விஸ்வரூபம் எடுத்த ஆம் ஆத்மி கட்சி!

அரசியல் என்றாலே ஊழலும் சுயநலமும்தானா என்று வெறுத்துப்போன மக்களுக்கு, ஆறுதலாக 26 நவம்பர் 2012 மலர்ந்திருக்கிறது அரவிந்த் கெஜ்ரிவாலின் 'ஆம் ஆத்மி' கட்சி. 'சாமானிய மனிதனின் கட்சி' என்று பொருள் இதற்கு. மதம், மொழி, மாநிலக் கோரிக்கைகளின் அடிப்படையில் கட்சிகள் உருவாகும் நிலையில், ஒட்டு மொத்தத் தேசத்தின் கோரிக்கையான 'ஊழலை ஒழிக்க பிறந்த கட்சி'.

ஊழலை ஒழிக்க லோக்பால் மசோதா தேவை என்று அன்னா ஹசாரே உண்ணாவிரதத்தை தொடங்க முதன்முதலில் அன்னாவின் ஆதரவாளராக அறியப்பட்டார் அரவிந்த் கெஜ்ரிவால். தகவல் அறியும் உரிமைச் சட்டப் போராளியான அரவிந்த் கெஜ்ரிவால் பேச்சு மக்கள் மத்தியில் பெரும் வரவேற்பை பெற்றது. அதன்பின்  ஊழலை வேறோடு அகற்ற லோக்பால் மசோதாவை நிறைவேற்ற ஹசாரே உண்ணாவிரதம் இருக்க, இந்தியா முழுவதும் அவருக்கான ஆதரவு பெருகியது. ஒருக்கட்டத்தில் அடுத்தநிலைக்கு ஹாரேவால் அதை எடுத்த செல்ல முடியாத சூழ்நிலை வந்தபோது. அரவிந்த் கெஜ்ரிவாலுக்கும், அன்னாவுக்கும்  கருத்துவேறுபாடு ஏற்பட, ஹசாரேவிடம் பிரிந்து தனியாக கட்சி தொடங்கினார்.

அப்போது காங்கிரஸ் தலைவர்களே இதுபோல் கட்சிகள் உருவாவது ஆரோக்கியமான செய்திதான். ஜனநாயகத்திற்கு நல்லது என வரவேற்றார்கள். டெல்லியில் நடக்க இருக்கும் சட்டமன்ற தேர்தலில் 70 தொகுதிகளிலும் போட்டியிடப்போகிறோம் என்று அறிவித்த பின்பும், பா.ஜ.க.வும், காங்கிரஸும் அதனை பெரிய பொருட்டாக எடுத்துக்கொள்ளவில்லை. தற்போது இந்த தேர்தலில் வாக்குகளை ஆம் ஆத்மி கட்சி குவித்து வருவதை வைத்துதான் மக்கள் மனதில் இடம்பிடித்து விட்டார்கள் என்று அதிர்ந்து நிற்கிறது தேசிய கட்சிகள்.

இந்த தேர்தலில் வாக்களித்துவிட்டு வெளியே வந்த கெஜ்ரிவால், "இந்த தேர்தலில் எங்கள் கட்சிக்கு சாதகமான முடிவு கிடைக்கும் என நம்பிக்கை உள்ளது. நாங்கள் வெற்றி பெற்றால் அது எங்களுக்கானது அல்ல, டெல்லிவாசிகளுக்கானது. ஊழலில் ஈடுபட்டவர்களுக்கு இத் தேர்தலில் தோல்வி கிடைக்கும்" என்றார்.

அதேபோல் மூன்று முறை டெல்லி அரியணையின் முதல்வராக இருந்த ஷீலா தீட்சித்தை தோற்கடித்து அரவிந்த் கெஜ்ரிவால் வெற்றி பெற்று இருப்பது மாபெரும் வரலாறுதான்.

நா.சிபிச்சக்கரவர்த்தி

நல்லது செய்ய நினைக்கும் நபருக்கு மக்கள் கொடுத்த மாபெரும் வரவேற்பு.


வாழ்த்துக்கள், கெஜ்ரிவால் அவர்களே.

  வாழ்த்துக்கள் .....

நல்லது செய்தால் மகிழ்ச்சி தான்

இவர் ஆட்சி அமைக்க காங்கிரஸ் ஆதரவு அளிக்க முன்வந்தபோதும், அதை மறுத்து எதிர்கட்சியாகச் செயல்படத் தயார் என்று அறிவித்தாரே. அங்குதான் நிற்கிறார் கேஜ்ரிவால். தனது கொள்கையில் மிகத் தெளிவாக இருக்கிறார்.

இப்பிடி ஒரு அ(இ)டி காங்கிரஸுக்கு தேவைதான்!

congrats kegriwal ji!!!!!!!