அழிவுற்ற தமிழர்களின் தலைநகரங்கள்!

by malik Thu Jul 26, 2012 11:25 am

அழிவுற்ற தமிழர்களின் தலைநகரங்கள்!

ஈழத்தமிழரும்(நாகர்), இயக்கரும் இன்றைய இலங்கையை ஆண்டு வரும் வேளையில், மற்றைய தமிழ் இராச்சியங்கள் பெரும் புகழோடும், கப்பல்கள், பெரும் துறைமுகங்கள்(பூம்புகார்) என்று வாழ்ந்து வந்தார்கள். அந்த வேளையிலே தான் சுமார் 5500 ஆண்டுகள் முன் அளவில் மகாபாரத யுத்தம் நடந்ததாக நம்பப் படுகின்றது. இது துவாபர யுகத்தின் முடிவும் கலியுகத்தின் ஆரம்பமும் ஆகும்.
இக்கால கட்டத்தில் உலகில் பெரும் அழிவுகள் நடைபெற்றது. போர் மூலம் மட்டும் அல்லாது வேறும் பல வழிகளில், அதாவது இவ்யுத்தம் முடிந்த பின்பு கடல் அனர்த்தம் ஏற்பட்டு உலகில் இருந்த பெரும் வளர்ச்சி கண்ட பட்டினங்கள் யாவற்றையும் கடலில் இழுத்துக் கொண்டது. இவ் வேளையிலே துவாரக மாநகரமும் கடலில் மூழ்கியது என்பதை நாம் அறிவோம். தமிழர்களின் அரும் செல்வங்களான மாமதுரை, பூம்புகார், யாழ்ப்பாணத்தின் ஒரு பகுதி கூடஇவ்வாறு கடலுக்குள் இழுத்துச்செல்லப்பட்டது. அதன் பின் எஞ்சிய மக்கள் காடுகளாய் இருந்த நிலங்களைவெட்டி இன்றைய நகரங்களை அமைத்தனர். இதிலே தமிழரின் பெரும் கண்டுபிடிப்புக்கள், அரிய நூல்கள் என்று இன்னும் எவ்வளவோ சொத்துக்கள் அழிவுற்றன.

பல சதுர் யுகங்களிற்கு முன்பு இன்றைய இந்தியா முன்னாள் ஒரு தீவாக இருந்தது. அதாவது இந்த உலகத்தின் தனி ஒரு நிலக்கண்டம் பல ஓடுகள் கொண்டதாய் இருந்தவை . அந்த ஓடுகள் விலகி நகரத் தொடங்கவே இந்தியா, இலங்கை, போன்ற இத்தகைய நாடுகள் ஒரு கண்டமாகவும், மற்றைய கண்டங்கள் தனித்தனியாகவும் பிரிந்து சென்றன. இவ்வாறு பிரிந்து சென்ற கண்டங்களில்(ஓடுகள்) ஒன்றான ஆசிய நாட்டு ஓட்டுடன், இந்தியநாட்டு ஓடு மோதியது. அந்த மோதலில் இரு நிலங்களும் குவிந்து இமயம் உருவாகியது, அது உலகில் உயரமாகவும் மாறியது. இங்கே நான் குறிப்பிட்டது விஞ்ஞானரீதியானது.

ஏன் நான் இச் சம்பவத்தை குறிப்பிட்டேன் என்றால் இந்த இந்திய தீவே பல சதுர் யுகங்களின் முன் குமரிக்கண்டமாக விளங்கியது என்பதை குறித்துக்காட்டுவதற்கு. இன்னொரு கண்டம் இருந்ததாக புராணங்களிலோ அல்லது விஞ்ஞானரீதியாகவோ இல்லை. ஆகவே தீவாக இருந்த இந்திய நாட்டையே குமரிக்கண்டம் என்று அழைத்து இருக்கலாம் தவிர இன்றைய தமிழ் எழுத்தாளர்கள் பலர் கூறுவது போல் இன்னொரு கண்டம் இருந்திருக்க சந்தர்ப்பம் இல்லை.

அடுத்த காரணம் காவேரி, வைகை போன்ற ஆறுகள் முக்கிய நகரங்களின் வழியாகவே கடலில் கலந்தது. இன்றைய தமிழ் ஆய்வாலர்கள் சொல்லுகின்ற வரைபடத்தில், இவ்வாறு அங்கே அவ் ஆறுகள் ஓடுவதாக காட்டப்பட்டாலும் இன்றைய இந்திய நிலப்பரப்பில் ஓடுகின்ற இவ்விரு ஆறுகளும் எவ்வாறு பண்டைய தமிழ் நூல்களிலும், புராணங்களிலும் சொல்வது போன்று அதே இடத்திலிருந்திருக்க முடியும்? தமிழ் ஆய்வாலர்கள் சொல்லும் குமரிக்கண்டம் கடலில் மூழ்கியிருந்தால் எவ்வாறு ஆறுகள் இங்கிருக்க முடியும்? ஆகவே விஞ்ஞானம், தமிழ் நூல்கள், புராணங்கள் ,நிலப்பரப்பு ,ஆறுகள் மற்றும் பழைய நகரத்தின் எச்சங்கள் என்று பார்ப்போமானால் இன்றைய இந்திய நாடே பழைய குமரிக்கண்டம் ஆகும்!

இராமேஸ்வரம் தொடக்கம் கோடிக்கரை(கோடியாக்கரை) வரை உள்ள நிலப்பரப்பு கடலால் அரிக்கப்பட்டு உள்வாங்கப்பட்டடிருக்கும். அங்கே தான் வைகை ஆறும் கடலில் வந்து கலக்கின்றது. அவ்வாறு அரிக்கப்பட்ட பகுதியே தமிழரின் பழம்பெரும் நகராகிய மதுரை ஆகும். அத்துடன் கடலில் மூழ்கிய நகரங்களின் பெயர்கள் இன்று அதே கரையோர கிராமங்களின் பெயர்களாக இருக்கின்றது(தமிழ் நாட்டு வரை படத்தை உற்றுப் பார்த்தால் கடலால் அரித்து செல்லப்பட்ட நிலம் இருந்த இடம் தெரியும்).

காவேரி ஆறு கடலில் கடக்கும் இடமே தமிழரின் மாபெரும் தலைநகர் பூம்புகார் இருந்து கடலில் மூழ்கிய இடமாகும். இவ்வாறு கடலுக்குள் இழுக்கப்பட்ட நகரங்களில் மகாபலிபுரமும்(மாமல்லபுரம்) ஒன்று. காவேரி பாய்ந்து வரும் பகுதியிலுள்ள பிரமாபுரம்(சீர்காழி) ஆலயம் பல சதுர் யுகங்களின் முன்தோன்றிய வரலாறு உடையது. இன்றும் அவ் ஆலயம் அங்கேயே உள்ளது. அவ்விடம் கடல் நீர் சென்று திரும்பியதாக தோணியப்பர் ஆலய வரலாறு கூறுகின்றது. இவ்வாறே துவாபர யுகத்தின் முடிவில் அழிவுகள் ஏற்பட்டன. வரலாற்று தேடல் தொடரும்.....

நன்றி : தமிழ் (இந்த உலகின் பழமையான மொழி தமிழ் )

நன்றி : muganool

by சார்லஸ் mc Thu Jul 26, 2012 11:35 am

இதெல்லாம் நீதிமானாகிய நோவா காலத்தில் ஏற்பட்ட ஜலப்பிரளயத்தினால் வந்த மாற்றங்கள் மாலிக். அழிவுற்ற தமிழர்களின் தலைநகரங்கள்! 154550

இங்கு சொல்லப்பட்டிருக்கும் செய்தி குறித்து எதுவும் மாற்றுக்கருத்து இல்லை. நிலஆய்வு குறித்த செய்திகளும் இதை உறுதி செய்கின்றன. (The theory of Continental Drift மற்றும் Theory of Plate Tectonics). ஆனால் இங்கு எதற்காக, விஜயநகர பேரரசின் தலைநகராக விளங்கிய ஹம்பியில் உள்ள கல்லினால் ஆன தேருடைய படத்தை பதிவு செய்துள்ளீர்கள்?

by Pakee Thu Jul 26, 2012 9:07 pm

பகிர்வுக்கு நன்றி சூப்பருங்க

by malik Fri Jul 27, 2012 8:41 am

சார்லஸ் mc wrote:இதெல்லாம் நீதிமானாகிய நோவா காலத்தில் ஏற்பட்ட ஜலப்பிரளயத்தினால் வந்த மாற்றங்கள் மாலிக்.

நன்றி சார்லஸ்..!!

by malik Fri Jul 27, 2012 8:43 am

Pakee wrote:பகிர்வுக்கு நன்றி

நன்றி Pakee..!!

by malik Fri Jul 27, 2012 9:15 am

Dr.சுந்தரராஜ் தயாளன் wrote:இங்கு சொல்லப்பட்டிருக்கும் செய்தி குறித்து எதுவும் மாற்றுக்கருத்து இல்லை. நிலஆய்வு குறித்த செய்திகளும் இதை உறுதி செய்கின்றன. (The theory of Continental Drift மற்றும் Theory of Plate Tectonics). ஆனால் இங்கு எதற்காக, விஜயநகர பேரரசின் தலைநகராக விளங்கிய ஹம்பியில் உள்ள கல்லினால் ஆன தேருடைய படத்தை பதிவு செய்துள்ளீர்கள்?

தகவல்களுக்கு நன்றி ஐயா..!

இந்த படம் முகநூலில் இருந்தது அதனால் அதை அப்படியே பதிவு செய்து விட்டேன்..!!

by விநாயகாசெந்தில் Fri Jul 27, 2012 2:43 pm

Dr.சுந்தரராஜ் தயாளன் wrote:இங்கு சொல்லப்பட்டிருக்கும் செய்தி குறித்து எதுவும் மாற்றுக்கருத்து இல்லை. நிலஆய்வு குறித்த செய்திகளும் இதை உறுதி செய்கின்றன. (The theory of Continental Drift மற்றும் Theory of Plate Tectonics). ஆனால் இங்கு எதற்காக, விஜயநகர பேரரசின் தலைநகராக விளங்கிய ஹம்பியில் உள்ள கல்லினால் ஆன தேருடைய படத்தை பதிவு செய்துள்ளீர்கள்?