விதிப்படி தான் எல்லாம் என்றால் முயற்சிக்கு பலன் என்ன?

by ராஜ்.ரமேஷ் Sat Jul 21, 2012 12:03 pm

விதிப்படி தான் எல்லாம் என்றால் முயற்சிக்கு பலன் என்ன?

விதி என்பது என்ன?
முற்பிறவியில் நாம் செய்த பாவ புண்ணியங்களுக்குத் தகுந்தவாறு இப்பிறவியில் நாம் அனுபவித்துக் கொண்டிருக்கும் சுக துக்கங்கள் தான்.

நமக்கு நிகழும் விளைவுகளுக்கு முழு காரணம் விதி தான் அதாவது நம் முற்ஜென்ம பாவ புண்ணியங்கள் தான். அப்படி இருக்குமேயானால் இப்பிறவியின் முயற்சிகளுக்கு என்ன பயன்?

முயற்சி என்றால் என்ன?
ஒரு இலக்கை நோக்கிய தொடர் பயணம்.

முயற்சியன் பலன் என்றால் என்ன?
நாம் நினைத்த இலக்கை அடைவது.

விதி என்பது நிர்ணயிக்கப்பட்ட ஒன்று. அதன் சட்டதிட்டங்களுக்கு உட்பட்டுத்தான் உங்கள் முயற்சியின் பலன்கள் கிடைக்கும்.

உதாரணமாக நீங்கள் கீழே விழுக வேண்டியிருந்தால் அதை மாற்ற முடியாது. ஆனால் நீங்கள் எங்கிருந்து விழுகிறீர்கள் என்பதை உங்கள் முயற்சி தான் நிர்ணயிக்கிறது. நீங்கள் உயரே போக வேண்டும் என்றாலும் அதையும் மாற்ற யாராலும் முடியாது ஏன் உங்களால் கூட முடியாது. ஆனால் அதன் உயரத்தை உங்கள் முயற்சி தான் நிர்ணயிக்கிறது.

ஜோதிடத்தில் கடல்கடந்து போகும் யோகம் உண்டு என்றால் நிச்சயமாக நீங்கள் கடலைக் கடந்து போகத்தான் போகிறீர்கள். ஆனால் அந்த இடம் இராமேஸ்வரமாகவும் இருக்கலாம். அந்தமானாகவும் இருக்க்லாம் அந்நிய தேசமாகவும் இருக்கலாம். இடத்தை தீர்மாணிப்பது உங்கள் முயற்சி தான்.

அப்படி என்றால் முயற்சி விதிக்கு அப்பாற் பட்டதா?

இல்லை. முயற்சி என்றால் என்ன? ஒரு இலக்கை நோக்கிய தொடர் பயணம். இலக்கு என்பது நாம் நிர்ணயம் செய்வது. ஒரு சிலருக்கு பணம் இலக்காகலாம். ஒரு சிலருக்கு பதவி. வேறுசிலருக்கு நிம்மதி இலக்காக இருக்கலாம். யாருக்கு எது எளிதில் கிடைக்கவில்லையோ அது தான் இலக்கு. அதை அடைய எடுக்கும் வழிமுறைகள் தான் முயற்சி.

அது தான் விதி. பிறக்கும் போதே உங்களுக்கு கொடுக்காமல் உங்களை தேட வைத்து உங்களுக்கு கிடைக்க வேண்டியதை நீங்கள் போராடினால் தான் பெற முடியும் என்ற நிலை உருவாக்கியிருப்பது விதியின் நிலையன்றி வேறொன்றும் இல்லை.

வேண்டுதல்களும் பரிகாரங்களாலும் இந்த விதியை மாற்றி அமைக்க முடியுமா?

தேடுதல்கள் தொடரும்…

by **சிவா** Sat Jul 21, 2012 12:06 pm

விதிப்படி தான் எல்லாம் என்றால் முயற்சிக்கு பலன் என்ன? - அருமையான கேள்வி! தொடருங்கள்...!

by அசுரன் Sat Jul 21, 2012 12:11 pm

அவரவர் தனது இலக்கை தேடித்தான் சென்றுக்கொண்டிருக்கின்றனர். இலக்கு பற்றிய தங்கள் சிந்தனை அருமை. முன்ஜென்மத்தில் செய்த பாவம் இப்போது தொடரும் என்றால்.. 100 ஆண்டுகளுக்கு முன் இருந்த ஜனத்தொகை இப்போது இல்லையே.. அப்போது புதிய ஆத்மாக்கள் தோன்றியுள்ளதே அவை எங்கிருந்து வந்தது????

நல்ல விசயத்தை அலசுகிறீர்கள்.. பாராட்டுகள் நண்பரே!

by ராஜ்.ரமேஷ் Sat Jul 21, 2012 12:17 pm

முன் ஜென்மமும் மறு ஜென்மமும் மனிதனாக இருக்க வேண்டிய அவசியமில்லை. 100 ஆண்டுகளுக்கு முன் உள்ள நிறைய ஜீவன்களை இப்பொழுது நாம் பார்த்தது கூட இல்லை. எல்லாவற்றையும் கூட்டினால் விதியின் கணக்கு சரியாகிவிடும்.

by சார்லஸ் mc Sat Jul 21, 2012 1:07 pm

எனக்கு ஒரு மகள், மகன் இருக்கின்றனர்.

எதிர்காலத்தில் திருமணம் செய்து வைக்கிறேன். காலஞ் சென்ற என் தாத்தா ஆடாகவும், காலஞ் சென்ற என் பாட்டி சேவலாகவும் என் வீட்டில் பிறக்கிறார்கள்.

திருமணமான என் மகள் என் வீட்டிற்கு வரும்போது , என் வீட்டில் ஆடாக (இந்த ஜென்மத்தில் பிறந்த என் தாத்தாவை) வெட்டி குழம்பு வைத்தால் அது சரியாகுமா?

விருந்துக்கு கோழியாக பிறந்த என் பாட்டியை (எனக்குதான் தெரியாதே) அறுத்து குழம்பு வைத்து குடும்பத்தோடு சாப்பிட்டால் நீதியாகுமா?

என்ன ஒரு பைத்தியக்காரத்தனமான உளறல்.

முன் ஜென்மமும் இல்லை. மறு ஜென்மமும் இல்லை.

மனிதன் ஒரு தரம்தான் பிறக்கவும், பின்பு மரணமடைந்து நியாயத் தீர்ப்படைவதும் கடவுளால் ஏற்படுத்தப்பட்டிருக்கிறது என்பதை நாம் அறிவது மிக அவசியம்.

by **ராஜா** Sat Jul 21, 2012 1:21 pm

சார்லஸ் mc wrote:என்ன ஒரு பைத்தியக்காரத்தனமான உளறல்.
முன் ஜென்மமும் இல்லை. மறு ஜென்மமும் இல்லை.
மனிதன் ஒரு தரம்தான் பிறக்கவும், பின்பு மரணமடைந்து நியாயத் தீர்ப்படைவதும் கடவுளால் ஏற்படுத்தப்பட்டிருக்கிறது என்பதை நாம் அறிவது மிக அவசியம்.

இவையெல்லாம் ஒவ்வொரு மதத்திலும் உள்ள நம்பிக்கைகள் சார்லஸ் , இவற்றை பற்றி நாம் விமர்சிக்க ஆரம்பித்தால் முடிவே இல்லாமல் போயி கொண்டுருக்கும், ஒருவேளை எதிர்கருத்து சொல்வது போல பதிவு இருந்துவிட்டால் பேசாமல் என்னைபோல அமைதியாக இருந்துவிடுவது நல்லது

by சார்லஸ் mc Sat Jul 21, 2012 1:23 pm

ராஜா wrote:
சார்லஸ் mc wrote:என்ன ஒரு பைத்தியக்காரத்தனமான உளறல்.
முன் ஜென்மமும் இல்லை. மறு ஜென்மமும் இல்லை.
மனிதன் ஒரு தரம்தான் பிறக்கவும், பின்பு மரணமடைந்து நியாயத் தீர்ப்படைவதும் கடவுளால் ஏற்படுத்தப்பட்டிருக்கிறது என்பதை நாம் அறிவது மிக அவசியம்.
இவையெல்லாம் ஒவ்வொரு மதத்திலும் உள்ள நம்பிக்கைகள் சார்லஸ் , இவற்றை பற்றி நாம் விமர்சிக்க ஆரம்பித்தால் முடிவே இல்லாமல் போயி கொண்டுருக்கும், ஒருவேளை எதிர்கருத்து சொல்வது போல பதிவு இருந்துவிட்டால் பேசாமல் என்னைபோல அமைதியாக இருந்துவிடுவது நல்லது

by முரளிராஜா Sat Jul 21, 2012 1:30 pm

சார்லஸ் mc wrote:

ஏடாகூடமா கருத்த சொல்லி முழி பிதுங்க நிக்க்கனும்னு இன்னிக்கி சார்லஸ்க்கு விதி ஒன்னும் புரியல

by ராஜ்.ரமேஷ் Sat Jul 21, 2012 1:58 pm

சார்லஸ் mc wrote:
என்ன ஒரு பைத்தியக்காரத்தனமான உளறல்.

முன் ஜென்மமும் இல்லை. மறு ஜென்மமும் இல்லை.

மனிதன் ஒரு தரம்தான் பிறக்கவும், பின்பு மரணமடைந்து நியாயத் தீர்ப்படைவதும் கடவுளால் ஏற்படுத்தப்பட்டிருக்கிறது என்பதை நாம் அறிவது மிக அவசியம்.

ஏதோ ஒன்று இல்லாமல் மற்றொன்று உருவாகது.
எங்கிருந்து வந்தோம் என்பது முற்பிறவி. எங்கு செல்லப் போகிறோம் என்பது மறுபிறவி.

by அசுரன் Sat Jul 21, 2012 3:22 pm

ராஜ்.ரமேஷ் wrote:முன் ஜென்மமும் மறு ஜென்மமும் மனிதனாக இருக்க வேண்டிய அவசியமில்லை. 100 ஆண்டுகளுக்கு முன் உள்ள நிறைய ஜீவன்களை இப்பொழுது நாம் பார்த்தது கூட இல்லை. எல்லாவற்றையும் கூட்டினால் விதியின் கணக்கு சரியாகிவிடும்.

கேட்க நல்லாயிருக்கு.. .கணக்கும் டேலி ஆகுது.. ஆனால் முற்பிறவியில் வேறு உயிரினமாக இருந்து அதனால் வரும் பாவ புண்ணியங்களை இந்த ஜென்மத்தில் மனிதனாக ஏன் அனுபவிக்க வேன்டும்??? ஒருவேளை நான் முற்பிறவியில் புலியாகவோ சிங்கமாகவோ அல்லது டைனாசராகவோ பிறந்திருந்தால் நான் நன்மை செய்ய வாய்ப்பே இல்லையே?