பாமகவின் பூட்டுப் போடும் போராட்டம்: சென்னையில் ராமதாஸ், 2,000 பேர் கைது

முரளிராஜா · முரளிராஜா Tue Jul 17, 2012 1:13 pm

சென்னை: பாமக சார்பில் டாஸ்மாக் கடைகளுக்கு பூட்டுப் போடும் போராட்டம் இன்று தமிழகம் முழுவதும் நடந்தது. சென்னையில் நடந்த போராட்டத்தில் கலந்து கொண்ட பாமக நிறுவனர் ராமதாஸ் மற்றும் 2,000 பேர் கைது செய்யப்பட்டனர்.
தமிழகத்தில் பூரண மதுவிலக்கை அமல்படுத்தக் கோரி பாமக சார்பில் இன்று தமிழகத்தில் உள்ள அனைத்து டாஸ்மாக் கடைகளுக்கும் பூட்டுப் போடும் போராட்டம் நடந்தது. இதையடுத்து மாநிலத்தில் உள்ள டாஸ்மாக் கடைகளுக்கு போலீஸ் பாதுகாப்பு போடப்பட்டது. சென்னையில் உள்ள ஒவ்வொரு டாஸ்மாக் கடையிலும் தலா 5 போலீசார் நிறுத்தப்பட்டனர்.

கடைகளுக்கு பூட்டுப் போட முயற்சிப்பவர்கள் கைது செய்யப்படுவார்கள் என்று போலீசார் எச்சரித்தனர். இந்நிலையில் சென்னையில் உள்ள டாஸ்மாக் கடைகளுக்கு முன்பு போராட்டம் நடத்திய சுமார் 2,000 பாமகவினர் மற்றும் அக்கட்சியின் நிறுவனர் டாக்டர் ராமதாஸ் ஆகியோர் கைது செய்யப்பட்டனர்.

மேலும் மாநிலம் முழுவதும் போராட்டத்தில் ஈடுபட்ட ஏராளமான பாமகவினர் கைது செய்யப்பட்டனர். இதற்கிடையே செந்துறையில் பாமக மாநில துணைத் தலைவர் உலக. சாமிநாதன் தலைமையில் நடந்த போராட்டத்தில் ஏராளமான பெண்கள் கலந்து கொண்டனர் என்பது குறிப்பிடத்தக்கது.

நன்றி ஒன் இந்தியா

Guest · Guest Tue Jul 17, 2012 1:18 pm

பா மா க கட்சி அலுவலகதிற்கு பூட்டு போடாமல் இருக்கவே இந்த நகைசுவை நிகழ்ச்சிய ?

2016 நம்ம கையுல ... சந்திப்போம் நம்ம சட்ட சபயுல (சிரிக்காமல் பாடவும் )

**சிவா** · **சிவா** Tue Jul 17, 2012 1:30 pm

பூட்டுப் போடச் சென்றவர்கள் மது அருந்திவிட்டுத்தான் போராட்டத்திற்கே வந்தார்கள் என்பது வெளிவராத கதை!

யினியவன் · யினியவன் Tue Jul 17, 2012 1:45 pm

ஸ்டாக்கு தீந்து போச்சுன்னு தான் பூட்டு போட போயிருப்பாங்களோ?

ஹர்ஷித் · ஹர்ஷித் Tue Jul 17, 2012 1:48 pm

இவங்களால நடந்த விஷயம் என்னனா இன்னைக்கு பூரா போலிஸ் படை சூழ குடிமகன்கள் குடிக்கலாமுங்க..., ஜாலி

யினியவன் · யினியவன் Tue Jul 17, 2012 1:49 pm

ஜேன் செல்வகுமார் wrote:இவங்களால நடந்த விஷயம் என்னனா இன்னைக்கு பூரா போலிஸ் படை சூழ குடிமகன்கள் குடிக்கலாமுங்க...,

அப்படி போயிட்டு வந்ததால தான் நீங்க லேட்டா? புன்னகை

ஹர்ஷித் · ஹர்ஷித் Tue Jul 17, 2012 1:50 pm

யினியவன் wrote:
ஜேன் செல்வகுமார் wrote:இவங்களால நடந்த விஷயம் என்னனா இன்னைக்கு பூரா போலிஸ் படை சூழ குடிமகன்கள் குடிக்கலாமுங்க...,
அப்படி போயிட்டு வந்ததால தான் நீங்க லேட்டா?