கடி சிரிப்பு !!! - 1

by ஆரூரன் Mon Jul 23, 2012 12:17 pm

ஆசிரியர் மாணவனை நோக்கி பிரம்பை நீட்டிவாறு: இந்தப் பிரம்பின் நுனியில் ஒரு முட்டாள் நிற்கிறான்...
மாணவன்: எந்த நுனியில் சார்?

ஒருவர்: பழைய தர்மாமீட்டர் ஒண்ணு இருந்தா கொடுங்க டாக்டர்...
டாக்டர்: எதுக்கு?
ஒருவர்: காது குடையத்தான்...

தபால்காரர்: ஏம்பா, இவ்வளவு தூரத்தில் வந்து குடி இருக்கே? உனக்குக் கடிதம் கொண்டு வருவதற்குள் போதும் போதுமென்றாகி விடுகிறது!
வீட்டுக்காரர்: ஏன், கஷ்டப்பட்டுக் கொண்டு வர்றீங்க? பேசால தபால் பெட்டியில போடுவதுதானே..!

ஒருவர்: நம்ம கட்சி வேட்பாளர், அந்த வீட்டு முன்னாடி நின்று ரொம்ப நேரமா வாக்கு சேகரிக்கிறாரே, ஏன்?
மற்றவர்: அந்த வீடு ஓட்டு வீடாச்சே!

பயணி: இந்த பஸ் ஓடுமா?
நடத்துனர்: ஓடுமே... ஏன் கேட்கறீங்க?
பயணி: இல்லே... ஓடுற பஸ்ஸில ஏறாதீர்கள்ன்னு போட்டிருக்கே, அதனால கேட்டேன்!

ராமு: நான் பெரியவனாகி இஞ்சினியர் ஆகப் போறேன்... நீ..?
சோமு: நான் சுக்குனியர் ஆகப் போகிறேன்...

(சிறுவர் மணியில் எடுத்தது)