வடக்கில் சிங்களக் குடியேற்றத்துக்கு அரசு திட்டமிடுகிறது – சுரேஸ் பிரேமச்சந்திரன்

by nandhtiha Thu Oct 08, 2009 2:51 pm

http://www.meenagam.org/?p=12798
வடக்கில் சிங்களக் குடியேற்றத்துக்கு அரசு திட்டமிடுகிறது – சுரேஸ் பிரேமச்சந்திரன்

எழுதியவர்வன்னியன் on October 8, 2009
பிரிவு: செய்திகள்

வடக்கில் சிங்களக் குடியேற்றத்துக்கு அரசு திட்டமிடுகிறது – சுரேஸ் பிரேமச்சந்திரன் Suresh_premachandran

வடமாகாண
கிளிநொச்சி, முல்லைத்தீவு, யாழ்ப்பாண மாவட்டங்களில் பௌத்த சிங்களவர்களைக்
குடியேற்ற அரசு திட்டமிட்டு வருவதாக த.தே.கூ யாழ் மாவட்ட நா.உ சுரேஸ்
பிரேமச்சந்திரன் குற்றம் சாட்டியுள்ளார்.

கடந்த திங்கட்கிழமை அவரது யாழ்ப்பாண
அலுவலகத்தில் நடந்த பத்திரிகையாளர் கூடத்தின்போதே இதை அவர் தெரிவித்தார்.
மேலும் அரசு வன்னியில் நடந்த பெரும் மக்கள் பேரழிவுகள் சர்வதேசத்தின்
கண்களில் படக்கூடாது என்பதால் அங்குள்ள கண்ணிவெடிகளை அகற்றும் பணிகளில்
சர்வதேச நாடுகளின் உதவிகளைப் பெறவில்லை என்றும், தற்போது 40,000 மக்கள்
வரை தாம் மீளக்குடியமர்த்தியுள்ளதாக கூறப்படுகின்றபோதும், அவர்களில் 95
வீதமான மக்களும் அவர்களின் சொந்த நிலங்களில் ராணுவத்தின்
முழுக்கட்டுப்பாட்டிலுள்ள இடைத்தங்கல் முகாம்களிலேயே தொடர்ந்து
தங்கவைக்கப்பட்டுள்ளதாகக் கூறினார்.

வடக்கு தமிழர்களின் பூர்வீக குடியுரிமையை
மாற்றி பௌத்த சிங்கள இனத்தவரைக் குடியேற்றுவதற்காக அரசு பாடுபட்டு வருவதாக
தமக்கு உறுதியான் அதகவல்கள் கிடைத்துள்ளதாகக் கூறியுள்ள சுரேஸ்
பிரேமச்சந்திரன், கிளிநொச்சி மாவட்டத்தில் 150 ஏக்கர் பரப்பளவில்
அமைக்கப்பட்டுள்ள ராணுவ முகாமை அண்டிய பகுதிகளில் இந்த குடியேற்றங்கள்
இடம்பெற உள்ளதாகவும், அங்கு பௌத்த விகாரை ஒன்றும் கட்டப்பட்டு
வருவதாகவும், பல சிறிய விகாரைகள் ஏ 9 சாலை மருங்கில் கட்டப்படுவதாகவும்
குற்றம் சாட்டியுள்ளார்.

இதேவேளை வவுனியா, மன்னார் மாவட்டங்களில்
31 கிராமங்களில் நிலக்கண்ணிவெடிகள் அகற்றப்பட்டு வருவதாகவும்,
சர்வதேசத்தின் உதவிகளைப் பெறும் நோக்கத்துக்காக இந்த கிராமங்களில் மக்கள்
மீளக்குடியமர்த்தப்படலாம் என்றும் கூறினார்.