பெருமை பெறலாம் பெருத்து !!!

**பிஜிராமன்** · **பிஜிராமன்** Tue 24 Jul 2012 - 15:55

உலகில் அனைத்து உயிரும் சமமே
கலகம் எதற்கு கடவுள் பெயரால்
தடைகள் வரணும் தவற்றை களைய
படைகள் இருக்கு பலம்தான் குறைவு
பலத்தை பெறநாம் பகைமை மறப்போம்
உலகே விழிக்கும் ஒருதினம் பார்த்து
மலரும் தரும்தன் மணத்தை வியந்து
அருமைக் கருவி அமைதியைக் காத்து
சரியாய் அமையும் தருணம் எழுந்தால்
பெருமை பெறலாம் பெருத்து

**நாகசுந்தரம்** · 27/12/2011

திரு. இராமன் அவர்களின் இப்பதிவு மிகச்சிறந்ததாக உள்ளது. அதை வியந்து ...

துக்கம் தன்னை தூசாய் துடைத்து
பக்கம் தன்னில் பலமாய் நின்று
அக்கம் பக்கம் அனைவரும் ஒன்றாய்
தக்கார் நிலையில் தலைமை அமைந்து
ஊக்கம் பெறவே உண்மையாய் உழைப்போம்
அனைவரும் இங்கே அமைப்பில் சமமே
மனையினில் மாட்சி மலர்ந்திட நினைத்து
அழகாய் கவிதை அமைத்திட்ட இராமன்
பழகும் விதத்தை போற்றியே தினமும்
ஈகரை ஈன்றேன் எழுத்து.

இந்த பதிவைத் துவங்கியவர் நன்றி கூறியுள்ளார் நாகசுந்தரம்

**பிஜிராமன்** · **பிஜிராமன்** Tue 24 Jul 2012 - 19:45

நாகசுந்தரம் wrote:திரு. இராமன் அவர்களின் இப்பதிவு மிகச்சிறந்ததாக உள்ளது. அதை வியந்து ...

துக்கம் தன்னை தூசாய் துடைத்து
பக்கம் தன்னில் பலமாய் நின்று
அக்கம் பக்கம் அனைவரும் ஒன்றாய்
தக்கார் நிலையில் தலைமை அமைந்து
ஊக்கம் பெறவே உண்மையாய் உழைப்போம்
அனைவரும் இங்கே அமைப்பில் சமமே
மனையினில் மாட்சி மலர்ந்திட நினைத்து
அழகாய் கவிதை அமைத்திட்ட இராமன்
பழகும் விதத்தை போற்றியே தினமும்
ஈகரை ஈன்றேன் எழுத்து.

நான் இயற்றிய கவி தங்களை அழகான கவி படைக்க தூண்டியதை எண்ணி மிக்க மகிழ்கிறேன் அண்ணா......

எழுத்தை எழுத்தால் எழுதி புகழ்ந்த
எழுத்தே உமக்கென் எழுத்தும் உளமும்
எழுந்து வணங்கும் மகிழ்ந்து

நன்றிகள் நாக சுந்தரம் அண்ணா..... மகிழ்ச்சி

**Dr.சுந்தரராஜ் தயாளன்** · 03/09/2011

நல்ல கவிதை தந்த தம்பி இராமனுக்கு என் பாராட்டுகள். அவ்வாறே நல்ல பின்னுட்ட கவிதை படைத்த நாக சுந்தரம் அவர்களுக்கும் என் பாராட்டு. நன்றாக மரபுப்பா பயிலரங்கத்தில் பயிற்சி என்பது நன்றாகத் தெரிகிறது. வாழ்த்துகள் நாக சுந்திரம் . தொடருங்கள் மகிழ்ச்சி

**பிஜிராமன்** · **பிஜிராமன்** Tue 24 Jul 2012 - 21:59

Dr.சுந்தரராஜ் தயாளன் wrote:நல்ல கவிதை தந்த தம்பி இராமனுக்கு என் பாராட்டுகள். அவ்வாறே நல்ல பின்னுட்ட கவிதை படைத்த நாக சுந்தரம் அவர்களுக்கும் என் பாராட்டு. நன்றாக மரபுப்பா பயிலரங்கத்தில் பயிற்சி என்பது நன்றாகத் தெரிகிறது. வாழ்த்துகள் நாக சுந்திரம் . தொடருங்கள்

மிக்க நன்றிகள் ஐயா....முக நூலில் ஒரு தோழி அவர்கள் ஊரில், மதக்கலவரத்தால் ஊரடங்கு உத்தரவு பிரபித்துள்ளார்கள் என்று கூறினார்கள். அதனால் விளைந்த கவி ஐயா இது....

நன்றிகள் ஐயா... மகிழ்ச்சி