உன் துயரங்கள் வேண்டும்...

by **rameshnaga** Tue Jul 24, 2012 4:01 pm

First topic message reminder :

ஏய்!
பச்சைக் கிளி...
பட்டுக் கிளி...

உன்னை நான்
பார்த்துக் கொண்டே இருக்கிறேன்.

உனது சிறகுகள் நறுக்கப்படுவதை;
உன்னைக் கூண்டுக்குள் அடைப்பதை;
ஒற்றைத் திணைக்கு நீ அல்லாடுவதை;

எல்லாவற்றையும் நான்
பார்த்துக் கொண்டே இருக்கிறேன்.

கருகித் தீய்ந்த கனவுகளென...
உன் கண்களுக்குள் உருளும்...
கருமணிகளின்...
துயரங்களைப் பார்த்துக் கொண்டேதான்
இருக்கிறேன்.

உனது விடுதலைக்கு முயற்சிப்பேன்...
என நம்பிவிடாதே!

உன்னைப் பற்றிக் கசிந்துருகி...
கவிதைகள் எழுத...
எனக்கு உன் துயரங்கள் வேண்டும்.

அதனால்தான்-
உன்னைப் பார்த்துக் கொண்டே இருக்கிறேன்!
இமைக்காமல்...
வெகு உன்னிப்பாக.