல் ஈகரை வறண்டு கிடக்குது கொஞ்சம் செழிப்பேத்துங்க

நன்றி பகவதி...அவ்வப்போதுதான் வர இயலுகிறது...கொஞ்சம் பணிச்சூழல் தடுக்கிறது...
வர முயல்கிறேன்...அன்புக்கு நன்றி தம்பி...

இரா.பகவதி · இரா.பகவதி Tue Jul 31, 2012 8:12 pm

ஓகே அண்ணா பணியை திறம்பட முடிக்க வாழ்த்துக்கள் அன்பு மலர்

யினியவன் · யினியவன் Tue Jul 31, 2012 8:25 pm

சூப்பர் ராரா.

பழைய சேலை என்ன - அம்மாவின் அனைத்துமே உங்களுக்குத்தான்.

வெற்றிகளை ஈட்டி வெற்றி மலர்களை அம்மாவுக்கு காணிக்கை ஆக்கும் நாட்கள் வெகு தொலைவில் இல்லை.

**Aathira** · **Aathira** Tue Jul 31, 2012 8:52 pm

அற்புதம் அற்புதம்...

எங்கிருந்தோ ஆசிகள்! ஆசிகள்! என்னும் தாய்மையின் (உங்கள் தாயின்) ஒலி உரக்கக் கேட்டுக்கொண்டே இருக்கின்றது.

//இம்முறைக் குருவியுடன் சேர்ந்து
பருந்தும் விழலாம்//

பூமிப்பந்தே உங்கள் காலடியில் விழும். கவிஞர் தமிழன்பன் கூறுவது போல நீ கொட்டி முழக்கினால் இந்த உலகமே செவிடு; நீ எட்டி உதைத்தால் இந்த உலகமே தவிடு; அது உன் பலம்; அசுரபலம்;

ஆமாம ரா.ரா. உங்கள் அசுர பலம் வெற்றியை ஒரே மூச்சில் எட்டிப் பிடிக்கும் பலம். கண்மணிச் சிறையின் அகப்பட்ட வெற்றியின் இலக்கு மிக மிக மிக அருகில். மிக மிக அருகில்; கைக்குள் எட்டிவிட்டது. கிட்டிவிட்டது. இனி பிடிப்பது மட்டுமே பாக்கி.

எனக்குள்ளும் (உனை {உங்களை} ஈன்றெடுக்காத போதும்) இந்தக் கவிதையைப் படிக்கும்போது தாய்மை வெள்ளம் கரையைக் கடக்கிறது. விழியோரம் நனைந்த ஈரத்தால் வாழ்த்துகிறேன்.

**சிவா** · **சிவா** Tue Jul 31, 2012 11:00 pm

அன்பு அகத்து இல்லா உயிர்வாழ்க்கை வன்பாற்கண்
வற்றல் மரம் தளிர்த்தற்று.

அன்புக்காக ஏங்காத உயிர்களே இவ்வுலகில் இல்லை எனலாம்! அதிலும் தாய்ப்பாசத்திற்கு நிகர் இவ்வுலகில் ஏதுமில்லை. (அனைத்துத் தாயும் இவ்வாறு பாசம் காட்டுவார் என்று கூறமுடியாது)

கவிதை அருமை ரா.ரா!