மனைவிகளின் அன்புத் தொல்லை கணவரின் உயிருக்கு உலை வைத்தது

**சிவா** · **சிவா** Fri 27 Jul 2012 - 13:58

நைஜீரியா நாட்டில் அன்புத் தொல்லையால் ஒரு விபரீத சம்பவம் அரங்கேறியது. அந்த நாட்டில் உள்ள ஒபாடுபோ என்ற ஊரில் யுரோகோ ஒநோஜா என்ற தொழிலதிபர் வசித்தார். அவருக்கு 6 மனைவிகள் இருக்கிறார்கள். அனைவரும் ஒரே வீட்டிலேயே வசித்தனர். சமீபத்தில் திருமணம் செய்து கொண்ட 6-வது மனைவியுடனேயே அவர் இரவு நேரம் முழுவதையும் பகிர்ந்து கொண்டார். மற்ற மனைவிகளை தவிர்த்தார். இது மூத்த 5 மனைவிகளுக்கும் பொறாமையையும், கோபத்தையும் ஏற்படுத்தியது. இதனால் 5 பேரும் கூடி பேசி, இந்த பிரச்சினையை கணவரிடம் எடுத்து கூறுவது என்றும், அவர் மறுத்தால் கத்தி முனையில் மிரட்டி அவரை பணிய வைப்பது எனவும் முடிவெடுத்தனர்.

இதற்கு அடுத்த சில தினங்களில் அவர் தனது 6-வது மனைவியுடன் மதுபான விடுதிக்கு சென்று விட்டு அதிகாலையில் வீடு திரும்பினார். பிறகு இருவரும் தங்கள் படுக்கை அறைக்கு சென்றனர். இதை கண்டு ஆத்திரம் மூண்ட 5 மனைவிகளும் ஒன்று சேர்ந்து படுக்கை அறை கதவை உடைத்து உள்ளே புகுந்தனர். தங்களுடன் உறவு கொள்ளும்படி கட்டாயப்படுத்தினர். கத்தி முனையில் மிரட்டியதை அடுத்து அவர் 4 பேரை திருப்திபடுத்தினார். அடுத்து 5-வது மனைவியுடன் இருக்கும் போது அவர் மயங்கி விழுந்து படுக்கையிலேயே உயிர் இழந்தார்.

இச்சம்பவம் பற்றி 6-வது மனைவி கூறுகையில், `கணவர் இறந்ததை அறிந்ததும் 5 பேரும் தப்பி காட்டிற்குள் ஓடி விட்டனர். இவர்கள் மீது உரிய நடவடிக்கை எடுக்க வேண்டும்' என கூறினார். இது தொடர்பாக 2 மனைவிகளை பிடித்து போலீசில் ஒப்படைத்து விட்டதாகவும், மற்ற 3 பேரை தேடி வருவதாகவும் கிராம தலைவர் கூறுகிறார்.

தினத்தந்தி