ராகுலுக்கு கங்குலி திடீர் ஆதரவு

புதுடில்லி : இந்திய கிரிக்கெட் அணியின் இளம் வீரர் ராகுல் சர்மா, போதைமருந்து உபயோகித்தது உறுதிப்படுத்தப்பட்டுள்ள நிலையில், இந்திய அணியின் முன்னாள் கேப்டன் சவுரவ் கங்குலி அவருக்கு ஆதரவு தெரிவித்துள்ளார். கடந்த மே மாதம், மும்பை ஜூகு பகுதியில் மும்பை போலீசார் நடத்திய சோதனையில், ஒரு ஹோட்டலில் நடந்த பார்ட்டியில் இந்திய வீரர் ராகுல் சர்மா, தென் ஆப்ரிக்க வீரர் வெய்ன் பர்னால் உள்ளிட்ட 100 பேர் மீது போதை மருந்து உட்கொண்டதாக வழக்கு பதியப்பட்டது. இந்நிலையி்ல், போதை மருந்து சோதனையின் முடிவுகள் வெளிவந்துள்ளன. அதில், இந்திய வீரர் ராகுல் சர்மா போதை மருந்து உ‌ட்கொண்டது உறுதி செயயப்பட்டது. இந்நிலையில் ராகுல் சர்மாவிற்கு ஆதரவாக கங்குலி கருத்து தெரிவித்துள்ளார். இதுகுறித்து கங்குலி கூறியுள்ளதாவது, ராகுல் சர்மா, சிறந்த இளம்வீரர் என்றும், அவர் தெரிந்தே அந்த பார்ட்டிக்கு சென்றிருந்தாலும், அவருக்கு தெரியாமல் போதைமருந்து பயன்படுத்தியிருக்கலாம் என்றும் இதனால், அவர் இந்திய அணியில் இடம்பெறுவது தடைப்படலாம் என்று கூறியுள்ளார்.. மற்ற போட்டிகளைப் போல, போதைமருந்து உட்கொண்டால் சிறப்பாக செயல்படலாம் என்பது போன்ற விளையாட்டு கிரிக்கெட் அல்ல என்றும், தெரியாமல் அவர் போதை மருந்தை உப‌‌யோகிப்படுத்தியிருக்கலாமே தவிர, அவர் வேண்டுமென்று செய்திருக்க மாட்டார் என்று கங்குலி கூறினார். இவ்விவகாரம் குறித்து, முழுமையான தகவல் கிடைத்த பிறகே விசாரணை மேற்கொள்ளப்படும் என்று இந்திய கிரிக்கெட் கட்டுப்பாட்டு வாரியம் தெரிவித்துள்ள நிலையில், இன்று துவங்க உள்ள இலங்கைக்கெதிரான இந்த தொடரில், ராகுல் சர்மா இடம்பெற்றுள்ள நிலையில், அவர் விளையாடுவாரா அல்லது இல்லையா என்பது அனைவரும் எதிர்பார்க்க வைத்துள்ளது.


http://tamil.yahoo.com/%E0%AE%B0-%E0%AE%95-%E0%AE%B2-%E0%AE%95%E0%AF%8D%E0%AE%95-%E0%AE%95%E0%AE%99%E0%AF%8D%E0%AE%95-042100539.html;_ylt=AgJtG.wvNuHTJhGqp2mEkhaZBtx_;_ylu=X3oDMTNxZGdmM25uBG1pdANUb3BTdG9yeSBGUARwa2cDNTFjZmRmNDYtMDI4Ny0zYWVjLWJkOTEtYmIxMjA2Nzg5MTY2BHBvcwM1BHNlYwN0b3Bfc3RvcnlfY29rZQR2ZXIDNmI1M2U1ZjEtZDJmMC0xMWUxLTkxOWYtNDA1MWMwZDBmMjAx;_ylg=X3oDMTI5YnQ5N2Y1BGludGwDaW4EbGFuZwN0YS1pbgRwc3RhaWQDBHBzdGNhdAPgrprgr4bgrq_gr43grqTgrr_grpXgrrPgr40EcHQDc2VjdGlvbnM-;_ylv=3