ரூ.1.50க்கு தோசை விற்பனை செய்து வரும் முதியவர்

விநாயகாசெந்தில் · 09/05/2012

ஆழ்வார்குறிச்சி, ஏ.பி.நாடானூரில் முதியவர் ரூ.1.50க்கு தோசை விற்று
வருகிறார்.நெல்லை மாவட்டம் கடையம் யூனியனில் பாப்பான்குளம் அருகே
ஏ.பி.நாடானூர் கிராமம் உள்ளது. இந்த கிராமத்தின் வழியாக வள்ளியம்மாள்புரம்
செல்லும் சாலை உள்ளது. இந்த மெயின்ரோட்டில் 80 வயது முதியவர் ஒருவர்
குறைந்த விலையில் தோசை விற்பனை செய்து வருகிறார்.

ஏ.பி.நாடானூர்
மெயின்ரோட்டில் பால்துரை (80) என்பவர் காலை 5 மணிக்கு தனது கடையில் தோசை
தயாரிக்கும் பணியில் ஈடுபடுகிறார். கடந்த 30 நாட்கள் வரை 1 ரூபாய்க்கு தோசை
விற்பனை செய்துள்ளார்.வாடிக்கையாளர்களின் வற்புறுத்தல் காரணமாக தற்போது
ஒரு தோசை ரூ.1.50க்கு விற்பனை செய்து வருகிறார். சுமார் காலை 5 மணியில்
இருந்து இரவு 9.30 மணி வரை விற்பனை நடக்கிறது. ஏராளமான வாடிக்கையாளர்கள்
தினமும் காலையில் குவிகின்றனர்.

ஒரு டீ கூட 6 ரூபாய்க்கு விற்பனை செய்யும்
நிலையில் நீங்கள் தோசையை ரூ.1.50க்கு விற்பனை செய்கிறீர்களே என்று
கேட்டபோது அவர் கூறியதாவது:எனக்கு தற்போது 80 வயது ஆகிறது. எனக்கு மூன்று பெண் குழந்தைகளும், 2 ஆண்
குழந்தைகளும் உள்ளனர். கடந்த 45 ஆண்டுகளாக நான் தோசைக்கடை வைத்துள்ளேன்.
கடந்த 30 நாட்களுக்கு முன்பு வரை ஒரு ரூபாய்க்கு தான் தோசை விற்பனை
செய்தேன். முதுமையின் காரணமாகவும், விலைவாசி ஏற்றத்தாலும், எனது
வாடிக்கையாளர்களின் வற்புறுத்தலாலும் ரூ.1.50க்கு விலை ஏற்றியுள்ளேன்.
மூன்று தோசை சாப்பிட்டாலே போதுமானதாகும். ரூ.4.50ல் காலை டிபனை முடித்து
விடுகின்றனர்.எனது கடைக்கு வரும் வாடிக்கையாளர்களுக்கு திருப்தியளிக்கும் வகையில்
சாம்பார், சட்னி, மிளகுபொடி வைத்து தோசை சப்ளை செய்கிறேன். எனது மனைவி
கோகிலா (70) எனக்கு கடையில் ஒத்துழைப்பு கொடுத்து வருகிறார். நான் தெம்பாக
இருக்கும் வரை உழைப்பேன். எனது குழந்தைகளிடம் இதுவரை நான் எதையும்
எதிர்பார்த்ததில்லை. எனது மூன்று மகள்களையும் இந்த தோசைக்கடையின் மூலம்
வந்த வருமானத்தின் மூலமாகவே திருமணம் செய்து கொடுத்துவிட்டேன். ஆனால்
எனக்கு தமிழக அரசிடம் இருந்து முதியவருக்கு கிடைக்கும் பென்ஷன்
கிடைக்கவில்லை என்பது தான் மிகவும் வருத்தமான விஷயம் என்று வேதனையுடன்
கூறினார்.

காலை நேரத்தில் கிராமப்புறங்களில் இருசக்கர வாகனம் மற்றும் சைக்கிள்களில்
வரும் வியாபாரிகள் இவரது கடையில் அமர்ந்து தோசை சாப்பிடுவது வழக்கமாக
உள்ளது. 10 ரூபாய் இருந்தால் போதும் மதியத்திற்கு பார்சலும் வாங்கி
செல்லும் சைக்கிள் வியாபாரிகளும் உள்ளனர். மேலும் இவர் கடந்த சில ஆண்டுகளாக
ரூ.10க்குசாப்பாடு அளித்துள்ளார்.மேலும் இலையில் மட்டுமே பார்சல்
கட்டிக் கொடுக்கும் பழக்கத்தை கடைபிடித்து வருகிறார். பாலிதீன் பைகளை
பயன்படுத்தமாட்டேன் என்று கூறுகிறார். —நன்றி facebook நண்பர்கள்

நவீன் · நவீன் Mon Jul 23, 2012 4:50 pm

மகா பிரபு · மகா பிரபு Mon Jul 23, 2012 5:04 pm

முரளிராஜா · முரளிராஜா Mon Jul 23, 2012 5:19 pm

நல்லவிசயம்தான் இவருக்கு எப்படி கட்டுபடியாகும்னு தெரியலையே

விநாயகாசெந்தில் · 09/05/2012

முரளிராஜா wrote:நல்லவிசயம்தான் இவருக்கு எப்படி கட்டுபடியாகும்னு தெரியலையே

ஒருதோசைக்கு ஒரு ரூபாய்தான் செலவு ஆகும் அண்ணா.

**கேசவன்** · **கேசவன்** Mon Jul 23, 2012 6:30 pm

**Dr.சுந்தரராஜ் தயாளன்** · 03/09/2011

சாதாரணமாக ஒரு தோசை தயாரிக்க ஒரு ரூபாய்தான் செலவாகும். ரேசனில் கிடைக்கும் அரிசியை உபயோகிக்கலாம். அதேபோல் ஒரு கிலோ அரிசியும் கொஞ்சம் உளுந்தும் போட்டு ஆடினால் கிட்டத்தட்ட முப்பது இட்டிலிகள் தாராளமாக சுடமுடியும். அதோடு, சட்டினி சாம்பாருக்கு ஆகும் செலவு, விறகு அல்லது கெரோசின் அல்லது காஸ் ஆகியவற்றிக்கு ஆக்கும் செலவு எல்லாம் செர்த்தினாலும் கூட , மலிவு விலையில் இட்டலி தோசை விற்பனை செய்ய முடியும். தமிழ் நாட்டில் மிகப்பெரும் கொள்ளை அடிக்கிறார்கள் என்பது கண்கூடு. ஏமாற்றுவது, கொள்ளை அடிப்பது, காலைவாரி விடுவது இதெல்லாம் தமிழனுக்கு கைவந்த கலையாகி விட்டதே இன்று சோகம்

அந்த முதியவரை பாராட்டத்தான் வேண்டும். மகிழ்ச்சி

பத்மநாபன் · பத்மநாபன் Tue Jul 24, 2012 9:15 am

சென்னை உயர்தர உணவகங்களில் தோசை : ரூபாய் 35 லிருந்து ரூபாய் 50 வரை விற்கப்படுகிறது. (இது சாதா தோசைகளுக்கு மட்டும், non A/c)

சரவணபவன், வஸந்தபவன், ஆனந்தபவன், பாலாஜி பவன், ஹாட்சிப்ஸ், முருகன் இட்லிக்கடை, ரத்னா கபே போன்றவை.

Guest · Guest Tue Jul 24, 2012 10:43 am

நல்லவர்கள் மறைந்து விடவில்லை

**ராஜா** · **ராஜா** Tue Jul 24, 2012 11:11 am

புரட்சி wrote: நல்லவர்கள் மறைந்து விடவில்லை

Sponsored content · Sponsored content

ரூ.1.50க்கு தோசை விற்பனை செய்து வரும் முதியவர்

ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

Re: ரூ.1.50க்கு தோசை விற்பனை செய்து வரும் முதியவர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக